منتديات تراتيل شاعر - لا واهني اللي رصيده ملايين

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - لا واهني اللي رصيده ملايين (http://tra-sh.com/vb/showthread.php?t=137719)

لا واهني اللي رصيده ملايين

’،’

لا واهـني الي رصـيده ملايـين
وامضاه في راس القلم يقبلونه

وبواخره تمشي بكل البلادين
ومصادره من كل شكل ٍ نمونه

وعنده عيال ٍ صالحين ورشيدين
لا غاب والدهـــم هم يمثلونـــه

بيته يعانق شاهقات الضلاعين
تلقى الحمام مبيض ٍ في ركونه

وديوانه اكبر مابنى بالدواوين
مفتوح واجواد العرب يدلونه

فيه الخدم متكاملين ومطيعين
من جاء لهالديوان بيباشرونه

ولا صارت الريضان مثل البساتين
ماطاب من ريضانها ينزلــونـــه

تلقى الخزاما والنفل والرياحين
تطرب له الورقى وتزعج فنونه

مع لابة ٍ تنطح وجيه الشياطين
عز ٍ لهم وهم يتفادون دونــه

هذي الحياة اللي لها الناس شفقين
من غـرّ منها يا حياة المهونـــه

اشوى من اللي ياخذ الدين بالدين
وطّلابته راس الشهر يبلشونـــه

ومع الفقر عنده بزور ونساوين
يبون حاجتهم ولا يعــذرونــــه

يقضي معاشه مامضى الشهر يومين
الفقر شيبّه وشيب عــيــونـــــــه

عايش ولكن عيشة الفقر مسكين
كنّه مصخن وهو مابه صخونه

يا الله ياقابل صلاة المصلين
انك تقوم بعوننا ثم عــونه

الشاعر/ سليمان الهويدي