روايةأما غرام يشرح الصدر طاريه ولا صدووود وعمرنا ماعشقنا/11

[MS HMS]

طفلة بنت ثمان سنين...
عايشة مع عمتها وزوج عمتها وعياله...
كل ليلة تصحى وهو حاضنها ويقبلها..
تصرخ وتبكي يخاف ويهرب لا تحس عمتها أو أبوهـ ..
يرجع من بكره يحاول ينسيها ويغريها بألعاب ومشاوير..
ويعتمد التهديد عشان يضمن صمتها وسكوتها...
تقفل غرفتها وتنام كل ليلة تحت السرير وكانها تتخبى منه..
ضعيف دين..
مريض نفسي..
حيوان بشري..

بكت بصووت عالي وهو يسمعها لانه واقف عند الباب..
طلع من البيت ضاااايق من حالها..

كرهتي روحك..
واللي ماحب روحه الا معك وش يقول..؟؟
لاحول ولا قوة الا بالله العظيم..
لو أعرف من يكون وكيف أوصله..
بس ماني بعاجز عنه والله لاألقاهـ..
وعد يارشا ألقاهـ ويأخذ جزاهـ..

رجع بعد ساعتين بعد ما وكل من يدور لاسم زوج عمتها..
وأسماء عياله ..وتقرير عن حياة كل واحد منهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛


دخل البيت الهادي..
وباين من انواره المطفية ان أهل البيت نايمين..
طلع الدرج بخطوات ثقيلة ..
فتح باب جناحه ورمى شنطته الرياضية باهمال..
جلس في الصالة وشد انتباهه شيء متغير في المكان..
ما اهتم وفكر باللي شاغل باله..
مسفر خوفه على ابوهـ وقاله انه متأزم من بعد غيابه..
مع ان قلبه واثق ومتأكد ان هذا مجرد وهم في بال مسفر..
يمكن أبوه زعلان مثل حاله دائماً بسبب قمر..
أكيد ماهو بعشانه..
ناظر بصورته مع مرام بيوم زواجهم على الطاولة جنبه..
شال الصورة مستنكر وجودها..
كان بينساها..وبينسى كرها له وحقدها..
غمض عيونه وهو يستغفر لانها ماعادت زوجته..
هي صارت محرمة عليه ..
قلب الصورة وحطها على الطاولة..



وقف بتعب وفسخ جاكيته قبل يدخل غرفته..
سكر الباب ونزل قميصه ورماه على السرير..
اعجبه جو الغرفة المعطر والانوار الهادية ..
دخل دورة المياهـ تحمم وحلق لحيته اللي طالت طول الأشهر الماضية..
خرج تعبان كل اللي يبيه النوم..
بس لما ناظر الساعة تنهد باقي على صلاة الفجر ساعة..
مايبي ينام وتفوته الصلاة..
لانه يعرف نفسه مستحيل يصحى بعد كل هالتعب ..

[MS HMS]

انسدح على سريره وهو يحذر نفسه ماينام..
بس يريح ظهرهـ وارجوله..
خانته عيونه لحظات مايدري كم مرت عليه..
حس بشيء يحفر صدرهـ وشيء ثاني يتحرك على وجهه..
فتح عيونه بالغصب..
ويدينه تتحسس هالشيء الغريب..
شافها بحضنه لامة يدينها على صدرها حركتها المعهودة..
ونايمة بكل راحة..
ابتسم بتعب لو أدري بهذا الحلم جيت من زمان..
لم يدينه حواليها وضمها له أكثر..
او بالأصح ضم نفسه لها..
قبلها قبل يصحى من حلمه ويفقدها..
تحركت منزعجة من حركاته..
ثبتها له أكثر لحتى خدرت بنومها مرة ثانية..
وبعدها نام وهو يحسب ان كل هذا مجرد حلم...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خرجت من دار الأزياء وهي تغيض صوفي بكلامها..
ياسمين\لا شكراً لن أمنحك شرف إيصالي الى منزلي..
صوفي بقهر\اتمنى ان تتعرض لك المافيا قبل ان تصلي منزلك..
ياسمين\هههههههههههههه بسم الله علي..أراك غداً أيتها المنمشة..
صوفي بوله\لا اعلم ماذا ستفعل بي إن راتني أزورها الآن..
انا مشتاقة لوولفي يجب أن يستيقظ من نومه ذاك الكسول..وداعاً..

حركت صوفي سيارتها وياسمين رحمت هديل لأن صوفي بتصحي ذياب لو كان نايم..
حست بضيق وهي تتذكر شكل هديل لما وصلوها لشقتها..
كيف كانت حاضنة ولدها وتبكي...
وتتكلم بصوت مخنوق عن خوفها واستسلامها...
استغربت كل هذا بسبب غازي الشخص اللي زارهم في الشركة..
هو صاحب الأسهم اللي أشترتها هديل باسم ياسمين..
اكيد له علاقة في هديل..
ومن حال هديل تأكدت إن علاقتهم غير ودية أبداً..

دخلت باحد الممرات ولازال تفكيرها محصور بهديل..
تحس براحة غريبة لأن صوفي موجودة بحياتها وحياة ولدها..
فهي لاحظت قوتها وتحديها لغازي وماكس..
وبتكون حليف قوي لهديل..
صرخت بخوووف وهي تحس بيدين تلمها مع خصرها بقووة وتجذبها..
أول ماخطر في بالها المافيا بعد دعوة صوفي عليها..
ضربت الجسد اللي ضامها بقووة وهي تصرخ وتستنجد..
كتم صوتها بقبلة قاسية...
تجمد الدم بعروقها وهي تتخيل ان هالشخص بيغتصبها ويذبحها...
بعت عنه بالموت وعلا صراخها في المكان ويدينها تضربه بهستريا..
ياسمين\يا ابن ال***..يا **** ابعد ايدينك عني يا حقيييير..
ساعدووووني أرجوكم ساعدوني...لااااا ابعد عني...
سلمان يضمها وهو يضحك\هههههههههههههههه روق يامعصب...
ياسمين بصوت باكي\ابعد عني يا**** راح أقتلك..ابعـــــد..
سلمان\ياسي هدي يا قلبي انا سلمان...

[MS HMS]

ردد عليها الكلمة أكثر من مرتين وهو يهديها ..
ظلت للحظات ساكنة بحضنه تحاول تستوعب اللي صار لها..
وان هذا المجرم المتطفل هو سلمان...
رجل المافيا ال**** كان سلمان زوجها..
دفته عنها بقهر ويدينها تلتم على معطفها الطويل..
سلمان بابتسامة\اوووف عصبتي...؟؟
بصراحة ماني آسف كنت أتمنى اسوي هالشيء من أول لقاء..
بس استحيت وقلت عيب البنت ماتعرف شكلي..
بس مادامك عرفتيني فكان لازم اسوي اللي بخاطري..
ياسمين بقهر\اسمع انت ياتافه..كلمة زوجتي مهما رددتها علي وعلى نفسك ماراح تعني لي اشي..
مشان هيك انا اريد أطلق منك..وانت ارجع بلادك او موت..
صدت عنه ومشت رغم ان كل جوارحها وقلبها يتوسلون لها ترجع تضربه او تذبحه..
حست فيه يمشي جنبها مطنش كلامها اللي قالته..
سلمان ببرود\قبل لا انسى انتي لازم تجهزين حالك لـ السفر..
بنرجع السعودية بنهاية هذا الاسبوع يازوجتي..
وقفت وناظرت فيه بصدمة\انا مش عارفة انت مابتفهم...
او عندك مرض الثقة المفرطة واثق جدا من رجوعي معك..
انا بدي اعرف انت شو اللي رجعك لحياتي...؟؟
سلمان\رجعت لاني زوجك...
ياسمين بتحدي\للأسف أنا نسيت هذا الاشي..
سلمان يهز راسه\مافيه مشكلة أذكرك اوو اقصد أثبت لك..

مسك يدها وسحبها معه حاولت تبعد عنه ماسمح لها..
دخلها سيارته وقفل الباب..
جلس جنبها وحرك السيارة بسرعة..
صرخت فيه بقهر وعصبية ورفض كبير لتصرفاته..
سلمان\تصرفك هذا اذا سويتيه في السعودية..قطعت لسانك ورميته في الصحراء..
ياسمين\مابيحتاج لاني ماباروح معاك السعودية..
سلمان\جوازك واوراقك صارت معي اخذتها من قيس أخوك..
بنسوي حفلة صغيرة هنا عشان يفرح فيك أخوك وأهله..
ولما نوصل السعودية بنسوي حفل ثاني..
ياسمين بغضب\انت مالك حق تاخذ اوراقي الخاصة..
وكيف تسمح لنفسك تخطط كل هالأمور وكاني ممكن اوافق..
سلمان\توافقي على ايش بالضبط..؟؟
ياسمين\على الزواج..؟؟
سلمان\هههههههههههه ياقلبي احنا متزوجين وخالصين ماينفع توافقين..
ياسمين\لا مو متزوجين..
سلمان بتسلية\مافيه مشكلة الحين نتزوج...

[MS HMS]

وقف السيارة نزل وسحبها معه وهي تضربه..
تملكها الخوف من جرئته وما استبعدت انه ممكن يسوي اي شيء فيها..
ياسمين بخوف\اتركني سلمان اتركني..باروح لاخوي..ابعد عني..
وقف ثبتها على الجدار وقرب منها..
ياسمين\ بأرووح لاخوي ابعد عني..
سلمان\هذا بيت أخوك ماعرفتيه...؟؟
ياسمين ناظرت البيت بصدمة..
من خوفها مالاحظت انه وصلها لبيتها..
كانت تظن انه اخذها لبيته..
سلمان بهدوء\بعد اسبوع بتكون حفلة زفافنا..استعدي لزوجك..
بعد عنها ماشي لسيارته..
وعيونه متعلقه فيه بعدم تصديق..
ألتفت عليها وانتبه انها على وقفتها ماتحركت..
مشى رايح لها فزت في مكانها وركضت لداخل البيت..
ابتسم لخوفها منه وتصرفاتها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛


صحت من نومها حاسة بثقل أكبر من حملها..
تحركت بصعوبة ومدت يدينها ترتجي مساحة تقدر تتنفس فيها..
فتحت عيونها بتركيز وبدت تتشنج لما أدركت انها مو لوحدها على السرير.
وانها نايمة بحضن شخص غريب..
راسها مدفون بصدرهـ..
ويدينه محاوطتها بتملك...
كانت بتصرخ بس صوتها خانها..
يدينها تجمدت وماقدرت تخدمها..
شهقت لما حرك راسه وبدأ يقبلها..
استجمعت قوتها وغرزت أظافرها برقبته وصدرهـ...
صرخت برعب وخوف لما تحرك ودفها عنه بقسوة..
تألمت على خصرها وتحملت الألم..
وقفت بسرعة وهي تبكي وتشهق...
شالت الفازة من على الطاولة وكانت بترميه بها بقوووة..
تجمدت حركتها لما شافت وجه بوجها...
معقد حواجبه ويده على رقبته...
الاثنين مصدومين...
وكل واحد يتسأل كيف وصل الثاني لسريرهـ..
كان ممكن يكون حلم بالنسبة له..
لكن الجروح اللي برقبته تثبت مدى واقعيت اللي يعيشه..
وهي لو ظنته كابوس فا الألم بخصرها يثبت استحالته..
همس بذهن غائب\مرام..؟؟!
مرام\..............................
وقف ولازال مركز عيونه عليها..
هي مرام موجودة قدامه وحقيقة مو خيال..
يعني اللي عاشه أمس صدق مو خيال او حلم..
بس مرام وش تسوي بغرفته وهو مطلقها..؟؟
مطلقها ترددت هالكلمة في راسه وأدرك إنها واقفة قدامه من دون حق..
ادار ظهره لها بصد وجفاء..
انصدمت من صده عنها وردت فعله القاسية..
كذا يقابلها بعد هالغيبة..بالصـــد...

نهرت نفسها وش تنتظرين منه مثلاً..
يأخذك بحضنه ويلمك..
أنتي خيرتيه بين الموت والطلاق..
وصار اللي تبينه..
بس الحين الوضع غير...
أنا حامل..
والمفروض يحاول يصلح الأمور مثل ما أنا احاول..
مرام اكذبي عليه بس لاتكذبين على نفسك..
ماتبينه يقرب منك وأنتي حامل..
ولا يلمسك او يساعدك..
واذا قرب منك بتضربينه بالفازة اللي بيدك..
حملك تبينه يتم..
ومدام تركي جاء يمكن ينهيه مثل ما نهى أخوهـ...
تراجعت بخطواتها وهو صاد عنها...
طلعت من الغرفة ودخلت غرفة مسفر وهي تلهث بخوف ورعب..
جلست على الكرسي ويدها على خصرها المتألم..
وعيونها مليانة دموع ومصدومة..
حست بيده على كتفها يهزها..
مسفر\مرام فيك شيء..؟؟

[MS HMS]

وقفت بسرعة وضمت مسفر وهي تبكي..
مرام\مسفر انا في وجهك..سألتك بالله لاتخليه يقهرني..
تركي رجع ويمكن يطيح حملي..تكفى مسفر قله يروح بعيد..
مسفر ضمها\بسم الله عليك..مرام لاتخافين تركي بينبسط بحملك أكثر منك..
وتراه مايدري انك حامل..ولازم يرجعك لذمته قبل ولادتك..
مرام ترفع راسها\وليه يرجعني..؟؟وليه ينبسط بحملي..؟؟
مسفر بسرعة\انتي ارتاحي هنا في غرفتي..
وأنا الحين اخذه ونرجعك له في المحكمة..
مرام\لا مافيه لاترجعني ماابى..
مسفر عقد حواجبه\وش اللي ماتبين..من اللي كسر أرجول مسفر في المكاتب والسفارات يدور على تركيه..
مو قلتي تبين تركيك هذا هو جبته..
مرام\ايه ابيه يرجع عشان يرجع ماهو عشاني انا..
مسفر\الله يرحم من قال لا تأخذ بحكي الحريم..
فمان الله باروح ارجعك لزوجك قبل لا يهج مرة ثانية..هو ماورى مسفر غيركم..
ترى مسفر قلبه مشغول بغيركم..

طلع من الغرفة وتجاهل ندائها له وتوعدها فيه..
ماكان بيرجعها لعمه لو ما ادرك ان مرام تحتاجه وتبيه بحياتها..
هو يستمع لها ويفهم زعلها وخوفها وايش اكثر شيء يتعبها..
واللي يذبحها هو غياب تركي عنها..
تبيه يظل قريب منها ولو ظلوا منفصلين وقاسين على بعض..
المهم يكون جنبها ومايتركها..


تركي رفع راسه بغضب\خيييييير..؟؟
مسفر بهدوء\الخير بوجهك..قلت مشينا المحكمة..
تركي\مسفر خالتك وش تسوي عندنا هنا؟؟ مو انا طلقتها..
وبعدين كيف تنام في غرفتي اللي ماتستحي..
مسفر باستغراب\اللي ماتستحي..؟؟
تركي\ايه هي ولا وش ينيمها بغرفة رجال غريب عليها...
مسفر\اها..طيب يمكن مشتاقة لريحتك..يمكن تبي ترجع لك..
تركي\ويمكن تبي لها من يكوفنها عشان تتربى..
مسفر\لا اله الا الله..هذا وأنتوا بتلتقون بعد فراق وعذاب وشوق..
وهذا حالكم معصبين وماتبون تشوفون بعض..
قم بالله عليك نروح نرجعكم لبعض وبعدها تذابحوا..
تركي بعصبية\وش ترجعنا..؟؟عنبوا ابليس العدة راحت وتسلم عليك..
مسفر\عدة الحامل حتى تضع حملها..والى الحين زوجتك ماوضعت حملها..
وبكذا يجوز ترجعها لذمتك..
تركي\؟؟؟؟؟؟؟؟؟؟؟؟؟؟؟؟؟؟؟؟؟
مسفر\ادري انك انصدمت بالخبر..بس مرام حامل..
وانا كنت ادور عليك طول الأشهر اللي مضت عشانها..
تركي بغضب\قم رجعنا لبعض...يا أسود الوجه ماعرفت تلقاني مثل الناس من بدري..
مسفر يضحك\هههههههههههه وانا وش عرفني عنك ماضعت قريب رحت لأخر الدنيا..

صد عنه تركي ومارد عليه وهو يحس بغضب وقهر كبير في قلبه..
ويخاف كل هذا يطلع في مرام ...

طلعوا من المحكمة وقرر تركي يترك الرياض لكم يوم لحتى تهدا عصبيته..
مايبي يخوف مرام وهي بهذا الوضع..
ومحتاج يفكر بحياته معها قبل يلقاها..
ويسيطر على وضعهم بحكمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

[MS HMS]

شالت ذياب بين يديها وعلقت شنطته على كتفها..
طلعت من الشقة وتفاجئت بصوفي قدامها..
شهقت بخوف وتراجعت ورى..
صوفي بصدمة\ديل أين تذهبين..؟؟
هديل تتنهد\سأرحل من هنا...
سحبتها صوفي دخلتها الشقة وجلست معها في الصالة وأخذت ذياب بحضنها..
صوفي بهدوء\ماذا تعنين بانك راحلة..؟؟
هديل بخوف\اعني راحلة..
سأترك إيطاليا..وربما أترك اوروبا لا يهم الأمر..لا اريد ان أعيش معه بنفس البلد..
صوفي بحنية\لماذا تفعلين هذا؟؟لماذا تسمحين لخوفك ان يسيطر عليك..؟؟
هديل بحسرة\ماللذي سأستفيده من البقاء هنا أخبريني..
صوفي أنا ميته بالنسبة له..فلم لا ابقى هكذا..؟؟
لماذا لا أغادر هذا المكان مع أبني وأعيش بعيداً عنه..
رحيلي من هنا هو بداية جديدة لي ولصغيري...
اطلبي من ياسمين ان تعيد الأسهم له..لا اريده ان يعلم بوجودي..
لم أدرك خطورة الأمر الا عندما رايته يحتضن ابني..
صوفي بألم\لا لا عزيزتي..لن يستطيع أخذ صغيرك منك..
هديل برجفة\لا أخاف على طفلي منه..انا خائفة على نفسي..
عندما رأيت ذياب بأحضانه رأيت نفسي مكانه..
كنت صغيرة صوفي..وكان يحركني بين يديه كما يحرك ذياب..
ماذا سأفعل إن هو وجدني..سأقتل نفسي إن حاول لمسي مرة أخرى..
سأمووووت صوفي سأموووت...

نيمت ذياب على الكنبة وضمت هديل بقوووة ..
صوفي\إهدئي عزيزتي..الهرب لن يكون حلاً..
هل نسيتي والدتك..وكم أنتي مشتاقة للعودة اليها...
وماذا عن اختك الوحيدة وباقي أفراد عائلتك...
لا تسمحي له بالقضاء على عودتك اليهم بسبب خوفك..
هديل تبكي\سيجدني..يالهي ما اغباني بالتأكيد سيجدني..
أريد أن أعود الى بلادي صوفي..
يجب أن أعود..والدي سيحميني..
إخوتي سيحمونني منه..هنا لا أحد سيمنعه عني لا أحد..
صوفي\غداً سيكون الاجتماع بمكتبه..سأذهب أنا وياسمين..
وإن إكتشفت بانه يشك بأمر ما ..سأعيدك بنفسي الى السعودية..
أرجوكي عزيزتي لا تهربي مني أرجوكي...
هديل برعب\عادت الكوابيس صوفي..وهذا يعني بانه سيعود..
عادت الكوابيس..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

كانوا جالسين في الصالة يشاهدون التلفزيون..
نزل غازي الدرج بسرعة طفولية مطفوقة..
رشا\ولد شوي شوي لا تطيح..
شوق تضحك\هههههههه ياقلب عمتك وش ذا الكشخة..؟؟
كان لابس شماغ راجح وعقاله وشايل مفاتيحه وجواله ولابس نظاراته..
رشا بابتسامة\ياويلي بيذبحه راجح...دائما يعفس شماغه واغراضه..
شوق بحب\يالبى قلبه وين رايح حبيبي..
غازي بعصبية\اقعي لايح عمل..<<اقلعي رايح العمل..
شوق\اووف اعصابك يا وزير المالية..
غازي\ الوح معي؟؟<<تروحين معي؟؟
شوق\لا فديتك تعبانة انت توكل..بتروح سيارة ولا سيكل؟؟
رشا\ههههههههههههه غازي اضربها..
ماصدق احد يقوله اضرب وعاد هذي ماما رشا سمحت له من قده..
هجم على شوق وجاء بينط عليها بقوة وهي تصرخ وضامة نفسها..
مسكه راجح وعلقه بالهواء مع قميصه..
راجح\سنفور تبي تضرب عمتك؟؟
غازي بتمسكن\أنا أكيييين<<أنا مسكين ..
راجح عفس وجهه\انت مسكين يالسكني؟؟وبعدين ليه ماخذ شماغي..
وين شماغك اللي اشتريته لك..
غازي\مع سوكة كبة حسيس..
طالب نازل\مالخسيس غيرك يالنتفة..
نزل من حضن راجح وتعلق في طالب بتمسكن..
غازي\الوح معي<<أروح معك..
طالب\ياليل البعارين وش بيفكنا من ذا النشبة..
جلس على الارض وحط غازي في حضنه..
طالب\شف وانا خالك..انا رايح الدوام وارامكوا ماعندهم تفرقة وخرابيط..
اشتغل زين وخل عنك المهايط..فعشان كذا ما باخذك معي فهمت..؟؟
راجح\بالموت فهمت انا على كلماتك المتقاطعة فكيف يفهمك..؟؟
غازي سحب القلم من جيب طالب وحطه وراهـ..
طالب\هات قلمي..؟؟
غازي بعناد\قلقمي..
راجح\هههههههه قلقمه مالك دخل..
طالب\قول قلم..

[MS HMS]

غازي\قلقم..
نزله في حضن رشا وهو يواسيها..
طالب\مسكينة يا وخيتي..ربيتي وما اثمرت التربية..
رشا ابتسمت له وماردت عليه..
صارت حساسة كثيرة وتلتزم الصمت لما يكون راجح موجود..
ماترفع راسها ولا تتكلم مع احد..
ناظرت بطرف عينها تشوفه..
ولا كأنه يشوفها..
جالس جنب شوق وحاط يده على كتوفها ويسولف معها..
حست بنقص وشوق لحنانه..
حتى بغرفة نومهم..يصد عنها وينام من دون مايدري عنها..
مايحضنها ويواسيها الا لما تصحى مفزوعة وتناظر بيدينها تدور على الدم..
واحياناً تصحى تتأكد من باب الغرفة مقفول ولا تدري انه منتبه عليها..
مشتاقة له..
ليه يحرمها منه..
مايكفي اللي عاشته من حرمان ..

رفع راسه وناظرها بعد ماقفل جواله..
راجح بهدوء\عامر وهله نازلين السعودية بكرة..وبيمرون يشوفون غازي..
ماردت عليه الا برمشة من عيونها ونزلت دمعتها..
وقفت وطلعت لغرفتها قفلت الباب عليها وجلست على الارض مستندة على السرير..

عافك يا رشا..
على قد ماكرهتي نفسك بيكرهك..
ليه قلتي له..
لو كتمي اللي بنفسك بنفسك ولا حكيتي..
صدمني فيه..
وين الحنون الطيب..
وين راجح اللي أحبه..
ليه قسى علي..؟؟
ولو انه صارلي شيء مع عيال الحرام اللي هاجموني..
كان بيطلقني ولا بيدفني..

نزلت راسها على ركبها وبكت بصوت مخنووق ماتبي أحد يسمعها..
ولا قلب يشفق عليها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مدت يدها ومسكت قميص صوفي بقهر..
ياسمين\هنا يختلف الوضع..أنا السيدة صاحبت الأسهم..وأنتي مساعدتي او سكرتيرتي..
او التابعة لدي..لذلك تمشين خلفي حسناً..
صوفي ثارت بقهر وكانت بتنفجر فيها..
التوتر متملكها وخايفة من مفاجئة غازي لها..
يمكن صار يعرف بوجود هديل ويلعب عليهم..
دفت ياسمين ودخلتها المكتب قبلها وهي تهمس لها..
صوفي\سنعود الى دار الأزياء وساطردك..
ياسمين\اخرسي ...

دخلوا المكتب وتجمدوا بمكانهم لما شافوا أعضاء مجلس الادارة مجتمعين ينتظرونهم..
انصدمت ياسمين وهي تشوف سلمان...
بس لا ماهو سلمان اللي لفت انتباها..
شخص ثاني...أول مرة بحياتها تشوفه..
وصوفي كانت حالها بنفس حال ياسمين..
أنصدمت بوجود ماكس ثواني بس..
وبعدها لفت نظرها نفس الشخص اللي شد انتباه ياسمين..
ناظروا في بعض مصدومين من هذا الشخص..
تاكدت صوفي بانها راح تفشل في هذا الاجتماع فشل كبييير..
بسبب هذا الشخص أولاً ثم غرابة ماكس..وسطوة غازي..
جلسوا جنب بعضب مقابلين سلمان والشخص اللي جنبه..
قدرت ياسمين تشيل نظرها من عليه وتناظر في سلمان..
لاحظت نظرات الغضب والغيض وكأنه يتوعدها بما لا يحمد عقباهـ..

غازي بجمود\بعد ان إكتمل أعضاء مجلس الادارة وقبل ان نبداء بأي شيء..
أقدم عرضاً لــ السيدة ياسمين..هل ستحتفظين بالأسهم..أم تبيعينها لشخص أخر..
ياسمين بثقة وتتجاهل سلمان\بالوقت الراهن قررت الإحتفاظ بأسهمي..
ماكس\إذن لن تبيعيها..؟؟
ياسمين\لا أضمن ذلك..لربما أبيعها بيوماً ما..ولكن مالفائدة..فالأسهم ملكاً لي الآن..
غازي\إن كنتي تريدين بيع الأسهم فأنا أنوي شرائها..
ياسمين بهدوء\آسفة سيدي..لن ابيع الأسهم الآن..

[MS HMS]

غازي\كما تريدين..سيدة صوفي عذراً هل لي ان اعلم ماذا تفعلين معنا هنا..
صوفي بهدوء\أنا شريكة سيدي..ولدي نسبة من الأسهم ربما لا أكون احد اعضاء المجلس..
ولكني امتلك أسهماً هنا..
غازي\لازلتي تتجاهلين أهم شرط بحصولك على الأسهم وهو ان تكوني مسلمة..
صوفي\أعيد سؤالي مرة أخرى..لِم ماكس يمتلك أسهماً هنا..؟؟
ماكس بهدوء\لأني مسلم...
صوفي أنصدمت من كلامه وبانت صدمتها على وجها وامام كل الموجودين..
ناظرت فيه بيأس وعتب..
وقفت بهدوء\إذن هذا شرط حقيقي...
عذراً أيها السادة أخطئت بغرفة الاجتماعات..
شالت شنطتها وانتبهت ليد ياسمين تمسكها..
ياسمين برجاء\لاتتركيني لوحدي..أرجوك..
صوفي بهمس\سأموت إن بقيت هنا..أرجوك لأجل ديل كوني قوية..
وناظرت في احد الأشخاص..
صوفي\هل ترين ديل..؟؟
ياسمين\نعم يا الهي كم يشبهها..

خرجت صوفي ونظرات ماكس تراقبها..
طلعت من المكتب وجلست على احد المقاعد وهي ترتجف..
حست بشيء غريب يغشاء عيونها..
نهرت نفسها بقهر..
لماذا تبكين..هل حقاً ستبكين..؟؟
أسلم لقد دخل الإسلام..
لم يخبرني بذلك..
إذن هذا هو سبب تغيرهـ..
الاسلام..
وماذا عني..
لماذا لم يأخذني معه...؟؟


الى الملتقى باذن الله تعالى فجر السبت...

وأعذروني على القصووور..هذا أقصى شيء قدرت أكتبه..

كونوا بخيـــــــــــــــــــــــــــر ...


صدووود’’’


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ




السلام عليكم ورحمة الله وبركاته ...


صبــــــــاحكم ...
ورد ندي بأسحار الشتاء..
ضباب يعانق بُعد السماء...

مســــائكم ...
همسة من بين شفاهـ الزمان..
تنبـــىء بقدوم الأمــــــل..

كيفكـــــــــم الــ ليلااااااااااااااس ..؟؟
أحبتــــــي في كل مكــــــــان..؟؟!

شكـــراً بحجم السماء ..
لكل من عانقت حروفهم الغالية متصفحي هنا وبكل مكان...
ولــــ من يعتصمون الصمت من خلف الكواليــــس...
ولــــ كلك من سجل لأجلي ملبياً لنــدائي..
ولـــمن يهتفون بالخاص كفى ضقنا بالفراق ذراعاً ..
لا أملك الا أن أقوووول ..
صبــــراً أحبتــــــــــي فبعـــد الشتــــاء يأتي الربيــــع ..

[MS HMS]

البارت إهــداء ..
لكل اللي سجلوا عشاني هنا وفي الجوار..
الله يعلي شأنكم...


البارت التاسع والخمســــون...


أيا ابنة كل اخضرار المروج..
أنا ابن الجفاف .. وما استولدا..

ويا ابنة كل مياه الغمام..
أنا طفل كل قرون الصدى ..

ويا كل أفراح كل الطيور ..
أنا كل أحزان من قُيّـــدا..

دموع الجموع .. على ناظري..
وذل اليتامى .. وخوف العِدا..

عرفت عصارة كل الهموم..
رضيعا .. وعانيتها أمردا..

وجربتها .. وحسام السنين..
مشيت على مفرقي عربدا..

فمالك .. يا دمية المترفين؟
تثيرين هذا الأسى الأربدا ؟

ومالك يا نشوة القادرين؟
تهزين في يأسه المُقعدا..

المرحوم بإذن الله تعالى ..غازي القصيبي...


بلعت ريقها بخوف..
نزلت يدينها تحت الطاولة تخفي رجفة يدينها من امام عيونهم..
كانت تحس بنظرات سلمان تراقبها..
أخذت الملف الممدود لها من يد أحد الشركاء..

غازي بجمود\مثل ماترون جميعاً بالملف..سينحصر عملنا في ايطاليا فقط..
ماكس\هذا يعني بانه سيمضي كثير من الوقت قبل ان نوسع مدى حمامتي لدول أخرى..
غازي\هذا صحيح ماكس..لن تحلق حمامتي بعيداً الا بعد جهد كبير..
أحد الشركاء\لن ننظر لــ البعيد فلازلنا في بداية السلم..
ولكني أثق بانها ستحلق عما قريب..لان حمامتي لم يتأسس مثيل لها من قبل في أوربا..
سلمان بهدوء\ولا في الشرق الأوسط أيضاً..

مر وقت وهم يتناقشون في المشروع وياسمين تقرأ كل كلمة في الملف باهتمام..
في البداية كان اهتمامها عشان توصل الاخبار لهديل..
لكن لما أكتشفت الشركة تطمح لأي هدف رف قلبها بقوووة..
وتكلمت بصوت مخنوق غير واعية للأنظار اللي توجهت لها بإنصات..

ياسمين بغصة\هذا لايجوز..تستحق التحليق بحمامتك سيدي بعيداً جداً..
لِم تحبسها بقفص ايطاليا فقط..لماذا لا تحلق منذ ولادتها بكل مكان..
هناك من يستحقون وصول حمامتك اليهم..فلربما تكون نبراس أمل لديهم..
لاتحرم البوساء من حمامة السلام..

ارتفع صوت الشركاء بعضهم مؤيد للفكرة..والبعض معارض لها..
غازي التزم الصمت واستمع لوجهات نظرهم ..
كان سلمان من المؤيدين للفكرة..
وكان يناقش بجرئة اكثر عن ياسمين الخجولة من جودها بين كل الرجال..
بين غازي اعجابه بالفكرة قرر المجلس التصويت لعدة قرارات وكان من بينها تحليق حمامتي..
كان الصوت الفارق للموافقة على حمامتي بيد هادي..
اللي تجاهل كل الاجتماع وكل مايقال فيه..
ولا شاركهم باي كلمة..
غازي بهدوء\مع او ضد يا هادي..؟؟
هادي\هل هذا يرضيك..؟؟
غازي\نعم يرضيني...
هادي\إذاً أنا ضد..
ياسمين بخفوت\انسان متخاذل...
الكل ناظرها بصدمة من كلمتها..
ياسمين بقهر\نعم انسان متخاذل..ستظل كغيرك من العرب الصامتين الراضين بالهوان..
تعلم أن مشروعاً كهذا قد ينقذ الكثيرين بأمكان كثيرة من العالم..
لن أذهب بعيداً سأقول بعالمنا العربي..
هناك الملايين يحتاجون لفسحة من الأمل ولو كانت بصورة صغيرة ترتتسم على جدار أسود..
لماذا تحرمهم من ذاك الأمل الكسير.. ومن حلم مطعون ينزف ولن يتم معالجته أبداً..
بأي حق ترفض التصويت لأجلهم...لأجلهم فقط...؟؟
سلمان\ياسمين...!!
أحد الشركاء\لا يحق لك ان تفرضي رأيك بهذا الشكل..
له الحق بالقبول والرفض...
ياسمين\وأنت أيضاً رفضت..ولكن المدير لم يسألكم لماذا رفضتم التصويت..

[MS HMS]

رباهـ وكأن هذا اجتماع لزعماء العرب اللذين يخرجون منه دائماً دون قرار..
لأنهم يصوتون ضد بعضهم البعض...ولا يتسالون لماذا نرفض الاتفاق بين بعضنا..
غازي بهدوء\آنسة ياسمين لا ألومك لغضبك..فانا أريد لحمامتي ان تحلق بعيداً جداً..
ولكن يجب أن تفهمي بأن هذه الامور لا تُحل بالعواطف والعتاب..
لكل شخص بهذا المجلس رأيه ويجب أن نحترم الرأي الأخر..
ياسمين برجفة\وماذا لو صوت انا دائماً ضد قراراتك بغير حق..
لأني فقط أكرهك وأبغضك..

رغم صدمته وصدمت الجميع بكلامها..
ماوضح لها اي ردت فعل..وتوقع ان صوفي حاكيه لها عنه وعن كرهها له..
وبكذا زاد عدد الكارهين له واحدة..
فضل عدم الرد عليها...
فهو ملاحظ ارتباكها من اول مادخلت مع صوفي..
ولاحظ تأملها لهادي مع صوفي..
وهذا الشيء أثار تسأولات كثير عندهـ..
يمكن صوفي لاحظت الشبه بين هادي وهديل لأنها عرفت هديل وشافتها من قبل..
بس ياسمين كيف بتعرف هديل..؟؟!
قطع تفكيرهـ ماكس يناقش ياسمين..وابتسم على كلامه..

ماكس\لابأس بكره السيد فأنا أحياناً كثيرة أكرهه..
ولكن كما قال هذا أمر لا يُحل بالعواطف..

تكلم سلمان وهو يخزها بعيونه ويحذرها لا تتهور لما شافها شوي وتهجم على ماكس..
سلمان\ولا بأس أيضاً بإبداء الرأي..والنقاش للوصول لحل يرضي الجميع..
ياسمين مقتنعة كأغلبنا بأن حمامتي تستحق أن تكون هناك بأماكن لا يصلها الأمل..
ولو لاحظنا بأن الأمل يصحى وينام بجوانب ايطاليا..
وبذلك لا تكون محتاجة لنزرع بها الأمل من جديد..

أحد الشركاء يحل النزاع\لأجلك سأصوت بالقبول..
ياسمين بقهر\لا اريدك أن تصوت لأجلي ..
بل لأجل من يحتاجون ذاك الامل...
أنتم لم تفتقدوا الأمل يوماً وإن فعلتم فانتم لم تفتقدوهـ كحال من سُلبت منه بلادهـ..
من أُخذت منه عائلته واحلامه..وبكل تأكيد لم تفقدوا امل الرجوع الى هناك..
الى الوطن والأمان..فكيف أنتظر منكم أن تفكروا بهم...

كانت تتمنى لو تطلع من المكتب بعد ماترمي الملف بوجه غازي وسلمان وهادي..
وماكس قبلهم كلهم..
بس كان لازم تظل وتثبت على موقفها وانها من أفراد مجلس الادارة..
أمتد الصمت للحظات وطغى صوت هادي يعتذر ويصوت من جديد..
هادي\أعتذر لـــ قلة إهتمامي وحصر تفكيري بنفسي فقط..
تستحقين أن أقف لك إحتراماً ومشجعاً سيدتي..
وقف هادي وصفق لها ..
شاركه سلمان بحماس وهو يضحك لملامحها المصدومة لما نزلت راسها بخجل..
كل أعضاء المجلس صفقوا لها باحترام..
وغازي عاقد يدينه على صدرهـ يراقب الوضع برضى..
وإعجاب كبير بقدرة ياسمين على الإقناع والمفاوضة..
والاهم ثقتها بانها على حق...

من بعد اللي صار ألتزمت الصمت ولا تدخلت في باقي الامور والمناقشات..
تلاحظ سلمان كل مارفعت عينها يناظرها..
ولما تأكدت إن الإجتماع بينتهي بعد لحظات فتحت جوالها ترسل رسالة لصوفي..
تنتظرها في السيارة لانها تبي تهرب من سلمان قبل لا يمسكها..
وتفاجئت بوجود رسالة من صوفي تعتذر منها لانها مابتنتظرها وطلعت من زمان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

جلست ذياب على كرسيه وراحت تفتح الباب..
ناظر من العين السحرية وشافت صوفي واقفة..
فتحت لها وهي مستغربة من زيارتها في النهار..
بالعادة تزورها في الليل..
بس تذكرت ان اليوم هو يوم الاجتماع..

[MS HMS]

واكيد صوفي جايبة لها أخبار الاجتماع..
فتحت الباب وأنصدمت لما شافت وجه صوفي..
عيونها حمراء ووجها ماهو المعهود بجماله وبشاشته..
مرت من جنب هديل من غير اي كلمة..
وجلست في الصالة بهدوء..
حتى ماسلمت على ذياب وهذا أقوى شيء يدل على انها مو طبيعية..
قربت منها وجلست على الطاولة قدامها..

هديل بخوف\صوفي هل أنتي بخير..؟؟
هزت صوفي راسها بــ لا وهي تبتسم بألم..
طاحت دمعة حارة من عيونها عذبت هديل..
ضمتها هديل بقوووة وهذا خلا صوفي تبكي بنوووح وتتعلق في هديل أكثر..
خافت من صوت بكاء صوفي المقهور..
وبكت معها من غير وعي..
صوفي بهمس\سأموت ديل..أشعر بأني أختنق..
لا أستطيع التنفس..
هديل بعفوية\بسم الله عليك..
قامت بسرعة وجابت كوب مويا..
جلست قريبة من صوفي..
فكت أزارير قميصها العلوية..
مسحت بالمويا على وجها ورقبتها..
حطت يدها على جبينها وقرأت عليها من المعوذات..
ولما سمعتها صوفي تقرأ عليها زاد نحيبها وضمت هديل بقوة أكبر..
هديل بخوف\صوفي عزيزتي ما الأمر..
لماذا تبكين أخبريني..هل تتألمين..؟؟
أرجوكي إهدأي أنتي تخيفينني..
صوفي بقهر\أكرهه ديل..أكرهـ ماكسي...
يا إلهي كم أكرهه...
هديل\ماذا حدث هل إلتقيتي به؟؟
ماذا فعل بك ذاك ال**** صديق ال****..

ناظرت بعيون هديل وماعرفت كيف تنطقها..
كيف تقول لها ان ماكس صار مسلم..
غير ديانته وبكل تأكيد بيفترقون...

صارت تسترجع في بالها كثير من مواقفها معه قبل شهور..
كان يهاوشها على ملابسها القصيرة..
وعلى أزياءها وصداقاتها..
كيف كان يتخلف كثييير عن زيارة الكنيسة معها..
وحتى زواج احد أقاربه ماحضرهـ لأنه كان في الكنيسة..
وإمتناعه عن الأكل بأيام كثيرة يعني كان يصوم مثل هديل..
كيف ماربطت بين الأمور..
بنفس الوقت اللي كانت هديل تصوم فيه وتحكي لها عن وجوب صيام شهر كامل لله ..
كان ماكس يتخلف عن الإفطار وعن الغداء ..
وعلى وجبة العشاء بيكون متواجد..
الشراب أنقطع عنه فجاة..
وحذرها ماتدخله البيت أو تطلبه..
أستغربت كلامه وقال لها إنه يبي يمتنع عن الكحول بكل أنواعها..
ولاحظت إهتمامه بالإسلام وقرأت الكتب..
بس ما أثار عندها أي شك لانه من زمان كان يقرأ عن الإسلام..
وهو من المؤيدين وبشدة لحرية الأديان..
وتتذكر نقاشات كانت بينه وبين غازي عن الديانات..
وبكل مرة كان غازي يغلبه بالحجج والكلام..

[MS HMS]

صوفي بشرود \ كم انا غبية...
كل شيء كان يحدث امام عيني ولكني لم أكن أرى شياءً..
تصرفاته التي كانت غريبة لم تعُد غريبة الآن..
هديل بهدوء\صوفي ماللذي حدث..؟؟
مذا فعل ماكس..؟؟
صوفي غمضت عيونها\لقد دخل الإسلام..
أصبح مسلماً...
ردت عليها هديل بشهقة..
مصدووومة من كلام صوفي..
ماكس أسلم..!!
وقفت ورجعت تجلس وعيونها بالفراغ..
وتفكر في ماكس..
أبتسمت بفخر..
رغم إنها واثقة مالها يد في إسلامه بس مبسوطة لأن ماكس أسلم..
ناظرت بصوفي ولاحظت نظراتها تتأملها..
صوفي\لابد من انك سعيدة بإسلامه..أليس كذلك..؟؟
هديل بصدق\نعم صوفي انا سعيدة لإسلامه..
وكم أتمنى لو تسلمين أنتي أيضاً..
وقفت صوفي وبثقة\لا شكراً..أنا راضية بحالي هكذا..
هديل بحنية\لِم أنتي حزينة عزيزتي..؟؟
صوفي\زوجي غير ديانته ديل..غيرها دون ان يعيرني أي إهتمام..
لم يفكر بإخباري بانه مسلم..ألا يكفي هذا لجعلي مصدومة به ..؟؟
هديل\معك حق كان يجب أن يخبرك..
ولكنك لا تعلمين مننذ متى وهو مسلم..
ربما أسلم قبل فترة قصيرة..وكان ينوي إخبارك..
صوفي\ لا عزيزتي أسلم منذ سبعة اشهر وربما أكثر..
هل تذكرين شهر الصيام اللذي حكيتي لي عنه..
لقد كان يصوم مثلك ديل..لم يخبرني لم يفعل..
هديل\صدقيني هذا شيء جميل لا يدعوا لكل هذا الحزن..
ماكس سيكون بخير وهو مسلماً..
صوفي\ديل ماذا لو علمتي بان غازي غير ديانته للمسيحية..؟؟
هديل مفجوعة\اعوذ بالله وش هالفال..
صوفي تبتسم بتعب\أرأيت صدمتك بمجرد تخمين فقط صرختي..
لاتلوميني فانا مصدومة بما فعل ماكس..
هديل بواقعية\صوفي أنتي بنفسك كنتي تتحدثين عن الإسلام بإحترام..
وكم راق لك الكثير من احكامه ومبادئه..
وقلت لي ذات يوم بانك قد تعتنقين الإسلام..
أحببتي القرآن..أُعجبتي بحشمة الحجاب ومايفرضه من إحترام لــ الفتاة..
قلتي بان الصيام شهراً كاملاً قد يزيد من رشاقتك..
وقلت لك بأنه ليس الأكل فقط ماستصومين عنه ..
تراقبينني وانا أصلي وتتسألين بماذا أناجي ربي..
صوفي لاتكرهي الإسلام ولاتحمليه مسئولية صدمتك بماكس..
صوفي\عفواً أيتها القوية..لاتتحاذقي الآن..
لازلت أحترم الإسلام وسأظل دوماً..
وإن شئت بيوم ما قد اعتنق الاسلام..
ولكن حتى ذاك اليوم لا تحاولي الشجار معي ...
هديل بعصبية\أيتها المنمشة...أخرجي من منزلي...
صوفي بغضب\لن أفعل سأنام الآن إياك ان تزعجيني..

دخلت غرفة نوم هديل وقفلت الباب وراها..
نامت ع السرير والذكرى تاخذها لأيام مضت مع ماكس..
حست بهديل تجلس جنبها وتمسح على شعرها..
هديل بحنية\صوفي لاأحب ان أراك حزينة..
صوفي بتعب\أكرهه ديل..أكرهه..
هديل\إكرهيه..فأنا أكرهـ صديقه..

ظلت عندها لحتى غفت..
غطتها بلحافها طلعت وقفلت الباب..
جلست قدام ذياب وهمست له..
هديل بهمس\ذيبي لاتصارخ المرجوجة نايمة..
الله يهديها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

[MS HMS]

أول ما أعلن غازي إنتهاء الإجتماع..
كانت ياسمين أول وحدة تطلع من المكتب بسرعة..
ولا أدركت نفس النية بقلب سلمان..
دخلت الاصنصير وقفلته بسرعة لكن أنفتح بثواني ودخل سلمان وقفله...
شهقت وهي تتراجع على ورى وتشوفه يوقف الأصنصير عن الحركة..
ولاحظت حواجبه المعقودة والغضب بعيونه..
حبت تكون هي الاولى بالكلام لعل وعسى تهديه..
ياسمين بثقة\ماكنتش بأعرف إنك من أعضاء مجلس الشركة..
سلمان بجمود\ماكنتي تعرفين يعني..
وانا ماكنت اعرف إن زوجتي لها أسهم وعضوة بالمجلس..
ولا لها القدرة على مناقشة الرجال والصراخ عليهم..
ولا مصاحبتها لايطاليية بتغير كثير من أدابها..
ياسمين بقهر\إحترم حالك وإنت بتحكي معي..
نعم يا أستاذ أنا إلي أسهم بالشركة وإلي قرار كمان..
مثل ماحضرتك إلك أسهم بالشركة..
سلمان\انا مالي أسهم في الشركة وجود كان بدعوة من احد الشركاء بس..
ياسمين بعناد\ مابيهمني إلك او ما إلك..
وبشتغل مع مصممة إيطالية وهي صديقة لإلي وماراح إتركها مشانك..
سلمان بوعيد\واللي بيأخذك معه السعودية ويخليك تنسين الأسهم والأزياء وأصحابك..؟؟
ياسمين\إنت ماراح تجبرني على صعود الطيارة..وماراح تقدر على اخذي بالقوة..
إنت تزوجتني كعرفان ورد لــجميل قيس..
مشان هيك اليوم خلاص بقولك إنتهى رد الجميل..وشــكراً..
سلمان\إذا على قيس فماراح أنسى جميله أبداً..
وانا وإياهـ مابنتعرف برد الدين والعرفان لان إحنا إخوان..
لكن إنتي صرتي خارج هذا الموضوع من زمان..
ياسمين بتحدي\آآهـ راح أصدقك يعني..
مو تزوجتني لأن قيس ساعدك بإسترجاع شهادتك وإظهار برائتك أمام اللجنة التأديبية..
وأنقذ مستقبلك ومنعهم من الختم على شهادتك..
وبعدها شو عملت تزوجتني ورحت ع بلادك وهسع تذكرت لترجع..
بعد سنين تذكرت انك متزوج..
سلمان\تتكلمين بقهر..
معقولة غيابي هالسنوات قهرك..؟؟
وقساك يا ياسمين وصرتي تهاجمي بقووة..
ياسمين بعدت عنه وماردت عليه..
سلمان\على ماعرفت من قيس أنتي مو راضية تجهزين حالك لــ الحفلة..
إنتي بتروحين معي السعودية بحفلة او بدون..
وعشان خاطر قيس بس راح أصبر عليك..
ياسمين\ماتهددني بأخوي...مابيجبرني أعمل إشي مو راضية بيه..
وبهيك مابتقدر تجبري ارجع معك..

قرب منها بسرعة وثبتها على الجدار..
طاحت شنطتها وجوالها والملف اللي بيدها..
قاومته بقوة وضربته على صدرهـ..
بعد ثواني كان راسها على صدرهــ
همس لها بأذنها..
سلمان\لا تقولي ما أقدر أجبرك..
صدقيني أقدر يا ياسمين...
بس أنتي تهميني وما أبي أجرحك..
حضري نفسك لــ السفر..

بعد عنها وهي لمت يدينها على نفسها وصدت عنه..
طلعت منديل من جيبها ومسحت جفونها اللي قبلها لها..
نزل على الأرض..
لم الملف وشال جوالها وشنطتها ..
مدها لها وهي أخذتها منه برجفة..

فتح الأصنصير وخرجت منه وهو جنبها..
مسك يدها وسحبها معه لسيارته..
ولا أنتبه لــ النظرات المصدومة اللي تناظرها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

[MS HMS]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

بعد إنتهاء الإجتماع وخروج الشركاء..
فتن هادي على ماكس بقهر..
هادي\ألحين وش بلاهـ هذا جالس يناظرني كذا..؟؟
غازي بهدوء\لانك تشبه هــ........ أختك..
هادي بقهر\وهو وش عرفه بهديل..؟؟
وكيف شافها..وبأي حق يعرفها..

آآآهـ يا أخـــــي :
لو تعلم بأن ذاك الماكس ..
كان العين المراقبة لتوئمك الغالي..
رفيقاً لي بالإسطبلات وبكروم العنب..
معلماً إياي كيف أكون سائساً لــ الخيول..
متفرجاً صامتاً على سجني وتعذيبي..
حارماً إياي من الهرب العقيـــم..
جرحــــــوني أخــــي ..
جرحوني..

غازي\شافها معي كم مرة وبكذا شاف الشبه بينكم..
هادي بخزي\ياعزة الله ياهديل..
شافتك عيون ماتستاهل النظر..
قرر يقطع الموضوع ويلهي هادي بموضوع آخر..
غازي بجمود\اعتقد صار عندك فكرة واضحة عن الشركة والهدف من وراها..
وقلت لك الفكرة ملك لها ..<<يقصد هديل..
وكانت راح تكون بتدبيرها..بس القدر كان له كلمته..
وبما أنك توئمها فلك الحق بأخذ حصتها من الأسهم..
ولك حق بالعمل في الشركة...بكامل الصلاحية..
وبكل تأكيـــد تحت إدارتي أنا ..
هادي\لا أنا ولا أختي لنا عازة بشغلك..
وإن كنت سجلت الأسهم باسمي فهذا شيء مايهمني..
أبيك ترجعها أو تدلني لمكانها..

وقف من على المكتب ووقف جنبه عند الطاقة..
غازي\تعتقد لو كانت حية كنت بأرضى انحرم منها..
أو أبعدها عني ولو كان علشانك..؟؟
ودي أصدق كلامك وإني مخبيها عنك وأعيش نفس الأمل اللي تعيشه..
بس أنت لازم تصحى وتفهم إنها ماتت وأنا دفنتها..
ولا عندي أدنى شك إنها ممكن تكون حية..
ولو مرني طيفها بيوم بهيئة طفل..
هي ماتت وانا واثق من هذا الشيء..

هادي بجفاء\ولو طلعت لي جثتها..وشرحتها وأثبتت التحاليل إنها هديل..
ماصدقتكم..تدري ليه..؟؟
لأن فيه شيء داخلي حي مابعد مات..
وإن مات جيتك وقلت لك البقاء براسك..

طلع من المكتب رافض الإستمرار بحضور إجتماعات الشركة..
والدخول بلعبة غازي لتعويض هديل عن ألم عاشته..
عوضها ماهو أسهم وفلوووس..
ولاهو مشاريع وغنى..
مايعوض فيها الا رجوعها وبس...

أما الغازي..
ظل واقف بمكانه يناظر لــ البعيد..
لمح سرب حمام مهاجر ..
همس بكلمات الوداع..
وهو يدفن كلام هادي عن رجوعها...

أعلم بعدم عودتك «إلى الابد»وذهابك إلى حياة أخرى „
ولكن كل ما في الأمر أحببت آنتظارك..
كل يوم في ذاك المكان علّها اللحظات...
الوحيده التي يشعرني فيها الإنتظار بذكراك ,,,


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛

[MS HMS]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛


وقفت بسرعة لما سمعت صوت السيارة بحديقة البيت..
ناظرت من طاقة غرفتها وشافت سيارته واقفة..
أرتبكت أول ما طاحت عيونها على وجهه..
أحتارت كيف تتصرف..
تظل بغرفتها اللي هي غرفته..
أو تروح لغرفة ثانية..
فضلت تظل مكانها لحتى تواجهه ويتفاهمون على وضعهم..
كل اللي في بالها تطلب منه يظل بعيد عنها..
مايلمسها ولا يقرب منها..
بعد عشر دقايق سمعت باب الجناح ينفتح..
حبست نفسها بعجز وهي ترتجف..
ثواني وأنفتح باب الغرفة..
دخل وترك الباب مفتوح..
تركي بهدوء\السلام عليكم...
مرام بخفوت\وعليكم السلام...
وكان هذا كل شيء قاله ..
فسخ شماغه وعقاله ورماها على السرير..
وتوجه لدورة المياهـ..
تحمم وبدل ملابسه بغرفة التبديل..
طلع وتوجه لسريرهـ..
أنسدح تغطى ونــــام...

راقبته بنظرات مصدووومة...
إلى أي مدى تجاهلها كأنها غير موجودة...
حتى كيفك ماكلف على عمرهـ وقال لها..
ماسأل عنها ولا عن البيبي..
طيب مو هذا اللي تبينه..
يظل بعيد عنك ومايتدخل فيك أبداً..
هزت راسها موافقة على كلامها..
وقفت تقنع نفسها إن رجفتها ماهي من الصدمة..
لانها يمكن جوعانة..

طلعت من الغرفة بهدوء تخفي شيء من الآسى بروحها..
وهو تنهد بتعب..
كان بخاطره يشوفها وهي حامل وبطنها منفوخ..
كان يتمنى لو يضمها ويسألها عن حالها..
وإذا كانت خايفة من الحمل او تعبانة..
يبي يعيش معها كل اللحظات مثل ماكانت تحلم وتتمنى..
بس الصد عنها هو احسن حل لها..
مايبيها تظل قلقانة والشكوك تلعب فيها..

غمض عيونه ونام مبسوط لأنه بيصحى وهي عنده في بيته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛


طلعت من بيت أخوها ضايقة ومحتارة..
قيس موافق على كلام سلمان..
وتفاجاء لما قالت له إنها مو ناوية ترجع معه السعودية..
عاتبها وفهمها إن سلمان زوجها ولو مرت سنين على الموضوع..يظل زوجها..
قالت ماعندها أي استعداد تترك شغلها في ايطاليا وتروح معه ..
وقيس قال كلمته وين مايكون زوجك تكونين..
ثارت بقهر وقالت صارله سنين وهو ناسي ليش تذكر بهالوقت بالذات..
اضطر قيس يحكي لها عن سبب غياب سلمان عنهم..
وكيف ماكان يربطه فيهم الا رسائل أو مكالمات جداً نادرة..
ولا كان يقدر يتصل بياسمين أو يتواصل معها..
أنصدمت من كلام أخوها بأن سلمان كان مطلوب بقضية قتل في السعودية وهو كان هارب خارج بلادهـ..

[MS HMS]

ولما تمت برائته رجع لبلادهـ رجع لشغله وجهز بيته وجاء لإيطاليا عشان ياخذ زوجته..
فيه شيء مفقود في الموضوع وغير مفهوم لها..
وعدت أخوها تفكر في الموضوع ..
بس هو أكد عليها بلزوم غطاعة زوجها والرجوع معه..
وصلت لشقة هديل ومعه ملف الإجتماع..
دخلت سلمت على هديل وذياب..
وجلست معها دقايق تسأل عن أخبارها...
سمعت صوت في الشقة...
ياسمين بقلق\عندك أحد..؟؟!
هديل\المنمشة عندي..
ياسمين بقهر\تركتني لوحدي بتصدقي ياهديل؟؟
كنت راح اموت من الرعبة والخوف..
هديل تبتسم\ياقلبي أنتي سامحيني انا السبب ..
ياسمين\ناديها لهذي المجنونة عشان تعرفوا وش صار بالإجتماع ..
خرجت صوفي من غرفة هديل والتعب باين على ملامحها..
ياسمين\صوفي هل أنتي بخير..؟؟
صوفي بهدوء\نعم شكراً لك...
ياسمين\أش مالها وجها بيخوف..؟؟
هديل\تعبانة شوي..لاتخافي بتكون بخير..
صوفي\ماذا حدث في الإجتماع..؟؟
ياسمين بخجل\احم ..اممم لقد صرخت بجميع رؤساء مجلس الإدارة..
صوفي برعب\ماذا...؟؟
هديل\...........................
ياسمين\إستمعا الي أرجوكما..ساحكي لكما ماحدث...

حكت لهم ياسمين كل اللي صار بالإجتماع...
وملامح صوفي وهديل تتغير مع الكلام...
صوفي\اممم ألم يقم بجلدك بالسوط ..؟؟
ضربتها هديل على ظهرها\إخرسي....
ياسمين بضحكة\ههههههههه لا لم يفعل..ولكن لما غضبتي هديل..؟؟
هديل\ماعليك منها هبلاء ماتعرف وش تقوول..
صوفي\ماذا تقولين لها..؟؟
هديل طنشتها\أكملي ياسمين..
ياسمين\وبعد كل ذالك إعتذر مني لتصويته ضد الإقتراح وقرر التصويت من جديد لصالحنا..
وكل أعضاء الإدارة وقفوا لأجلي مصفقين..ماعدا ذاك الرجل اللذي كان هناك الرئيس غازي..
صوفي بقهر\وماذا عن ال**** ماكس..؟؟
ياسمين بنذالة\زوجك كم احببته لقد صفق لي هو أيضاً..
صوفي\ماذا تعنين بانك احببتيه..؟؟
ياسمين\لقد أصبح مسلماً إذاً هو أخ لنا في الإسلام...أليس كذلك ديل..؟؟

[MS HMS]

صوفي\لن أتضايق من كلامك..لأني لا أرى بأن إسلامه أمراً سيئاً..
كل مافي الأمر أني صُدمت بالخبر فقط..
ياسمين تحرك حواجبها بمغايضة لصوفي\نعم سأصدق دون شك..
صوفي\إخرسي وأخرجي من هنا...
ياسمين\هذا منزل هديل وليس دار الأزياء..كفي عن التسلط..
هديل بتنهيدة\كلاكما كفا عن الشجار..أو أخرجا من منزلي..

بعد لحظات وهديل وصوفي يقرأون الملف ويتناقشون..
قررت ياسمين تقول لهم الخبر..
ياسمين بهدوء\يافتيات ..لدي خبر لا اعلم كيف ستتقبلانه..
هديل\مالأمر ياسمين..؟؟
ياسمين\اممم انا...أنا أدعوكما لحضور حفل زفافي بعد ثلاثة أيام...
ماردوا عليها الا بنظرات غير واعية لكلامها..
ياسمين\الى هذه الدرجة أصبح زواجي مستحيلاً..؟؟!
هديل بصدمة\ياسمين من جد تتكلمي..؟؟
ياسمين تهز راسها\زواجي بعد ثلاث أيام...
هديل\ياسمين زواجك بعد ثلاث أيام وتوك تتكلمين...؟؟
ليش ماقلتي لنا نفرح لك ونجهزك يا قلبي...
وليه أشغلتي نفسك بكل هذي الأمور وتركتي أهم شيء زواجك والإستعداد له..
ياسمين بهدوء\ليس هنالك حفلة أو اي شيء من هذا القبيل..
لن يكون هناك غير عائلتي وبعض أصدقاء أخي ..
وربما يحضر زوجي الحفلة وقد لا يحضر فهو نذل..
وقفت صوفي بصراخ\أيتها الغبية كم أكرهك..لماذا لم تخبريني من قبل..
ولكن لا بأس لاتخافي سيكون كل شيء على مايرام..

أخذت صوفي جوالها وأتصلت بمساعدتها وعطتها كمية من الأوامر..
فستان الزفاف الوحيد اللي صممته صوفي لن تكون العارضة هي من سترتديه..
بل ياسمين..وطلبت طاقم كامل من المختصين بتجميل العروس ..
وعقدت معهم من بكرهـ موعد لــ بروفة العروس..
طلبت منها تتصل بشركة منظمة لحفلات الزفاف وتستعجلهم خلال يومين فقط يكون كل شء جاهز..

أنهبلت ياسمين وهي تسمع كلام صوفي وكل المخططات اللي تخطط لها..
وقفت تبي تمنعها بس هديل مسكتها وجلست عليها تمنعها من مهاوشت صوفي على الجوال..
ياسمين\صوفي أيتها المجنونة كم أكرهك..توقفي عن كل هذا..
ليس هنالك حفل ولا حضور..
مجرد إجتماع بسيط وينتهي كل شيء..
هديل تبتسم\جب ياللي ماتستحين..ترى ماعندنا بنات يحكون بالعرس..
حن هلك وحن ننظم حفلتك وإنتي ماعليك الا تجيبين نفسك وبس..
ياسمين\إنتي بس قومي من علي أوقف هذي المجنونة..
وبعدها نحكي بكل إشي..

[MS HMS]

هديل بعناد\مافيه عشان لما تتزوجين المرةالجاية تعلمينا قبل بوقت...

قفلت صوفي وجلست جنبهم بعد ماهربت من ياسمين لاتمسكها..
وظلت تفكر وش ناقص عشان تحجز ..
صوفي\اممم أين سيقام عقد القِران..لا اعتقد بانكم تتزوجون بمسجد كمانتزوج نحن بالكنيسة..
ياسمين بفخر\لا المساجد لعبادة الله فقط وليس لــ الزواج..
ثم نحن عقدنا قراننا منذ سنوات ..
صوفي باستغراب\تزوجتما منذ سنوات والآن تذكرتمت أن تقيما حفلاً بهذه المناسبة..
ياسمين باحباط\هذي كيف بتفهم..هديل انا باذبحها..
صوفي أوقفي كل الحجوزات لو انني بقيت صامته وتزوجت دون علمكما..
صوفي بشهقة\اوووهـ لقد نسيت بما أنك عروس فانتي بحاجة لمجموعة من الملابس الرائعة..
والعطورات والحقائب اممم ولكن لا تقلقي أيتها العروس الجميلة..
دار الأزياء ستقفل لمدة ثلاثة أيام كل من هناك سيقومون بخدمتك..

وقفت صوفي وأتصلت بمساعدتها وعرضت عليها كل طلباتها..
وطلبت كل فريق العمل الخاص والدائم لصوفي ان يكونوا على إستعداد لتحضير أسرع عروس على الإطلاق..
عصبت ياسمين وصارت تشتم هديل المتمسكة فيها بقووة وتسب صوفي الغير مهتمة بإعتراضها..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

كان يضحك بصوت عالي على شكل عالية وهي تضم غازي وتبوسه..
وغازي يعصب منها ويسحب غطاها...
عالية\ياقلب خالته ياروحها أنت..
يابعد طوايف أهل أبوي كلهم..
ما اشتقت لعلووي يا البزر..
غازي بحقد\كبة حسيس...
عامر\كفوو عطها من الحامي..
قليلة الأدب تهاوش رجال..
عالية\وش فيه معصب ألحين؟؟كان وش زينه..
عامر\يمكن يبي يرجع لامه..
عالية بغيض\لا مايبيها إنت وصلنا الفندق بسرعة أشوف له حل..

وصلوا الفنقد وكل ماحاولت عالية تشيل غازي مارضى وصرخ عليها..
شاله عامر وحاول يهديه بس مارضى يسكت..
حطه على كبوت السيارة وطلع بوكه ومفاتيحه وكل اللي بجيبه ولا فاد زاد ببكاهـ..
عالية بفشلة\عامر شوف الناس يناظرونا بيقولون خاطفين الولد..
عامر بتعب\وش السواة معه ألحين..معقولة خايف منا..؟؟
عالية بزعل\ياربي والله قلبي يوجعني على حاله..شوف كيف يبكي..
عامر\مالنا الا نرجعه لامه يمكن يبيها..
عالية\بس اذا رجعناه مابنقدر نشوفه مرة ثانية..
عامر\لا بتشوفينه بكرة انزلك عندهم ويصير خير..
بس الحين خلصينا يامعودة الولد هلكان من البكى..

حرك السيارة راجع لــ بيت طالب..
أتصل براجح وقاله عن اللي صار..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛

[MS HMS]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛


طلعت تنام بغرفتها بعد ماودعت عالية ووصتها على غازي..
قالوا بياخذون غازي معهم لمدة إسبوع راح يقضونه بالسعودية وبعدها يرجعونه عندهم..
كانت تتمنى لو تقول لا..لاتاخذونه..
بس انعقد لسانها قدام العيون اللي تناظرها..
حست بفراغ كبير بقلبها..
لما أدركت إن ما أحد يأخذ رايها بموضوع غازي..
متى مايبونه خواله بيأخذونه من دون إذنها..
ومتى ماتبيه ام غازي بتاخذه لانها أم أبوهـ..
كلهم هله او خواله بس هي ماتربطها فيه أي صلة..
وبكذا صاروا يتناسون أهمية مناقشتها بامورهـ..
تركت القرار لهم وفضلت الصمت..
أستئذنت منهم وطلعت تنام ..
تضايقت شوق على حالها وتمنت لو تصرخ عليهم وتقول لهم هذا ولدها..
ولو كانت ماهي امه بس هي اللي ربته وحبته أكثر منهم كلهم..
تمنت لو ماكانت رشا بهذي السلبية ودافعت عن حقها فيه رغم عنهم..

أنسدحت على فراشها ترتجي دموعها تنزل يمكن تخف ضيقتها..
بس شيء غريب طغى عليها قيدها..
لأول مرة يتملكها شعور بهذي القوة..
تحس ببروود قوي بكل جسمها ومشاعرها..
أي شيء تتعلق فيه وتحبه تنحرم منه بسرعة..
وقبل لا تنحرم منه تعاني معه سنين ..
غازي كم عانت من أول ما أنحط بحضنها الى اليوم اللي صارحت راجح بكل شيء..
وبعدها خذوه منها بكل برود ..
راجح وكم تمنت حبه وحنانه..
ولما ملكت بعض منه تركها بقسوة..
تمنت لو بيدها تبعد عنهم كلهم..
غازي وهله..
راجـــح حبه وجرحه..
تبعد عن كل شيء..
يمكن بقائها لحالها يريحها..

ظلت على حالها لا نايمة ولا صاحية..
وماتدري كم مضى من الوقت لما دخل راجح الغرفة..
بعد لحظات حست فيه ينام جنبها..
أبتسمت باستسلام لما ماقفز قلبها مشتاق له..
ولانه ماعذبها الحنين لحنانه وحبه..
غمضت عيونها لما أدركت إنها صارت بلا إحساس ..
وشيء واحد يتردد في بالها...
الفـــــــراق..
ياماتهنوا بفراقهم عنها وهي تنتظر وتتعذب عشانهم..
يمكن صار الوقت لها هي تتركهم وتغيب..
يمكن يحسون بمدى شوقها لهم برحيلها..

تشهدت وبقلب مؤمن يحس بقرب رحيله وغيابه غفت رشا...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

[MS HMS]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

بعد اتصال عامر...
وقف راجح وخرج من غرفة النوم من دون مايقول لرشا شيء..
انتظرهم عند الباب وبعد ربع ساعة وصل عامر ونزل شايل غازي بحضنه..
أول ماشاف راجح بكى بحدة وتعلق فيه بشكل غريب..
حتى راجح أستغرب حركته..
تعذر من عامر وطلبه يبات عندهم مع هله بدال المشاوير..
أعتذر منه عامر وحرك سيارته راجع الفندق..

دخل راجح بعد ماهدأ غازي شوي بحضنه..
ولقى طالب في وجهه..
طالب\وش رجع ذا السكني..؟؟ماخذاهـ خاله..؟؟
راجح\شوف وجهه من اول ماخذوه وهو يبكي..تلبكوا معه ورجعوهــ..
يمكن يبي رشا وخايف منهم..
قرب طالب من غازي وباسه على جبينه..
وهنا أشتدت عبرت غازي ولمعت عيونه وبكى غشيان بقووة..
راجح أرتعب من تصرفه وماعرف كيف يهديه..
طلع الدرج يركض وهو مستغرب ليش مانزلت رشا الى الآن على سماع صوته يبكي..
لأن شوق وام غازي صحوا على صوته..

دخل الغرفة وغازي لازال يبكي بشكل هستيري ومخيف..
قربه من السرير ونزله بحضن رشا النايمة..
لم يدينه الصغيرة حوالين رقبتها ودفن وجهه بصدرها وبعد دقايق نام ...

أنقبض قلبه بزعل على حالها..
كيف غازي متعلق فيها بقوووة..
وهي متعلقة فيه بقوة أكبر..
بس ما احد حس فيها..
هذا غازي بكى وبين لهم إنه مايرضى بغيرها..
ولا يرضى يبتعد عنها..
بس هي من يفهمها..
من يحس فيها ويرحمها...؟؟

قرب منها ومرر أصابعه على جبينها..
قبلها على خدها وهمس لها يصحيها..
حركها بيدينه وقلبها على ظهرها..
شيء غريب حس فيه بس ماعرف وش يكون..
راجح\رشا...حبيبي..؟؟
رشا اصحي...
حس بخوف قوي وخفقان سريع بقلبه..
هزها وهو ينادي عليها..
ماردت عليه ولا بان عليها أي ردت فعل..
أستعاذ بالله من الشيطان الرجيم..
وقف بهدوء شال غازي الصغير ونزله عند ام غازي..
رجع لها طلع عبايتها من الكبت ولمها فيها..
شالها و كان بيطلع من الغرفة بس أرجوله حس إنها ممكن تخونه..
جلس على السرير وهي في حضنه..
لمها له بقوووة معلن لها رفضه غيابها عنه ...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

[MS HMS]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

فز من نومه وهو يشهق بقوة يدخل الهواء لرئتيه ..
كان يختنق بحلمه وبالواقع يحس اختناقه أكبر..
وقف بسرعة وخرج على البلكونة..
مسح العرق عن جبينه يحاول يسترجع حلمه المبتور..
عنها هي..
لاول مرة من شهوور تزورهـ..
ترحم حاله وتشاركه مجرد حلم..
رغم إن حالها ما أعجبه في الحلم ...
كانت تبكي بإكتئاب وتناديه بغنكسار..
كل ماحاول يلمسها تختفي وتظهر بمكان ثاني..
ولما قدر يحتضنها ويضمها له همست بكلام أرعبه وجمد الدم بعروقهـ..
هديل بهمس\قلبي صار رمـــاد ...

فكر يفسر الحلم عند احد المفسرين..
وبعد ثواني شال الفكرة من بالهـ...
لانها ميته والحلم وتفسيره مابيرجعها...

سمع المنبه بصوت الأذان لصلاة الفجر..
أستغفر مئة مرة وبعدها دخل يتوضاء ويصلي...

لا تطيع الهم .. لو همك كبير ..
قل لهمك " لو كبر .." لي ربـ أكبر ".
[ بالصلاة ] يهون كل أمر عسير..
يكفي إنك تبتدي بــ [ الله أكبر ] ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

كانت جالسة بالغرفة المخصصة لــ العروس
وتتمى لو تقوم وتضرب هديل وصوفي..
او ترمي الفستان من عليها وتهرب من ايطاليا..

لابسة فستان زفاف من تصميم صوفي...
المكياج وتسريحتها تكفل فيها طاقم خاص بالعارضات..
قاعة الإحتفال رائعة بكل التحضيرات والورد..

أختارت لها صوفي مجموعة كبيرة من الملابس..
الفساتين والبناطيل والهندامات الفاخرة..
ولانست البجامات وقمصان النوم..
وكانت القمصان أكثر ماهاوشتها ياسمين عليه..
بس صوفي ماكانت تهتم باعتراضات ياسمين أبداً..
وكانت تحس نفسها بمهمة مستحيلة..
لانها ولأول مرة تقوم بتجهيز عروس...

هديل جالسة عندها وذياب بحضنها وتحاول تهديها..
وتعاتبها على عصبيتها المفرطة..
وياسمين تقول لها انه مجرد ارتباك فقط..

همست صوفي بسؤال محيرها بأذن ياسمين..
والسؤال خلا ياسمين توقف بسرعة وتضرب صوفي قبل لا تقدر تهرب منها..
ياسمين\اكرهك أخرجي من زفافي لا اريدك ان تحضري أخرجي..
صوفي\ههههههههههههههه حسناً إهدي الآن فهمت لم أنتي خائفة هكذا

[MS HMS]

ههههههههههههه
هديل فهمت عليها\هههههههههههههههه أيتها الخبيثة..
ياسمين بقهر\كفا عن إثارة أعصابي سأفقد وعيي ..هذه فكرة جميلة أفقد وعيي ولا اراهـ..
صوفي بعجل\سأقتلك..لا تفقدي وعيك الا بعد ان ياخذك من هنا..
ياسمين بزعل\سأشتاق إليكم...
هديل\كذووووب بتروحين شهر عسل وبتنبسطين وتنسينا..
ياسمين\هديل وين قضيتي شهر العسل..؟؟
هديل بانكسار\........................................بس ـــجن..
ياسمين\هديل انا مابعرف بأيش انتي مريتي بحياتك..
ولا بعرف ليش بتتخبي من رئيس الشركة ومن ناس كتير..
انا مابعرف عنك إشي..بس بعرف إنك إنسانة طيبة كتير وقلبك أبيض..
وبعرف إنك تعذبتي كثير كمان..سامحيني لاني راح أسافر وأتركك لحالك..
إمبارح وقعت الأوراق مع صوفي ونقلت الأسهم باسمك..
ماحدا راح يعرف إن الأسهم صارت إلك..
راح يظل اسمي مسجل إني مالكة الأسهم..
والحقيقة الأسهم راح تكون باسمك وتحت تصرفك...

هديل بحنية\لا تخافي قالت لي صوفي عن توقيع الأوراق وانا وقعت عليها..
شكراً لوقوفك جنبي ياسمين ومساعدتي ..
كنتي اخت حقيقية لي..ومستحيل أنساك..
إن شاء الله أزورك بــس........... يابنت انا ما أعرف بأي بلاد بتعيشي..؟؟
ياسمين بهمس\انا راح أعيش في بلادك..في المملكة العربية السعودية..
هديل بشهقة\ياسمين إنتي رايحة السعودية..؟؟
ياسمين\زوجي سعودي..
هديل بابتسامة حزينة\الله يوفقك واياهـ..ويبارك لكم بحياتكم..
ياسمين عقدت حواجبها\هو بيعرف رئيس الشركة غازي..

مع إن ذكر اسمه خلاها ترتجف..
بس تجاهلت هالشيء وركزت بكلام ياسمين..
هديل\كيف يعرفه..؟؟
ياسمين\لما دخلت المكتب كان موجود وأنصدمت بوجوده ..
بس لحظة لا مو هو اللي أنصدمت بوجوده..
ماراح تصدقيني لو أقولك إني شفت واحد بيشبهك بشكل غير طبيعي ياهديل..
ياسبحان الله عيونه بتشبه لعيونك كتييير..
حسيت إني راح أحبه لانه يشبهك..
هديل تبتسم\من اللي يشبهني الى هالدرجة ياياسمين..؟؟
ياسمين\لاتضحكي علي حتى صوفي انصدمت من الشبه بيناتكم..
هلا لما ترجع إساليها وهي تقولك..
وعرفت إنو بيصير لسمان ابن عمه...
هديل بهدوء\مين سلمان..؟؟
ياسمين\زوجي اسمه سلمان...

ماحاولت تربط الأسماء في بعض شخص يشبها ..
وشخص اسمه سلمان..
ألتفتت على صوفي اللي دخلت وهي تصارخ..
صوفي\جاسمين إحزري من هنا..؟؟
ياسمين باستهبال\زوجي...

[MS HMS]

ياسمين باستهبال\زوجي...
صوفي\اممم لا انا لا اعرف زوجك..
هل تذكرين ذاك الشخص اللذي يشبه ديل والرجل اللذي كان يجلس بجانبه..
هما هنا يحضران زفافك..هل تجراتي ودعوتي روساء مجلس الإدارة جاسمين؟؟
ياسمين\ههههههههههههههههه لا لم أفعل..ذاك الرجل هو زوجي أيتها المنمشة..
صوفي بصدمة\هل ستتزوجين ذاك اللذي يشبه ديل..؟؟
ياسمين\لا ليس ذاك الوسيم بل الشخص الأخر..
هديل بفضول\من هو هذا الشخص اللذي يشبهني..؟؟
صوفي\تعالي معي لتريه لن تصدقي كيف يشبهك..
ولكنك أجمل منه بكثير عزيزتي..

خرجت هديل مع صوفي وبشعور مخيف حست إن أرجولها تغوص بالأرض..
ضمت ذياب لها وقررت توقف وترجع لغرفة ياسمين..
بس صوفي كانت ماسكة يدها وتسحبها..
وقفت جنب صوفي وناظرت بالإتجاهـ اللي أشرت لها عليه..
ناظرت بكل الأوجه اللي قدامها بخجل..
وبثواني بس..
أنحبس الهواء بداخلها..
نشفت عروقها..
أرتجفت كل أجزاءها بعنف..
ادمعت عيونها بشووووق وحنيييين..
عرفته من قفاه بس عرفته..
تبي تناديه بعالي صوتها عشان يلتفت لها ويحضنها ..
مستحيل تتركه يبتعد عنها ويضيع منها..
الله قدر لها تلقاهـ..
الله كتب لقياهم وبيلتقون غصب عن غازي وعن الدنيا وأهلها..

صوفي\ذاك هو الواقف بقرب الزهور البيضاء..
رأيته بمكتب غازي هو وزوج ياسمين يبدوا أنهما شريكان له ويعملان معه..

طعنة مريرة حست فيها..
وصوفي تعلن لها غن غلاها وتوئمها شريك لقاتلها..
هادي وسلمان شركاء غازي ويجتمعون معه بغرفة وحدة وعلى طاولة..
دون ماياخذون بثارها منه وينتقمون لها..
هي اللي باعت الدنيا عشانهم..
هي اللي شربت العلقم والحنضل لأجلهم..
يتفقون معه...
وهي دفنوها بكل سهولة ونسوها...

فقدت توازنها وطاح ذياب من بين يدينها قدرت صوفي تمسكه بسرعة..
بكى بخوف واضطرت صوفي ترجع لغرفة ياسمين والطفل معها..
ألتفت لها وشافت وجهه الغالي عليها..
وجهه اللي عذبها الحنين له ولحنانه..
بجنبه سلمان يبتسمون من دون مراعاة لجرحها الكبير..

أختنقت أكثر وهي تشوف غازي يقرب منهم..
ويصافح سلمان ويبارك له..
وقف معهم ..

[MS HMS]

الثلاثة اللي دمروا حياتها واقفين مع بعض..
وهي واقفة وحيدة...

أي عـــــدالة تحكمك يا دنيــــــــا...؟؟؟!




الى الملتقى باذن الله تعالى فجر الثلاثاء...

كونوا بخيـــــــــــــــــــــــــر ..



صدووود’’’







ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ



السلام عليكم ورحمة الله وبركاته ...


صبــــــاح \\
المقاعد الدراسية..
قلم ترافقه الكراسة...
وأسئلة سهلة مُستطاعة...

مســــاء \\
الإبتسامة المسروقة..
من بين طيات الماضي...

كيــــــــــفكم الــ ليلااااااااااااس..؟؟
أحبتــــي فـــي كــل مكــــــــــان..؟؟

عزيزاتي::
بعض الغاليات ألتبس عليهم بعض الأمور..
اولها غازي لما حضر الزواج انا بينت لكم إنه يصافح سلمان مو هادي...
ومن معرفتكم بهادي فهو ماخذ موقف عدائي لغازي فمستحيل يصافحه..
وبالمقابل غازي ربما ماكان ليحاول مصافحت هادي...
وبيتوضح لنا اليوم ان غازي حضر الزواج بدعوة..
لكن من اللي دعاهــ للحفل ..؟؟!
أنتوا تقولوا سلمان...وانا اقووول ...اجابتي في البارت

نقطة ثانية وهي عن رشا..
توضح لنا السبب اللي يخليها تقفل الباب قبل تنام..
وقلنا انها كانت عايشة مع عمتها وزوج عمتها وعياله..
والجاني كان ولد زوج عمتها مو ولد عمتها..


قبل البدء حابة أشكر جميع القلوب الطيبة الرائعة..
اللتي تقتبس من وقتها القليل فتشاركني أحرفي وتتفاعل معي..
وأشكر كل من سجل عشاني بسبب ندائاتي المستمرة لمن هم خلف الكواليس..
فــ أهلاً بكم..
وشـــــــكراً بحجم السماء لتواجدكم بالقرب..

أتمنى من غالياتي الطالبات...
تقبل إعتذاري بعدم اقفال الرواية حتى عودتهم من الإمتحانات..
انا لا أضمن ظروفي عزيزاتي..
ولابد من ان ننهي الرواية باستمرارنا على التنزيل المستمر..
فنرســوا بعووون الله تعالى على مينــــاء النهاية بأمان...


البارت الستـــــــــون ..

سلام عليك.. على العاشقين..
يضمهم الليل في المنتدى..

على كل من ذاق .. أو لم يذق..
على كل من راح .. أو من غدا..

سلام عليك .. على كل لحظة..
من العمر .. أعطيتِها المقودا..

فطارت إلى شرفات الجنون..
إلى حيث يعثُر حتى الهُدى..

وأغرتْ بيَ المستحيل .. اللذيذ ..
فأسلمني الأفق الموصدا..


المرحوم باذن الله تعالى...غازي القصيبي...


دخل القاعة بكل ثقة..سلم على قيس وهناهـ بالمناسبة..
دارت عيونه بالمكان وشاف سلمان وجنبه هادي..
عرف ان سلمان يطلع زوج ياسمين..
بعد شكه فيهم لما شافهم طالعين من الشركة..
فكر بان هادي ممكن يكون الشخص المجهول اللي يطمح للأسهم..
ومستخدم ياسمين كغطاء له..
بس رفض هادي مشاركته والاجتماع معه اكد له إن هادي بريء من شكوكه...

مشى باتجاهم وعيونه لاحظت تغير ملامح وجه هادي..
وبان عليه عدم الترحيب فيه..
يشبها في غضب عيونه..
يبان لمعة قوية تجبرهـ يتذكرها بكل حالات غضبها وثورتها عليه..
ولشدة إحساسه فيها..
يحس بضرباتها الضعيفة على صدرهـ..

[MS HMS]

غازي برسمية\مبروك..
سلمان بهدوء\الله يبارك فيك..مشكور..
غازي\يعني ماكنتوا بتعزمونا على عرسكم وحن أهل..
سلمان\السموحة ماكان في نيتنا نسوي حفل..
بس صديقات المدام صمموا على احتفال بصاحبتهم..
وماحبينا نكسر بخاطرهم...
هادي بجمود\دامنا ماعزمناك وش اللي جابك..؟؟
سلمان ناظر هادي مصدووم من ردت فعله..
لانه ماعنده ادنى فكرة عن موضوع هديل..
وبنظره غازي عفا عنهم ولو كانوا ماهم بمذنبين..
المهم انه حفظهم من القصاص..
غازي ببرود\لبيت دعوة أهل العروس..قيس دعاني وجيت..
سلمان\تعرف قيس..؟؟
غازي\أشتغلنا مع بعض كم مرة...التقينا قبل يومين وطلب حضوري..
بس ماكان عندي خبر إن زوجتك هي صاحبت الأسهم..
سلمان باستغراب\وكيف عرفت انها ياسمين..؟؟
غازي\شفتك تاخذها من الشركة..
سلمان\وطلعت زوجتي شريكة لكم..أنت وهادي..
غازي بهدوء\وكأنك ماتدري إنها أشترت الأسهم؟؟
هادي يرد قبل سلمان\واذا طلعت الأسهم باسمها..عندك إعتراض؟؟
غازي\انا مو مقتنع إن الأسهم تكون لياسمين..
فيه شخص ورى ياسمين يطلب الأسهم انا مو غشيم لهالدرجة..
هادي بسخرية\وبما إنك الرجل الأهم في العالم فيه مؤامرة تنتظرك..
غازي حط يده على كتف هادي\ما أخفي عليك ظنيتك إنت ورى ياسمين..
بس طلعت أنت براءة..ويبقى المجهول مجهول..
سلمان بجمود\إن كانت الأسهم لياسمين أو لغيرها امر يخصها لوحدها..
وما أعتقد لك حق تتحرى عن شيء من غير علمها..
وعدم الثقة بين الشركاء يفسد الشراكة..
غازي\لي كل الحق بحماية الشركة ومصالحها..

ألتفت سلمان لحركة غريبة صايرة في القاعة..
شدت إنتباهـ هادي ..
بينما غازي ما عطاهم اي اهتمام...


هديــــل..
أختنقت أكثر وهي تشوف غازي يقرب منهم..
ويصافح سلمان ويبارك له..
وقف معهم ..

الثلاثة اللي دمروا حياتها واقفين مع بعض..
وهي واقفة وحيدة...

شهقت بحسرة على حالها..
أرتجفت بقوووة ودموعها تجمعت بعيونها..
همست بإنكسار\هـ..هادي..

ذبحني يا أخوي..قهرني يا هادي قهرنـــــــــــــــــي..
ليه واقف معاهـ..ليه تشاركه بشغله..
ليه تنساني وتتبعه..
ليه يا أخوي..؟؟
شوف شعري بين أصابعه..
أثار السوط على كفوفه...
ظهري يشتكي باسه..
دموعي بعدها على صدرهـ..
ريحتي بتلقاها بثيابه..
صد عنه ولا إذبحه..
بس لا تخوني معه..

ثارت كل أعصابها لما شافت يد غازي على كتف هادي..
فقدت كل عقلها..وكل مخططاتها ..
نست إنها ميته لهم ومنسية..
أنكرت قدرة غازي على خطفها من جديد..
مشت بخطوات مخذولة لجهتهم..
ناوية تبعده عن إخوها..
تحميه منه ..
تدفنه ولا يئذيه أو يصاحبه..
هادي روحها..ويظل الوحيد اللي يعنيها وماقضى عليه..
قضى على روحها وبرائتها..
على مستقبلها وحياتها كلها..
والحين يبي يكمل على هادي..
وكأن موتي مايكفيه..
يبي يذبح أخوي ينتقم لاخوهـ..
كبه ولا هادي..
كله ولا هادي..

[MS HMS]

وقبل لا تقرب منهم وقف قدامها شخص قطع عليها الطريق..
وماسمح لها توصل لهم..
كان يراقبها ويراقبهم..وأدرك ضرورة تدخله..
حط يدينه على كتوفها وأجبرها تثبت بمكانها..
راعته نظراتها وكأنها نار..
ورجفتها المثيرة لــ الخوف...
ولما لاحظ إنهيارها قرب..
سحبها بين يديه بسرعة وطلعها من المكان ..
طلعت صرخة بنفس محروووق..
كتمها بكف يدهـ وهو يلاحظ ...
نظرات الاهتمام من كل الموجودين..
وأولهم هادي وسلمان..
ونظرات باردة من غازي...
وما عند أي واحد منهم فكرة عن هوية البنت اللي أنسحبت من قدامهم...

خرجها من القاعة وهي تقاومه بقهر..
تبي ترجع وتلف يدينها على رقبته..
تحرمه من الحياة مثل ماحرمها منها..
لازم يبتعد عن هادي..
سحبها لسيارته وهي تبكي وتضرب يده بقوووة ...
هديل بنحيب\اتركني..بأروح له اتركنييييييييييييييييي...
ابي اذبحه ذبحني..قهرنييييييييييييي..دفني الف مرة ومرة..
لازم أعاقبه..أبي احمي اخوي منه اتركني...
هاااااااااااادي...
دخلها السيارة غصب عنها وقفل الباب..
جلس جنبها وقبل لا يحرك السيارة صرخت فيه وهي تضربه..
هديل\لا ما ارووح من دون ذياب..ابي ولدي..
صوووفي عطيني ولدي بياخذه مني..
بياخذ ولدي مثل ما أخذ اخوووي بياخذه منيييي...
ما ابى ارووح معك بارجع لهم ما ابيييييك...

مد لها جواله\اتصلي فيها وقولي لها تطلع الولد برا القاعة..
وأنا باخذه منها..
ناظرت بإنكسار وسوت مثل مايقول...
أتصلت بصوفي وهي تحاول تكتم شهقاتها..
هديل بصوت مخنوق\صوفي أحضري ذياب خارج القاعة..
انا راحلة بسرعة...
صوفي بقلق\ديل مالأمر؟؟عزيزتي هل أنتي بخير..؟؟
أخذ الجوال منها ورد على صوفي بغضب..
.....\أحضري الطفل بسرعة ألم تفهمي ماقالت..؟؟
صوفي بغضب\أنت...كيف تجرؤ.............

قفل الخط بوجها لأنه يعرفها راعية طويلة..
نزل من السيارة وقفلها يمنع هديل ماتنزل معه..
ضربت على الطاقة تنبهه يفتح لها..
بس هو طنشها وراح يقابل صوفي وياخذ ذياب..

لما قرب من القاعة شاف صوفي طالعة وذياب بين يديها وشنطته على كتفها..
مد يدينه يبي ياخذهـ..
صرخت فيه\إياك ان تقترب..أين ديل..؟؟
......\صوفي أعطني الطفل ديل في السيارة..
صوفي بعناد\لا سأعطيها الطفل بنفسي..

سحب ذياب من بين يديها بالغصب ومشى باتجاه السيارة..
كانت بتمشي وراهـ بس أنصدمت بغازي قدامها..
خافت يشوفها ويروح وراها..
فظلت واقفة بمكانها...
لحتى ألتقت عيونه بعيونها....

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طاح الجوال من يد هادي وزاد نبض قلبه..
حط يده على صدرهـ وشد عليه بقوووة..
شهق بقوة يحاول يسحب الهواء..
ألتفت عليه غازي معقد حواجبه..
طاح على ركبه ويدين سلمان حوالينه..
سلمان بخوف\هادي بسم الله عليك وش فيك..؟؟
هادي برعب\هـــ ويـــ..نــها..هديـــ .........ــل..
سلمان\يارجال اذكر ربك..وش اللي وينها..؟؟
بقبرها وين بتكون..صل على النبي..
هادي يبتسم بتعب ويضرب على قلبه\لا..ماهي في قبرها لا...
هي هنا...هنا..

يشوفها قدامه ..
حاله يشبه حالها بيوم من الأيام..
صابها اللي صابه ألحين..
نادت ولاتدري وش تنادي عليه..
خفق قلبها وضاقت أنفاسها..
وتلفتت حواليها ترتجي شوفه..
بس هو منعها لاتشوفه..
شالها وطلعها من الساحة الأثرية قبل تدري بسبب وجعها..
واللي صاب هادي نفس اللي صابها..

[MS HMS]

تلفت حواليه برجاء..
دارت عيوونه بكل الوجيه الموجودة..
يحس انها قريبة وهي ميته..
يشوفها بكل الوجيه..
مرت على باله البنت اللي أنشالت قدامهم..
طلع من القاعة بسرعة يدورها..
مالها أثر...دار حوالين نفسه صار يحس فيها أكثر من هادي..
الحديقة مافيها احد غيرهـ..
وبلحظات أنظمت له ووقفت بتحدي قدامه..

شافها قدام عيونه تناظره بعداء..
قرب منها بخطوات سريعة..
مسكها بقووة وهزها بغضب..
غازي بقهر\أين هــــي صوفي؟؟أين هي؟؟
صوفي خافت من صراخه وعصبيته..
حاولت تحرر نفسها منه ماقدرت..
صرخت فيه\أتركني أيها المتوحش انت تؤلمني اتركني..
غازي بحدة\تكلمي أين هي؟؟أين هديل؟؟
صوفي بكرهـ\لقد قتلتها؟؟هي ميته وأنت قتلتها أيها المجرم..
هل تشتاق إليها بعد أن عذبتها وأحرقتها..
كم اتمنى ان تظل معذباً الى الأبد..
شد يدينه على يدينها وهو يسمعها تتألم..
غازي\لماذا أشعر بانها قريبة ولم تمت؟؟
صوفي\آآآهـ ابعد يدينك عني...
لقد ماتت ألم تدفنها أنت..؟؟ألست أنت آخر من رأها..
ديل ميته ولن تعود؟؟والآن اتركني قبل أن اصرخ..
غازي بجنون\الطفل..؟؟أين هو؟؟وابن من يكون؟؟
صوفي\أيها ال****..هل تعتقد بانك ستعاملني مثلما عاملتها..
لن اسمح لك بإستجوابي او ضربي..اتركني..
غازي بغضب\ذاك الطفل صوفي من يكون؟؟أجيبيي من يكووون؟؟
صوفي بخوف\ابن صدقتي...
غازي بصراخ\كاذبة..كاذبة..ليس ابن ياسمين..من يكون ذاك الطفل..؟؟
صوفي تتألم\لا شان لك به..هو ابن صديقتي وكفى..
اتركني انت تؤلمني اتركني..
غازي\أين الطفل..؟؟
.....\أي طفل..؟؟

ألتفت غازي على الصوت العربي..
وتفاجىء بشخص يعرفه يقرب منه والطفل بحضنه..
رف قلبه لــ ذياب..
وبالموت تمالك نفسه مايضربه وياخذ ولده من يدينه..
غازي بحدة\من وين أخذته..؟؟
مسفر بجمود\من حضن امه..
غازي\هات الولد..
مسفر\تبي ولدي..؟؟!
غازي بحقد\هذا ماهو ولدك..ماهو ولدك..
مسفر بثقة\يارجال صل على النبي..وش ذا الكلام..
كيف ماهو ولدي..؟؟
غازي قابض يدينه بالقووة لأنه متأكد لو خذا الولد منه مستحيل يرجعه..
مسفر\بلاك على الحرمة طلعت روحها..أسف سيدتي أعذري صديقي..
صوفي بعدم ثقة\أعطني الطفل..
مسفر\لاداعي لذلك..والدته تنتظرني بمكان قريب..شكرا لرعايتك الدائمة له..
صوفي بقهر\على الرحب والسعة..بلغ فاطمة تحياتي..وداعاً..
ناظرت غازي بغيض\وأنت أيها النذل سأقاضيك يوماً ما..
أنسحبت من عندهم وقلبها يضرب بقوة..
تبي تاخذ الولد وتهرب فيه..
تخاف من الاثنين وماعندها ثقة في احد منهم..
وقفت تراقبهم من على زجاج الباب..

مسفر بهدوء\يالله نشوفك على خير ان شاء الله..
غازي بجمود\وش اسم ولدك؟؟
مسفر\باسم ولدك..فمان الله..

صد مسفر مبتعد عنه..
مشى خطوتين وكان بيمسكه يبي الولد..
ثبت بمكانه شاد على كل أعصابه..
ناظر بالسماء تايه ومهموم..
صرت اشك بحالي وأنا اللي دافنك بيدي..
قولي هو بدايت جنون ولا نهاية عقل..؟؟
هذا ذنبك يعذبني..
أشوفك في وجيه الناس..
واشمك بطهارت الأطفال..
أتخيلك جنبي وحولي..

[MS HMS]

أنتي متي عمياء ومقهورة ومحروقة..
وأنا دفنتك بيدي تحت التراب..
نامي في قبرك بسلام..
همس بصوت خافت\جنيت يا أطهر ذنوبي ...

ليت كل عاشق تمنى ..
ما إنجرح قلبه و خاب ...
و ليت كل مفقود يقدر فإقده يسترجعه ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

واقف يناظر الدكتور بصدمة..
يحاول يستوعب كلامه..
غمض عيونه كم مرة ورجع يفتحهم بغير تركيز..
راجح من دون تصديق\نــــايمة..؟؟!
ماترد علي ولا تتحرك وتقولي بس نايمة..
زوجتي نومها خفيف وأدنى صوت يصحيها..
الدكتور بابتسامة\ما اخفي عليك زوجتك اول مريضة تقابلني بهالحالة..
بس أبيك تطمن هي بخير ومافيها شيء..نايمة بعمق هذا كل الموضوع..
راجح\دكتور هذا ماهو نوم طبيعي..؟؟
الدكتور\فعلاً هذا مو نوم طبيعي هذا يسمى بالنوم القهري..
راجح مفتح عيونه بقووة\مستحيل..كيف تصاب بهذا المرض..؟؟
الدكتور\الى الآن ماتم التشخيص ولازلنا نسوي الفحوصات عشان نتأكد..
بس على ماهو ظاهر امامنا هذي علامات النوم القهري..
والحين بندرس تاريخها الطبي..وبمساعدتك نكتشف اذا كان مثل مانتوقع..

طلع من المكتب وكلام الدكتور يتردد في باله..
معقولة رشا تكون مصابه بهذا المرض..
هذا مرض يسبد في الإنسان اذا ماتعالج منه..
يحرمه حياته عبادته هله وظيفته وكل شيء..
يصيب الإنسان بشكل مفاجىء..
يتذكر إن سمع عن رجال مصاب بهذا المرض..
وداهمه النوم وهو يسوق سيارته..
ومشت سيارته فيه من غير هدى وتعرض لحادث قضى على حياته..

دخل غرفتها قرب منها ومرر يده على وجها..
راجح بهمس\كل هذا نوم يارشا..؟؟
ماصارت 17 ساعة ماتصحين ولا تحسين فيني..
مايكفي جلطتي قلبي وانا اقلبك بين يديني مثل الميته..

جلس جنبها وضم يدينها بين يدينه..
راجح بمحبة\قاوميه يا رشا لاتخلينه يسيطر عليك..
هذا النوم بيدمر حياتك..تكفين ياغلا راجح لا تضعفين..

كان يشد على يدها بقوووة ينتظرها تشد يده او ترد عليه باي حركة..
بس هي ظلت ساكنة على حالها...

أول ماشافها على هالحال كانت مثل الميته ماتتحرك ولاترد عليه..
شالها بعبايتها يبي يسعفها وخاف يفقدها بالطريق..
جلس على سريره وهو ضامها ويودعها..
بعدها عنه لما حس بانفاسها على رقبته..
كانت حيه وشكلها طبيعي جداً..
بس ليش ماتصحى ولاترد عليه..
نزلها بسرعة واخذها لـ المستشفى..

أول شيء أعتقدوها حامل..
راجح قال لهم ماهي حامل بس كان لازم يتأكدون..
واثبتت التحاليل انها مو حامل..
تم تشخيص حالتها مبدئياً بالنوم القهري..
لكن التاكد من هذا التشخيص لازمه وقت واختبارات على المريضة..
وراجح خايف عليها من هالمرض ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛

على بحيرة نيمي جلست حاضنة نفسها صادة عنه..
ولدها نايم في السيارة ومسفر ساند نفسه على سيارته وقريب من ذياب..
ويراقبها بآسى على حالها..
ماوقفت شهقاتها ودموعها..
أستبدت فيها الظنون غنه ممكن يعذب أخوها مثل ما عذبها..
كانت تتكلم بضياع عن سوط وحريق..كسور و غرق..
تنويم والأدهى كلمة أختنقت فيها ماقدرت تنطقها..
خلته يقرر يطلعها من السيارة ويتفاهم معها..
او يتركها لحالها بس تحت عيونه..

آآآآآآآآآهـ يومه قلبي محروووق..
لا والله مابقى فيه حيل يحترق ..
قلبي صار رماد يووومه..
ابي ارجع لكم إفتحوا لي الباب..
تعبت غربة وقهر..
يومه بردااانة..تايهة..
أنسلبت روحي مني يا يومه شوفيني..

يوبـــــــــــه...
وينك يا حسين..؟؟وينك يا ابو علي؟؟
لك الله مابقى فيني حيل لــ الصبر..
إصدق بوعدك يوبه وتعال..
إلحق على مابقى فيني..
يووووبه ليه ماتسمعني؟؟
ليه ماتحس فيني؟؟
يووووبه تكفى تعال..
ابي ارجع لبيتنا..
ابي ارجع هديل بنتك الصغيرة..
يوبه أخاف يلقاني...
من يمنعه عني لا لقاني..؟؟
من يأخذلي حقي منه..؟؟
من يصدهـ عني مـــــــــــــــن..؟؟
يوبه محتاجتك..
تعال ولو علشاني..

[MS HMS]

صرخت باسمه ..
لا اله الا هو..
الواحد الأحد..الفرد الصمد..
اللذي لم يلد ولم يولد..
نادته بصوت مقطووع مبحوووح..
بكل الألم اللي داخلها صرخت تستنجد برب العالمين..
ربــاهـ إن العالمين تمادوا..
فرحمتك ربي قبل عذابك..

كل النداء إذا ناديت ..يخذلني..
إلا النداء إذا ناديت يا ربــــــــــــــي ...


سمعت صوت ذياب يبكي..
ألتفتت لجهة السيارة..
وشافت مسفر شايله بين يدينه ويسولف معه..
أبتسمت بضحكة مبحوحة..
ودموعها محبوسة..
وقفت وهي تترنح..
ومسحت وجها بيدينها..
تبعد آثار الدموع والتعب..

الحمد والشكر لك ياربي..
لأنك وقفت مسفر بطريقي..
ولا كنت ألحين مذبوحة بقهر وذل وإهانة..

قربت منهم وهي تحاول تحافظ على إبتسامتها المقتولة..
ولاحظت نظرات مسفر المتفهمة لها دائماً..
مسفر\وهذي نعمة الله عليك وصلت..تهنى يا شيخ..
مدت يدها وخذت ذياب بهدوء..
ضمته لها بصمت..
وفضلت تلتزم الصمت لحتى ترجع لبيتها..
وأرتاحت نفسها أكثر..
لما أحترم مسفر رغبتها ولا أجبرها على الكلام..

تدري إنه مايعرف عنها وعن غازي الكثير..
يعرف إنهم متزوجين..
وهي هاربة منه..
مايدري إنها ميته بالنسبة لغازي..
ولا يدري بتفننه بتعذيبها وضربها..
ماتبي تحكي عن مأساتها إلا معه هـــو..
هو الوحيد اللي يستاهل يتألم وينقهر ويغضب..
ماهو الشخص الطيب..
اللي منعها من تسليم نفسها لجلادها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛



ياسمين بقهر\صوفي قلت لا..هل جننتي..؟؟
صوفي بغضب\انا من جننت؟ستفعلين ما اقول رغماً عنك..
ياسمين\هذي كيف بدها تفهم عليي..
صوفي هذا أمر لا يجوز..كيف تريدين ان أخرج بفستان عارياً كهذا امام كل هولاء الرجال..
ثم شعري ألا ترينه دون حجاب..؟؟هذا مستحيل..
صوفي بعصبية\انتي المسئولة الوحيدة..
لماذا لم تخبريني بضرورة تعديل الفستان..
ولماذا لم تطلبي حجاباص لأثبته على شعرك قبل الآن..
ياسمين\بدك تلبسيني حجاب اليهود..
صوفي هذا الحجاب اللذي تقصدين ليس حجاب المسلمين..
بل حجاباً إبتكرهـ اليهود وهو لا يغطي شيئاً من الرقبة والصدر..
يغطي الشعر فقط..
صوفي بجنون\سأقتلك إن أفسدتي هذا الزواج..دعيني أفكر كيف أحل الوضع..
لا تهلعي سيكون كل شيء بخير..
ياسمين\ههههههههههه انتي متوترة أكثر مني..
صوفي بحقد\إخرسي..لم أجد حلاً..كيف سيراك الآن زوجك..؟؟
ياسمين بخوف\سأهرب قبل أن يراني..
صوفي بابتسامة\وجدت الحل...إن رفضتي الخروج امام الجميع..
سيدخل زوجك هنا مارأيك..؟؟
ياسمين\لاداع ليدخل ويراني..سنغادر بعد قليل..
ولكن أين هديل لماذا ذهبت بسرعة..؟؟
صوفي بجدية\كان وولفي يبكي منزعجاً فعادت الى المنزل..
جاسمين عزيزتي ديل تريد منك خدمة أخيرة..
ياسمين باهتمام\ماذا..؟؟

[MS HMS]

صوفي\بعد هذه الليلة ستنسين أنك إلتقيت بفتاة اسمها ديل..
مهما مضى من الوقت أو قابلتي احداً ما يشبهها كذاك الشخص في الإجتماع..
لا تذكريها ابداً..هذه رغبتها فأرجوا ان تحترميها...
ياسمين بعتب\لماذا لم تخبرني هي بنفسها..؟؟
صوفي\إتصلت بي منذ ربع ساعة وطلبت مني إخبارك..
ماردك جاسمين؟؟
ياسمين بحنية\كم أحبها تلك الفتاة..أخبريها بأني لن أفشي سرها أبداً..
ولن أخبر أحداً عن لقائي بأروع الصديقات على الإطلاق...
صوفي بابتسامة\شكراً جزيلاً لك..
والآن سيدخل زوجك ويقبلك أمامنا فاعلنكما زوجاً وزوجة..
ياسمين بمرح\هههههههههه فليدخل وأطلبي منه ذلك..ثم سأرى علامة سوداء على عينك..
لأنه بكل تأكيد سيضربك...
صوفي حطت كفها على يدها مكان مامسكها غازي وهمست بغضب..
صوفي بهمس\تباً لــ الرجال..كم أكرههم..

بعد ربع ساعة دخل قيس غرفة ياسمين ومعه زوجته وأولادهـ..
سلم عليها بمحبة ابوية لا أخوية..
وأعتذر منها إن كان بيوم زعلها..
ضمته بقوووة وبكت بحب له وإحترام..
ضحكت لما سمعت صوفي تسبها وتهاوشها لا تخرب مكياجها..

دخل سلمان وصوفي تناظره بحقد وكأنه فعلاً ضربها..
قررت تلتزم بتقاليدهم وتراقب الوضع بإهتمام..
تخاف لا يضيع عليها أحد التفاصيل..
أعجبت بنظرات سلمان المتأملة لياسمين..
وكانها اول مرة يشوفها فيها...
مو المفروض تكون زوجته وأكيد عاشوا مع بعض من قبل..
وتاهت بخجل ياسمين وعدم قدرتها على رفع عيونها وتناظر زوجها بسعادة ..
وأكثر ما خفق بقلبها قبلته على جبين زوجته بكل إحترام...
مر في بالها يوم زواجها مع ماكس..
وإختلاف نظرات سلمان وياسمين..
عن نظراتها مع ماكس..
كانت جريئة ومتحررة من الخجل والخوف...

ياسمين حست بريقها ناشف لما شافته يدخل عندهم ..
ويتكلم مع اخوها عن رعايتها والإهتمام فيها..
طلع اخوها وهله ومابقى غير سلمان وصوفي..
قرب منها سلمان ورفع الطرحة عن وجها..
ناظرها مُعجب بجمالها ونعومتها...
مبسوط بخجلها اللي قالب وجها أحمر بشكل بالغ جداً..
كتوفها العريانة ببياضها الفاتن..
سلمان بإعجاب\ماشاء الله..مبروك يا ياسمين..
ياسمين بخجل\الله يبارك فيك..
قرب منها وباسها على جبينها ..
خجلت منه كثير ونزلت راسها ماقدرت تحط عينها بعينه..
جلسها وجلس جنبها..
طلع الدبلة من جيبه ولبسها بلطف..
رفع راسه وشاف صوفي واقفة عندهم..
سلمان\هذي مو هي اللي كرشها زوجها بعد ما أسلم..؟؟
ياسمين بهمس\هذي صوفي صديقتي لا تغلط عليها..
سلمان\آآآهـ طيب ما باغلط عليها علشانك..
ولا كنت ناوي أقوم واتوطى في بطنها..
لما شاف نظراتها ضحك \وأنا أدري عنك جعلتيني مجرم لا تغلط عليها..
اممم يالله مشينا..
ياسمين بخوف\وويــ...ين..؟؟
سلمان\شقتي..
وقفت غصب عنها لانه هو سحبها توقف..
أنحرجت من نظراته وهو يناظرها من فوق لتحت بتأمل..
سلمان عاقد حواجبه\اممم بدلي ملابسك..ما ابيك تطلعين بهالشكل..
ياسمين بغيض\كنت راح قولك تستناني برا لحتى ابدل..
انا مابلبس هيك قدام الناس..
سلمان يمتص غضبها\اوكى ياقلبي أستناك برا..الا إذا تبين اساعدك بشيء..

[MS HMS]

ياسمين تعاند دمعتها\سلمان قول الحق...
اهلك رافضيني صح؟؟مجتمعك مايتقبلني لأني مو سعودية..
سلمان باستغراب\ان كنت أنا راضي فيك ومقتنع وش دخل باقي الناس فينا..؟؟
ياسمين\اهلك يا سلمان مو ناس...
سلمان يبتسم\اذا على هلي فهم يرحبون فيك وينتظرونك توصلينهم بكرة باذن الله..
ياسمين\سلمان انا مو سعودية..
سلمان\أدري فلسطينية وعلى عيني وراسي..
وزوجتي برضى الراضي وغصب عن اللي مو براضي..
لا يهمك احد دامني أنا معك..وأمي وابوي وهلي ترى ناس طيبين..
ومايهمهم التفاخر بالأنساب والجنسيات والخرابيط..
فيه ناس ياياسمين ظلوا طريق الحق وتكبروا..
وفيه ناس لازالوا يذكرون النبي عليه الصلاة والسلام وينتصحون بنصحه وأخلاقه..
(إظفر بذات الدين تربت يداك)..

صدت عنه تخفي دموعها..
بقلبها شيء كبير يامرها تحضنه بقوووة..وتبوس راسه..
وحقق لها هالشيء لما سحبها له وضمها بحنية..
قبلها على جبينها وهمس لها بصدق...
سلمان\نورتي حياتي...

بعد لحظات بعدت عنه وتوجهت لغرفة النوم اللي دلها عليها..
فسخت معطفها وفتحت شنطتها تبي تبدل الفستان قبل يشوفه عليها..
طلعت مجموعة من ملابسها وحطتها بدرج الملابس..
وتجمدت مكانها لما حست فيه دخل معها الغرفة وقفل الباب..
سلمان\بكره نازلين السعودية خلي ملابسك في الشنطة..
تملكها الخجل والخوف وهي متأكدة من نظراته عليها..
أخذت بجامة ودخلت الحمام بسرعة مرعوبة..
قفلت الباب وخلعت الفستان بسرعة..
تحممت وأضطرت تستخدم منشفة سلمان لانها ما فكرت تدخل معها منشفة..
شهقت بقوووة لما شافت البجامة اللي بيدها..
ودعت على صوفي من قلب ورب..
أستاهل هذا اللي يسلم رقبته لمثل هالخبلة..
ياويلي وش أسوي..
مستحيل ألبس هذي قدامه..
ولا البس الفستان مرة ثانية..
ولا اطلع بالمنشفة...
اكرهك يا صوفي ياللي ماتستحين..

لبست البجامة القصيرة ولمت عليها روب الحمام..
طلعت بخطوات مرتجفة خايفة ..
وهي تتمنى لو كان سلمان برا الغرفة عشان تاخذ راحتها..
بس تفاجئت فيه يوقف قدامها ويضمها له بقوووة..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

[MS HMS]

نفخت بقهر تحاول توصل له إنزعاجها من حالهم..
بس مالقت منه الا التجاهل التاااام...
مر شهر من رجوعه لها..
وهو يعامل بكل برووود..
لا اصلاً مايعاملها متجاهلها وبس..
كأنها غير موجودة..او غير مهمة له..
يطول كثير بشغلة..وبعض الاوقات يواصل شغله الليل بالنهار..
يتناسى ان وراهـ زوجة حامل وتعبانة..

صوت بداخلها يناجيها..
مرام هذا اللي زرعتيه واليوم حصدتيه..
ماتبينه قريب منك ولا يلمسك ولا يكون بينكم أي علاقة..
فأنهي الموضوع ولا تحرقينه بتأففك ..
انتي كلي هواء ولاتتكلمين معي..
مليت من بعده ومن حياتي الباردة..
مليت من خوفي وهروبي منه وأنا ابيه..
انا ما سامحته على اللي صار..
وهو ماسامح نفسه..
يعني تعاقب كثييير..
وياما عاقبته طول الثلاث سنوات اللي فاتت..
عاقبته وعاقبت حالي..
خلاااص ابي ارتاح...
أنا حامل..
وكم تمنيت الحمل..
ما ابي أضيع الباقي من ايام حملي بهم وصد وجفاء...

وقفت بتعب ودموعها تعمي عيونها..
قربت من الكنبة اللي جالس عليها وبحضنه الــ لاب توب..
سحبت الجهاز منه ورمته على الكنبة..
جلست بحضنه وضمته بقوووة وبكت بصوت مخنوووق...
بكت اكثر لما لم يديه حواليها..
وبيده الثانية يتلمس بطنها...
مرام بتعب\تركي ابي افرح...
فرحتي ناقصة بزعلنا...
ضمها له اكثر وقبلها على رقبتها..
تركي بحب\زين إنك جيتي قبل أجيك..
كنت خايف أخوفك او تهربين مني...
مرام بتعب\أحبك...
تركي\لا يامرام أنا اللي أحبك..
ومهما صار أظل احبك...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛


دخل راجح المطبخ يدور رشا بعد ماقالت له الخادمة انها في المطبخ..
أنصدم لما شافها حاطه راسها على الطاولة والأكل محرووق على الغاز..
طفى الغاز وقرب من رشا النايمة بدون احساس...
تنهد بآسى على حالها..
وشالها بين يدينه..
طلعها لغرفتها وسدحها على فراشها...
مرر أصابعه على خدها...

قلبه يتعذب عليها كثير...
تم تشخيص حالتها بالنوم القهري...
وراجح صار يخاف عليها كثير..
يخاف لا يهاجمها النوم وهي تمشي او طالعة من البيت..
او بالمطبخ مثل مالقاها قبل دقايق..
تمر أيام تكون بحالة طبيعية جداً..
لكن بأيام أخرى تنام لمدة 20 ساعة من دون احساس..
باحد المرات نامي وهي تتحمم..
مضت ساعتين وهو ينتظرها..
ولما دخل الحمام كانت نايمة بالبانيو..
وحمد ربه انها ماكانت ماليه البانيو مويا...
ولا يمكن غرقت من دون مايحس عليها أو تحس هي على نفسها..

ومرة نامت وهي تأكل غازي..
دخل البيت ويسمع صوت غازي والتلفزيون ..
وشافها نايمة على الأرض وغازي يحط الاكل على فمها..

قرر ينتقلون ويعيشون في بيت ام غازي على الأقل تكون قريبة منها وتهتم فيها..
الخادمات مالهم أمان..كانت خادمة وحدة..
بس حالة رشا المستعصية تطلبت وجود خادمة ثانية تنتبه عليها..
يخاف لا يسوون فيها شيء وهي نايمة وغايبة عن الدنيا..

الدكتور بدأ العلاج معها...
وطمنه بانهم راح يتغلبون عليه لان المرض ماصار له معها فترة..
صرفوا لها علاج خاص بهذا النوع من الأمراض..
وتطمن الدكتور أكثر لما شرح له راجح ان سبب اللي هي فيه حالة نفسية وإكتئاب..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

[MS HMS]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تمضي بنا الأيام...
نضيق من دهرنا..
فنبكيــــــه..
وعندما نعانق دهراً أخر...
نبــــــــكي عليــه...

فز ذياب بخوووف وفتح عيونه على وسعها...
وصوفي ميته ضحك وتصورهـ بكاميرتها...
وبدأت تغني له قبل لا تجيها هديل...

سنة حلوة يا ولفي ..
سنة حلوووة يا وولفي ..

طلع من فمه صرخات كثيرة مبسوووطة..
بكثرة الألعاب حوالينه والبالونات بالوانها...
صوفي بحب\هيا عزيزي لنتمنى أمنية...
بسرعة قبل ان تأتي والدتك القزمة رثت الثياب...
مد يده بسرعة وضرب القتوة الصغيرة بمرح..
شهقت صوفي وبعدها ضحكت على حالها لما حط يده على عيونها..

دخلت هديل الشقة علقت معطفها وحجابها ..
وأول ماشافت شكل الصالة معفوووس ..
عرفت وش المناسبة من البالونات والكيكة ولاهدايا..
هديل تتنهد\يربي من هالمرهـ..ماتفهم ماتحس..
صوفي ماذا تفعلين..؟؟ألم أقل لك باني لا احب الاحتفال بهذا؟؟
صوفي بمرح\اخرسي ايتها القزمة..تعالي وشاركي وولفي الأكل..
سيأكلها كلها...
هديل تشهق\لااااا ذيبي يا بعد هلي ..
اسنانك يا أبو سنين تبيهم يسوسوون..
خذت ذياب من حضن صوفي وضمته لها..
هديل بحب\لبى الرجال الشيوووخ..
وهـ فديته ياعرب يجنن..أبو عيووون كحيلة..
وبراطم صغيرة..فديتك يوومه بتخوفك هالشقراء المهبوولة..
جاملها فديتك عندها نقص حنان تحطه فيك..
صوفي بقهر\وجع...
هديل\هههههههههههههههههه من كل الكلمات اللتي أنطقها لم تحفظي غير هذه الكلمة..
صوفي\هههههههههههه أحببتها صغيرة وجميلة...
هديل\عنبوا الهبلاء تسمع وش تقووول..ماتعرف معنى الكلمة..
صوفي\ماذا حصل معك..؟؟
هديل تتنهد\لم أنجح في اثبات هويتي..
يحتاجون لشاهد..يشهد باني انا هديل الجاسم..
لأني في السجلات لديهم ميتة منذ وقت طويل..
ويعتقدون باني أريد أن أنتحل هوية فتاة أخرى ميته..
صوفي\انا ساذهب معك...
هديل\لن يقبلوا بذلك..ولكني في الطريق الى هنا كنت أفكر في الأمر..
صوفيانا لن أظل في إيطاليا طوال عمري..
سأعود الى الخليج وأعمل معك في دبي..
صوفي\وأنا أجلت إفتتاح العرض بدبي حتى تنتهي معاملاتك..
هديل\هناك شخص ما سيشهد معي...ويخبرهم باني انا هديل..
حصلت على رقمه..وساتصل به..
سأفجعه بكل تأكيد عندما يسمع صوتي..

وقفت ببطء وأخذت جوالها من شنطتها..
اتصلت على الرقم المدون عندها وهي ترتجي ربي يسهل لها الأمور...

.....\ألو...
هديل\.......................
....\هلا ...من معي...؟؟
هديل\................................
.....\مايصير متصلين من برا عشان بس تسمعون صوتي...
هديل\.....................................ألو..
.....\هلا...
هديل\...........................
....\أختي انتي معي تسمعيني؟؟
هديل بخوف\إحلف بالله العظيم ماتخوني ولا تغدر فيني...
......\...........والله العظيم ما أخونك ولا أغدر فيك...
من أنتــــــــــــــــــــــي ..؟؟
هديل بغصة\أنا.........أنا هديل...

[MS HMS]

الى الملتقى باذن الله تعالى فجر السبت ...


كونوا بخيــــــــــــــــر ...


صدووود’’’



ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ




السلام عليكم ورحمة الله وبركاته ....


صبـــــاح \\
الغيمة البيضاء..
وبرد الشتاء..

مســـــاء\\
عودة الماضي..
وعدل القاضي..

كيفكم الـــ ليلااااااااااااااااس ..؟؟!
أحبتـــــــــــــي في كل مكان..؟؟

أحبتــــي ...
بارت اليوم نبدأ رحلة جديدة ..
كثرت أسئلتكم وتوقعاتكم عن المدة الباقية لتنقضي الخمس السنوات..
بعض الغاليات يقولون باقي 3 سنوات..وفيه اللي يقولون باقي سنتين..
والبعض اجزم بنهاية الخمس سنوات وعادوا الحساب من الأول..
ان شاء الله في بارت اليوم راح يتوضح لكم صحة وغلط التوقعات..
وكانت كونان=همسات وردة..
هي أقرب وحدة بإحصاء السنوات..
ومثل ماتقول كونان قربت ساعة الصفر يا رابطة هديل..

بالنسبة لسؤال الأكثرية عن موعد نهاية الرواية..وكم باقي أجزاء وتنتهي..
عزيزاتي في البارتز الماضية عشنا أحداث الخمس سنوات..
ألا تريدون أن نعيش معهم مابعد الخمس سنوات..؟؟
إسمحوا لي أن أستمر بالرواية كما يجب..
وبيوم ما ستأتي النهاية حتماً..

النوم القهري...
بالنسبة للي قالوا انه من صنع خيالي..هو حقيقة يا بنات هذا المرض موجود فعلاً..
الأغلبية منكم سووا بحث في قوقل وطلع لهم تعريف المرض ومعلومات كثيرة عنه..
وراح أذكر موقف في بارت اليوم صار مع زميلة لي بايام دراسة المتوسط..
وكيف ان النوم تغلب عليها وهي ساجدة بالفصل تصلي معنا..
اللهم أشفها وأشف جميع المرضى..

رجـــــــاء من قلبي لـــ الجميع ..
أرجوكم لا أحد يدعي علي .. مهما قست الأحداث..
أو إستفزتكم نهاية كل بارت..
ومهما غضبتم أو فرحتم بالرواية ..
لا تدعون علي..
واجهت دعوات من (البعض) أذتني كثير في حياتي..
ولا أحد يعلم متى تكون لحظة الاستجابة..

بارت اليوم مافيه قفلة...<<فيس نصاب لاتصدقوونه..
مهرة حرب الغالية سلامتك من جلطة المعدة..السمووحة اليوم ^_^


البارت إهدأ خــــــــاص جداً ..
لكل أحباب صدووود بكل المنتديات..
ولكل من سجل عشاني هنا وفي الجوار..
شكـــراً بحجم السماء لوجودكم بالقرب..

[MS HMS]

البارت الواحد والستـــــــون ...



أهذي أنتِ؟.. أم هذا خيالي
جلاكِ... وبيننا بحرُ الليالي؟

أقاهرتي! تُرى أذكرتِ وجهي
فتاكِ أنا المعذّب بالجمالِ؟

سلي عني المليحاتِ اللواتي
نظمتُ لهنّ ديوان اللآلي

سلي عني أباكِ النيلَ يشهدْ
بصدقي في الصدود.. وفي الوصال

سلي عني من السنوات خمساً
فِداها العُمر! عاطرة الخصالِ

أعود إليكِ.. والأيام صرعى
تمزّقها السنين.. ولا تبالي

فوا أسفاه! عاد فتاكِ شيخاً
يفرُّ من الوجومِ إلى الملالِ

أأعجب حينما تنسين وجهي؟
نسيتُ أنا ملامحه الخوالي!

مررتُ على الديار.. فضعتُ فيها
غريباً حائراً بين الرجال

ولا المقهى يهشّ إذا رآني
ولا من فيه يسأل كيف حالي

وأين الصحب.. هل آبوا جميعاً
كما آب الشبابُ.. إلى المآل؟

المرحوم باذن الله تعالى..غازي القصيبي...



كان بطريقه راجع بيته من الدوام..
بسرعة وبدون تفكير غير طريقه لبيت ام غازي..
حياته من دونها ما تنطاق..
بيته خالي لا حسها ولا حس غازي فيه..
وكأنه رجع لايام العزوبية لما كانت رافضة تعيش معه وعايشة عند إخوانها..
وقف سيارته وظل جالس فيها يفكر برشا وحالها..
اللي يصدمه ويجرحه بحدة إنه يشوفها متقبلة وضعها ومرتاحة فيه..
دخل البيت وجلس في الصالة طلب من الخادمة تنادي رشا له..
بعد دقايق جاته الخادمة وهو يتوقع الرد..المدام نايمة..
طلع لها فوق وشافها جالسة على كنبة بغرفتها..وتقاوم النوم بشكل محزن..
لاحظ ضيقتها من تواجده وانه يشوفها على هالحال..
سلم عليها وجلس جنبها..
راجح\قالت باتي انك نايمة؟؟ماتبين تشوفيني؟؟
رشا بتعب\سمعتها تدق الباب بس نعسانة ماقدرت ارد عليها..
راجح يمرر يده على وجها\وهذا اللي أشوفه..بتنامين؟؟
رشا بضيق\توني صاحية من ساعتين بس ابي انام..
راجح بهدوء\رشا غنتي راضية بوضعك انا أدري..
رشا تبتسم\تبي الصدق ايه راضية فيه..
تدري ان الوقت اللي اقضيه الحين في النوم كنت اقضيه زمان في التفكير..
افكر فيك وفي سعود..غازي ولدي وهل الكويت..
في غازي اخوي وهديل الله يرحمها..كلكم افكر فيكم..وانسى افكر في حالي..
بعدين فكرت في حالي بعد ماهاجمونا عيال الحرام في بيتنا..
واكتشفت اني أموت ولا أحد منتبه على موتي..
صدقني انا مرتاااااحة كذا..
أنام وانسى كل شيء..
راجح يتنهد\بس انا مو راضي بهالحال...
رشا فتحت فمها تثاوب\لانك تبي زوجة..
تهتم فيك تقوم بواجباتك..تجيب لك عيال..
وانا من هذاك اليوم ماعدت زوجتك..
من يوم ما قلت لك سري اللي مخوفني..

[MS HMS]

طحت من عينك وصرت ولاشيء...
والحين حبيبي خلاص لك كل الحق تطلقني وتتزوج..
انا ماعدت انفع لشيء..انام باليوم 17 او 20 ساعة..
والساعات اللي اصحى فيها اكون نعسانة..
راجح\انتي مو راضية تسمعيني..انتي يارشا مستحيل تفهمين وش تكونين لي..
رشا بزعل وهي تقاوم النوم بالقوة\مفسووح حبيبي مفسووح تزوج فديتك...
مسك وجها بين يدينه\رشا انا لقيته...لقيت اللي أرهب طفولتك..
ولازال يتحكم بمخاوفك الحين..
سامحيه يارشا مابقى فيه حال تحقدين عليه..
كنت حالف اجعله عبرة لكل **** مثله..
بس القدر عاقبه قبلي..
اليوم هو لاحي ولا ميت..مبتورة أرجوله..اعمى..
عاقبه ربي على فعايله الشينة..
رشا\..........................
سحبت وجها من بين أيدينه..
وحطت راسها بحضنه..
رشا بصوت خافت\بأنام ولا تصحيني..
تامل وجها وهي تغرق بنومها المرضي..
ولاحظ دمعة تسللت على خدها..
راجح بمحبة\نوم العوافي...

شالها ونزلها بفراشها..
ومر في باله طالب وكيف يخفف عنهم كلهم مرض رشا..
ويتسأل ليش شوق مايصيبها هذا المرض..
طالب بتفكير\الحين مايقولون نوم الظالم عبادة..
ليه شوق ماتنام مثل رشا..يا اخي ابي ادشر وارجع عزوبي..
شوق تشهق\اعوذ بالله منك..استغفر ربك..فرحان بحال اختك..
طالب\هشش لا يسمعك راجح..انا ترى يعني أواسيه حرام مسكين..
رشا\هههههههههههه علي صوتك اكثر تراه مايسمعك..
راجح بابتسامة\ انا ادري عنه..قال يواسيني..
طالب يتجاهلهم\تعالي وانا اخوك..قولي وش تحسين فيه وانتي تنامين هالكثر..؟؟
رشا بهدوء\عادي..أنا مؤمنة ان لكل شيء حكمة..
والحمدلله على كل حال..
ان كان مرضي نوم وانا بخير ومرتاحة فلا باس..
غيري يعانون من أمراض ومايقدرون ينامون من الوجع..
شوق باهتمام\رشا وصلاتك ماتفوتك..؟؟
رشا\الله يسامحني..تفوتني كثير بسبب النوم..
سألنا شيخ وشرحنا له حالتي..وقال القلم مرفوع عن النائم حتى يستيقظ..
طالب\اجر وعافية وانا اخوك..بعض الناس تفوتهم الصلاة وهم صاحين وماوراهم شيء..
شوق بقهر\وش قصدك..؟؟
طالب بفرح\الحمدلله رب العالمين..عرفت نفسها من دون ما أحدد..
أقصدك إنتي يروح وقت الصلاة وانتي تقولين لاحقة الصلاة..
شوق بزعل\لا والله العظيم تغيرت..هذاك كان اول كنت مهملة..
بس الحين والله اصلي على الوقت..
طالب\اضربوهم عليها لعشر..لو ما ناشبتك ما إعتدلتي بصلاتك..
شوق تناظر راجح\بارجع معكم الرياض..ابيه يطلقني..
راجح\هههههههه تستاهلين..لاتهملين صلاتك..
رشا نعسانة\باروح اصلي قبل انام..

[MS HMS]

شوق بابتسامة\رشا لاتنامين وانتي تصلين..
رشا بزعل\طالب شف شوق..
طالب\ماعليك منها غيرانة منك..فديت عصقولة..
ناظرتهم بقهر..
شوق\اقول اطلعي غرفتك لاتنامين في الصالة..
وقف راجح وأخذ رشا معه وهمس لها..
راجح بهمس\لو قلتي ياراجح شفها كان هفيتها كف يطيرها..
رشا\ليش قلت لهم اني نمت وانا اصلي..
راجح\ماقلت لهم..شوق دخلت غرفتك وشافتك قبلي..
كنتي نايمة وانتي ساجدة...
رشا بتعب\بانام..

رجع لواقعه على صوت جواله..
أخذ الجوال من جيبه وناظر الرقم معقد حواجبه..
الرقم خارجي ..

راجح \ألو...
هديل\.......................
راجح\هلا ...من معي...؟؟
هديل\................................
راجح بسأم\مايصير متصلين من برا عشان بس تسمعون صوتي...
هديل\.....................................ألو..
راجح\هلا...
هديل\...........................
راجح باهتمام\أختي انتي معي تسمعيني؟؟
هديل بخوف\إحلف بالله العظيم ماتخوني ولا تغدر فيني...

حس ان قلبه يخفق بقوووة وهو يسمع الصوت..
ماهو الحلوفة اللي صدمته بقد ما صدمه الصوت..
ورد عليها بتأكيد ..
راجح\...........والله العظيم ما أخونك ولا أغدر فيك...
من أنتــــــــــــــــــــــي ..؟؟
هديل بغصة\أنا.........أنا هديل...
وقف من على الكنبة بسرعة وهو يشهق بصدمة...
إنقطع بينهم الكلام مجرد أنفاس مصدومة وغير مصدقة من راجح..
وأنفاس هديل المكتومة بشدة..
راجح برجاء\انتي هديل..؟؟
هديل بآسى\إيه..انا هديل..
رمى جواله على الكنبة وسجد على الأرض شكر لله عز وجل..
الحمدلله رب العالمين..
الحمد والشكر لك يارب..
سبحانك رب الناس ما الطفك واوسع رحمتك..
راجح بسعادة\ياهديل أنتي حية..؟؟
هديل تبتسم\أتنفس إيه أعتقد إني حية..
راجح بحنية\روحي الله يطول بعمرك ويردك بالسلامة..
هديل برجاء\راجح تراك حلفت ماتغدر فيني...
راجح\غازي مايدري ..؟؟
هديل\ما أحد يدري غيرك..لا تخوني...حلفتك بالله..
راجح بحمية\في وجهي يا هديل..لا يدري عنك ولا يوصلك..
هديل براحة\محتاجتك تساعدني..
راجح بحدة\ابشري بعزك...
هديل\تعال ايطاليا...

[MS HMS]

قفل الجوال وظل دقايق يناظر فيه ماهو مصدق..
هديل حية معقولة..
طلع من بيت ام غازي بسرعة..
راح لبيته وأخذ أوراقه الثبوتيه وجواز سفر..
اتصل بصديق له وطلبه بفزعة يخلص الفيزا باسرع وقت..
انهى موضوع الحجز وجلس على كرسي وهو يذكر الله ويحس ان اللي يسويه غلط..
وان هديل ميته ماهي حية..صلى على النبي عليه الصلاة والسلام..
وفتح جواله واتصل باخر رقم مستلم عنده..
بعد ثواني ردت عليه صاحبت نفس الصوت الناعم..
هديل\هلا راجح..
راجح\.............انتي صدق حية ولا أنا أتوهم..؟؟
هديل بغصة\والله العظيم حية..أقسم بالله ما أكذب عليك..
راجح أنا هديل..
راجح مصدوم\أدري إنك هديل اعرف صوتك..وأول ماسمعته عرفتك..
بس أنتي حية..؟!!!!
هديل تبكي\دفنتوني ياراجح..ودفنوني هلي..
طلعني من تحت التراب..أختنقت بكفن كذاب..
أنعميت بزمن أبكم..رجع لي هويتي بس...بس هذا اللي أبيه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نزل اللي بيده على سريره..
ورجع يسكر باب غرفته بهدوء..
جلس متربع..
وشالها بين يدينه ..حضنها بخفة وباسها على خدها..
عبدالله بهمس\هشش لا تسمعك أمي وتجي تتوطاني..
ابيك في كلمة راس ولا أبيها تسمعنا..
أسمعي وانا أخوك وإفهمي كلامي..
صح عمرك شهرين بس ماشاء الله شكلك فطينة وتفهمين بسرعة..
انا الكبير وكلمتي هي اللي تمشي في البيت..
يعني اذا تبين تروحين لصديقتك باحش أرجولك قبل تطلبين تروحين..
واذا سولت لك نفسك تطلعين السوق من دوني نتفت هالشعرتين اللي في راسك..
وان دريت يا بنت أبوك إنك تشوفين أفلام هندية لأفقع عيونك هذي اللي مسكرتهم طول الوقت..
ودراسة برا الرياض مافيه..وتخصص طب مافيه..
حدك تشتغلين مدرسة وبس..

فز مرعوب لما فتح أبوه الباب بسرعة..
علي يتنهد\تعالي يا المرجوجة..هذي بنتك مع ولدك..
عبيد كيف تاخذ اختك من فراشها ولا تقول لأمك..؟؟
عبدالله\لا حول ولا قوة الا بالله..يوبه الحين ليه تعلمها..
بتجي وتصكني بكل ماقدامها..
صايرة عصبية زوجتك هالأيام وش بلاها..؟؟
عبدالله يضربه على راسه\لا تقول وش بلاها قل وش فيها وجع امك..
عبدالله يعض لسانه\يالهووي ما انتبهت..
علي\ههههههههه الله يصلحك..
عبدالله يفتن\يوبه وش تقصد بالحركة هذي إنت وأمي..؟؟
علي بتعجب\أي حركة؟؟
عبدالله بنص عين\يعننك مو فاهم هاهـ؟؟
أقصد ماجات البنت الجديدة الا في البيت الجديد..
يعني تبون تسببون الفتنة بين الاخ وأخته..؟؟
علي بصدمة\نسبب فتنة..؟؟!
عبدالله\انا فاهم حركاتكم يالمراهقين..
تحسبون اني باغار من نتفتكم واترك البيت ..
بس ماباترك البيت الا وهدوولة معي..وصلك العلم..
علي بقهر\إخرس يا بني ضربتك أمك..
هات قلب أبوها لبى الزين يا عسولة..
عبدالله\لا دوري..لما خلص دوري خذ دورك..
كل ماشفتها معي أخذتها..
علي خذاها منه\هات بنتي لا أشوتك..
بنتي مااحد له شغل فيها..قال دوري قال دورك..
مناك أقول ...
عبدالله\ترى كنت اعطيها دروس في القبيلة والأمور الطيبة..
علي مفجوع\عبيييد هذي بنت..نواعم..دلووعة..بنية..رقيقة..
تكفى يا أبوك لا تقلب تفكيرها وتصير نسختك..
بسم الله على بنتي من خشتك..
عبدالله بسخرية\الحين هذي اللي وجها كبر أصغر صبع في يدي..
كل هذا التغزل فيها..سقا الله يوم ما الدلع الا لحنان ..
علي يضحك\هههههههههههههه لا حنان نبع الدلع..
هذي هديل أبوها نتفة الدلع..

[MS HMS]

تكفى يا أبوك لا تقلب تفكيرها وتصير نسختك..
بسم الله على بنتي من خشتك..
عبدالله بسخرية\الحين هذي اللي وجها كبر أصغر صبع في يدي..
كل هذا التغزل فيها..سقا الله يوم ما الدلع الا لحنان ..
علي يضحك\هههههههههههههه لا حنان نبع الدلع..
هذي هديل أبوها نتفة الدلع..

دخلت حنان الغرفة وهي عاقدة حواجبها..
وتوها بتبدا تهاوش عبدالله سبقها بالكلام..
عبدالله\هلا وغلا ياحي الله أمي الحنونة..
الساعة المباركة يوم نورتي الغرفة..
يازين الزول اللي دخل..أقلطي فديت كرشك أقلطي..
علي يعض شفايفه وبوعيد\ياويلك ويلااااااه كله ولا كرشها بتحوسك الحين..
حنان بعصبية\كم مرة قلت لك ماتشيل هديل من فراشها..؟؟
عبدالله\الصدق ماعديت كم مرة بس أنا متأكدة إنها أكثر من خمس مرات..
حنان\انت تبي تذبحني..
توني منيمتها تجي تشيلها وش تبي منها..؟؟
عبدالله يتبوسم\اختي وأبيها بسالفة حرام يعني..
ماتذكرين سوالفك مع خالي وطاخ طيخ..
علي\والله ياعبيد ان ضربت اختك وسويت لها طاخ طيخ يصير علم ماهو بزين..
عبدالله بتكبر\انا أضرب حرمة..أخسي..
علي\كفووو..الحرمة ما أحد يضربها..
وان ضربها الرجال فهو رخمة ومايسمى رجال..
حنان خذت بنتها من علي..
حنان\فك بنتي أفلامكم الوثائقية كملوها بعيد عنها..
علي بنفخة\فكي بنتي لا أشوتك..
عبدالله يعتزي\وانا ابن ابوي تبي تشوت امي..؟؟
وين اللي يقول لاتضرب الحريم..؟؟
علي\اعوذبالله..ولد مرجوج من يوم ولدتك أم كرش..
حنان تشهق\هين يا علي..أجل أنا أم كرش طيب دواك عندي..
شالت بنتها وطلعت من الغرفة...
علي بدراما\يالهوووي..حرمتي طنقرت..
عبدالله يضحك\هههههههههههه مراهقين..

سحبه علي من فنيلته وسدحه على الأرض..
وتصارع معه...

هديل أنضمت لعائلة علي بن حسين..
عمرها شهرين..
وبولادتها وتسميتها باسم هديل..
رجعت البسمة لقلب أبوعلي..
وتعلق فيها وكل يوم يضمها له ويظل يراقبها...
ويزرع بقايا المفقودة الغالية بملامحها الصغيرة...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛


قفل جواله غاضب وبشدة..
اتصل بماكس وطلب منه يقابله عند صوفي..
صار لازم يحل الموضوع معها ويعرف من اللي يملك الأسهم..
اتصل بسلمان وتفاجاء لما قاله ان ياسمين باعت الأسهم قبل ما تترك إيطاليا..
صوفي تحضر الإجتماعات بالنيابة عن صاحبت الأسهم المجهولة..
وغازي سمح لها بهالشيء المهم ماتكون الأسهم ملك لها..
ولا يتأثر شغلهم بغياب صاحبت الأسهم..

طلع من شقته وتوجه لبيت صوفي..
انتظر بسيارته لحتى وصل ماكس ودخل معه..
أنصدمت صوفي وهي تشوفهم واقفين على بابها..
وتضايقت لما أدركت إنهم لاحظوا صدمتها..
أشرت لهم يدخلون بصمت..
توجهوا لــ الصالة وصوفي أنسحبت بسرعة..
أخذت جوالها وأتصلت بهديل بسرعة وخوف..
صوفي بتحذير\لا تأتي إلى هنا..لدي ضيوف غير مرغوب بهم..
سأتصل بك لاحقاً..
قفلت الخط وشخقت لما شافت ماكس واقف عندها..
صوفي بغضب\كيف تسمح لنفسك ان تتصنت على مكالماتي..؟؟
ماكس بهدوء\يبدوا أنها مكالمة مهمة..

[MS HMS]

صوفي بعصبية\ليس من شأنك..
ماكس\هل اصبح لديك صديق صوفي..؟؟
صوفي بخبث\هذا أيضاً لا يعنيك..ألم نفترق..
ماكس بغضب\إفترقنا ولكن لم ننفصل نهائياً..
صوفي\سنفترق قريباً..والآن أعذرني لدي ضيف يجب أن أطرده من منزلي..
دخلت عند غازي ووقفت بتحدي..
صوفي\نعم أيها السيد..هل فاتني أمرا ما في الإجتماع..؟؟
غازي بهدوء\إجلسي صوفي يجب أن نتكلم..
جلست وعيونها تتحاشا النظر بجهة ماكس..
صوفي\أسمعك..تفضل..
غازي\من مالك الأسهم..؟؟

أدركت من سؤاله إنه عرف ان الأسهم ماعادت ملك لياسمين..
فقررت تلعب لعبته وتسايرهـ..
صوفي\الأسهم ملك لشخص ما...
غازي\حقاً..ظننتها لشيء ما...
أريد اسم مالك الأسهم صوفي..
صوفي بأسف\أسفة لا استطيع الإفصاح عن اسمه..
هذه رغبته..وأعتقد باني غير مجبرة على إخبارك..
غازي بغضب\بل أنتي مجبرة على إخباري من يكون..
صوفي ببرود\ايها السيد سألتني وجاوبتك..
إن لم يكن لك طلباً أخر..أتمنى ان تغادر منزلي..
فأنا مشغولة جداً..
ماكس\صوفي يحق لصاحب الشركة أن يعلم من يكون مالك الاسهم..
ولربما يتم معاقبتك لتلاعبك بالنظام..
صوفي\وماشأني أنا...
هناك مثل عزيزي يقول(Do not kill the Messenger)
لا تقتل المرسل..انا مجرد حلقة وصل بين مالك الأسهم والشركة..
وليس لديكما الحق باستجوابي..
غازي\بما أنك المرسل بيينا...
أخبريه إن لم يحضر الإجتماع القادم..
سيصوت مجلس الإدارة لطردهـ وسأفعل المستحيل لتحقيق ذلك..
صوفي باستعباط\أوهــ يبدو انك لم تعلم بعد..
يؤسفني أن أخبرك بأن الأمور لا تتم بهذه الطريقة..
بما أن صديقي أصبح الآن يمتلك حصة كبيرة من الأسهم وليس فقط ما تعتقده يمتلكها..
ماكس بحذر\ماذا تعنين..؟؟
صوفي مبسوطة بقهرهم\أيها السيد غازي...
أنت المالك لأكبر مجموعة من الأسهم هذا صحيح..
وصديقي يعتبر ثاني مالك لأغلبية الأسهم...
إذاً لن تستطيع تنحيته عن الشركة او طردهـ..
غازي بسخرية\ثاني شخص يمتلك الأسهم مهاجر لإيطاليا منذ زمن..
صوفي بذكاء\هل تقصد هادي...؟؟
لقد كان كريماً جداً عندما حول أسهمه باسم صديقي اليوم..
كنت أنوي إخبارك في الإجتماع القادم..
ولكن بما اننا إلتقينا لا بأس بإخبارك الآن..
غازي\ماذا تعنين..؟؟
صوفي بهدوء\أسهم هادي أصبحت ملكاً لصديقي..
اليوم تم التوقيع على العقود..ناسف لعدم إخبارك من قبل..

وقف وبنظرات حادة ثبتها على صوفي بوعيد..
أجراء إتصال سريع ثم قفل جوالها وهو يبتسم بتحدي..
غازي بحدة\سنرى ماذا سيفعل صديقك هذا عندما يتلقى الخبر الجميل..
صوفي بحذر\ماذا تعني..؟؟
غازي\أيتها السيدة صوفي..
سيُعقد يوم الاحد القادم إجتماع طارىء لمجلس الإدارة..
وستاتين أنتي وصديقك المجهول..
صوفي بتهرب\الأحد إجازة أيها المستبد لن يكون هناك إجتماع..
غازي ببرود\الأحد موعدنا..أتمنى ان تتصلي بمحام انتي وصديقك..
صوفي بقهر\وجـــع...
عضت لسانها لما لاحظت نظرات غازي الساخرة منها بقوة..
غازي بسخرية\يبدو ان صديقنا المجهول يختلف معك كثيراً..
فتتلقين منه هذه الكلمة ....
صوفي تضيع الموضوع\لسنا ملزمين بالحضور بأيام الإجازة..
غازي بتجاهل\وداعاً صوفي...

خرج من بيتها معميه الغضب على هادي..
اللي عرفه من احد رجاله المتتبعين لاخبار هادي..
إنه ترك إيطاليا وتوجه لــ السعودية ..
بأي حق يتصرف باسهمها بهالشكل..
كيف يتخلى عن حقها ويرميه لشخص غير معروف..
وكل هذا عشان يقهرهـ ويعاندهـ..
هذا الشريك صار مثل السيف بظهرهـ..
كل ماقرر شيء..
تعانده صوفي بامر من المجهول..

[MS HMS]

تعاكس كل أمر وقرار يتخذهـ..
صار يحس إن هذا المجهول يتقصد إغاضته ومعاداته..
من زمان وهو متاكد إن فيه شخص متخبي وراء ياسمين..
ولو كانت هي مالكة الأسهم فيه شخص غيرها..
والحين تأكد إن الأسهم صارت ملك لهذا الشخص ومن مدة طويلة..
هو يتحاشا يلاقيني أو أعرفه..
وصوفي مستحيل تكشف من يكون..
بس أنا راح أعرف من يكون..
هذي الشركة لها بكل مافيها..
ومستحيل أخلي أحد يحولها لساحة حرب وإثبات وجود...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

وقفت بغطرسة وهي تناظرهـ بحقد..
صوفي\شكراً لزيارتك أيها السيد..
يمكن الرحيل الآن لقد إنتهى الإجتماع الطارىء..
ماكس يتأملها\هل لا حظتي شيئاً غريباً عليك صوفي..
أم أني انا فقط من لاحظ ذلك..؟؟
صوفي بغرور\انا بت غريبة جداً عليك أيها السيد ولم تعد تعرف شيئاً عني..
ماكس يبتسم\لقد لاحظت انك أصبحتي تحتشمين بملابسك كثيراً..
لا ترتدين القصير ولا الملابس الفاضحة..
ما اجملك وأنتي محتشمة..
صوفي بصد\كن متاكداً ماكس بان الفضل في هذا لا يعود إليك..
فانت لم تفعل أبداً ما يغير بي..
ماكس\من غيرك صوفي..تغيرتي كثيراً..
تخليتي عن عادتك السخيفة..بإقامة حفلة بعد نجاح عروضك..
تركتي حفلات الرقص والشراب..
الكنيسة لم تزوريها منذ أشهر عديدة..تصاميمك إختلفت كثيراً عن الماضي..
بين العرض والآخر أرى الاطفال يثيرون إهتماك بازيائهم..
أخبريني صوفي من غيرك...؟؟!
صوفي بجمود\يبدوا بانك كنت تراقبني سيد ماكس..
وأنت تعلم كم أكرهـ مراقبتي..
ماكس\أجيبيني..
صوفي بألم\سؤالك ليس له إجابة..
أرجوك غادر منزلي كما غادرت حياتي..

قرب منها بهدوء وثبت عيونه بعيونها..
ماكس بحنين\صوفي أحبك..
وأريد لك السلام اللذي أعيش به الآن..
إسمحي لي ان أدلك على طريقي..
صوفي بحسرة\ألم تتاخر كثيراً بإتخاذ هذا القرار..؟؟
شكراً ماكس لست بحاجة إليك..إتركني بسلام...

قبلها على جبينها وطلع من بيتها..
أستغربت حالهم..
مفترقين من وقت طويل..
بس ولا مرة فكروا بالطلاق..
رغم معرفته بصعوبة الحياة بينهم بنظرها غدر فيها ..
غير ديانته أسلم ولا كلف على نفسه وقال لها..
وهو يعرف إنها غير معارضة لــ الحرية الشخصية..
بإمكان أي شخص يختار ديانته..عمله..اسمه..
طريق حياته وشريكه بكل شيء..
بس تجاهله لها وصده عنها حيرها..
ولما عرفت السبب حقدت عليه..
لسبب معروف..
وسبب ثاني تخفيه حتى عن نفسها..

[MS HMS]

نفضت الأفكار عن راسها..
وذكرت نفسها بان هديل لازم تتخذ قرار..
إما تظهر نفسها له ويعرف من غريمه..
او تبيع الأسهم له وتترك ايطاليا..
وبكذا تعيش حياتها وهو مايدري عنها..
فكرت تزورها الحين وتقول لها عن اللي صار..
بس شكها في غازي وماكس منعها من هالشيء..
ما تستبعد عنهم يراقبونها ويتحرون عن صديقها المجهول..
ولذلك قررت تقطع زياراتها لهديل لحتى تضمن سلامتها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

رمت اللي بيدها على المغسلة وجلست تبكي بخوف..
ماتبي تشوف النتيجة..
قلبها مشتاق كثير تكون حامل وتعوض اللي مات ..
سمعت طالب يدق الباب ويناديها باستعجال..
طالب بمرح\بشري وش النتيجة أروح أشتري سيريلاك وغيارات ..
طيب أشتري ملابس ولا البزارين يولدون وشناط ملابسهم معهم..
ياحليلهم مايبون يثقلون على هلهم كل واحد يطلع من بطن أمه مكون نفسه..
غصب عنها أبتسمت بين دموعها وهي تتخيل أطفال يولدون بملابسهم..
طالب يتسأل\إلا أقولك انتي يوم ولدتي كنتي لابسة نقابك ياللي ماتستحين ولا كاشفة خشتك..؟؟
انا نسيت سيارتي في بطن أمي..
يالله عصقووول وش صار معك إطلعي..

أخذت الجهاز من دون ماتشوف النتيجة وخرجت وهي ترتجف..
مدته لطالب بصمت..
أخذه من يدها وجلسها على السرير وجلس جنبها..
مضت لحظات وهو يتأملها بهدوء..
شاف النتيجة وناظرها مرة ثانية..
طالب بحنية\عصقووول ياقلبي ولو كانت النتيجة سلبية..
الحياة قدامنا والله بيرزقنا الذرية الصالحة..
بكت شوق بصوت مخنوق وهي تعض على شفايفها..
شوق بألم\بس ياطالب مر وقت طويل من بعد ماسقطت..
وانا أتمنى يكون لي طفل بهالفترة..
شيء داخلي يبي هالشيء وبقووة..
طالب بعبط\يعني مصممة..؟؟
شوق بزعل\اوف منك كل شيء إستهبال عندك..
طالب\شوفي يا عصقول..
من ألحين أقولك لو تجيبين عصقولة صغيرونه كفختها بعقالي ورجعتها بطنك..
أبي عصقوول صغيروون..أنا كيفي عقلية متخلفة..أبي ولد إذا جبتي بنت طلقتك..
شوق\هـــاهــ ..؟؟!
طالب\يووه انا ماقلت لك تراك حامل يا مرهـ...
شوق\............................
طالب يضمها وهو يضحك\يا زينك وأنتي مفتحة عيونك يقال مصدوومة..
مبروووك يالغالية يتربى بعزك وعز طلووبك..
شوق تبكي\أكرهك يا جدار..
طالب\هههههههههههه فديت اللي تكرهـ ..
ولا يهمك توحمي على كيفك..
شوق تبعده عنها\وخر ما أحبك تلعب علي كذا ليش..؟؟
طالب بمحبة\نسيت أقولك..لاني كنت افكر في المصاريف..
ألحين السكني اللي في بطنك كم يكلفنا في الشهر..؟؟
شوق\هههههههههه من الحين بيكلفك..قم ودني المستشفى ابي أتاكد من حملي...
طالب\شوييق علم يوصلك..عمك راجح تقاطعينه طول أشهر الحمل..
ولا تكلمينه ولا تعرفينه فاهمة..؟؟
شوق بتأييد\إيه خله يولي أخاف يفجعني واسقط مرة ثانية..
طالب يتنهد\الله يشفي رشا ويرزقها اللي تقر به عينها..
شوق تأمن\اللهم آآآمين..مرضها يقهر كثير..
طالب\بتتعالج وبأذن الله بتصير بخير..
أنا طالع ألحين طالبيني وإنتي ريحي نفسك ونامي اذا تحبين..

سلم عليها وطلع من البيت حاول يجذب تفكيره من رشا لحمل شوق..
بس ماقدر..يعرف رشا اكثر من حالها..
مهما كابرت وأظهرت إن الحال عادي ..
هي تحترق وتموت من داخلها..
قالت له إن النوم مريحها وينسيها أشياء كثير مضايقتها..
أبتسم لها وأوهمها إنه مصدقها..
وهو يدري إن مرضها مبعدها عنه وعن شوق والأكيد مبعدها عن راجح..
واثق براجح وواثق بعدله ومحبته لرشا..
ويمكن إذا ما تشافت يقرر يكمل حياته مع غيرها..
المرض له علاج...
بس هي بنفسها ماسمحت لحالها تتعالج..
وأكيد راجح ملاحظ هالشيء مثله..
دعاء لها بقلب صادق تتشافى وترتاح من مرضها.

[MS HMS]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خرجت من غرفتها بسرعة وهي تناديه..
هديل بحب\ورعي..ياورعي وين رحت..؟؟
ذيبوو يا قلب أمك ترى بأربطك ماتحبي وتبعد عني..

مد يدينه وأستند على الكنبة وهو يطلع صرخات مبسوطة..
مشى بخفة ويدينه مستندة على الكنبة..
جلست على ركبها ومدت يدينها له..
هديل بابتسامة\يا الله تعال يالذيب..
بس سوية سوية يا مامي..

ضحكت على صوت ضحكته الغالية عليها..
صار يشاهق شهقات متلاحقة بسرعة..
بعد عن الكنبة ومشى بشكل سريع..
فقد توازنه وقبل لا يطيح مسكته وضمته بقووووة..
هديل تبووسه\ياروح وقلب هدولة..
وصرنا كبار نركض ونلعب ونهرب من فراشنا..
كم مرة قلت لا تنزل من سريرك..شكلك كبرت يا قلبي ولازم أراقبك على طول..
يالله نام لحتى تجي صوفي المرجوجة..

شغلت لابها على الحرم المكي وضمت ذياب بحضنها تنيمه..

مشّتآق لـ الحرم ، مع آللي يصلون !
. . . أصلي [ صبحُ ، وعشِيّـہ)
خآطريْ بـ زَمزمّ وآلنّـآس يطُوفونْ

منَ بعدّ ”آلتعَب “آرتـويِ شويّہ

وصَلآة آلفجَرّ » وخلقْ آللّہ [ يصفّونْ]
وگلن يوسّع لخويّـہ بـ قلوُب تقيّـہ

آللّہ اگبرّ ، بصُوت [ آلسّدِيسْ } يخشعُون
وإلا بـ/ آلمعَيقليِ ، ترقّ لَہ آلقلوبّ آلنديّـہ . .
عّسآني لـ دَرب مگہ..إتجآهـيْ يگـوُن
وآن مآ حصَل ، ، عسّـآهـآ بـ آلنيّـہ “آمِّـَيَنْ ...

رف قلبها بشوووق للحرم والعمرة والصلاة بروح مطمئنة مرتاحة..
يالله ياربي سنييين لازرت الحرم ولا أعتمرت..
يارب عدلها وإكتب لي العمرة..

شالت ذياب ونيمته بفراشه..
وتجاهلت رجفت يدينها الخايفة..
أتصلت بصوفي تستعجلها..
مابقى على موعدها مع راجح الا ساعة ونص..
أنصدمت من رد صوفي..
ماتقدر تجيها لأن غازي حاط لها مراقبين عشان يكتشف من يكون صاحب الأسهم المجهول..
صرخت بصوفي بخوف ..
هديل بخوف\هل يشك بوجودي..هل تعتقدين بان عمه أخبره عني..؟؟
صوفي بسرعة\لا إطمئني لا يعلم..
أخبرته بان الأسهم أصبحت ملكاً لنا..
هديل بحنين\أسهم أخي..؟؟
صوفي\نعم أسهم توئمك الوسيم..لازلت أشعر برغبة بالبكاء كلما تذكرت شوقه لرؤيتك..
هديل بغصة\أجل وش أقول أنا..
حسناً صوفي سأخذ ذياب معي..أرجوك كوني حذرة إن كان سيعلم بوجودي..
فليعلم بعد مغادرتي ايطاليا..

[eyes beirut]

تسلم ايدك ع الطرح

[شموخ وايليه]

,/
سلمت اناملك ويعطيك الله العافيه على مجهودك
والمزيد من عطائك ومواضيعك الرائعه والجميله
ودائما في إبداع مستمرفي أنتظار المزيد
ربي يحفظك

[ضوء القمر]

*,


سلمت الآكف ومَاجلبت
إبداع دآئم وتميز مُستمر
لا عدمنَاك /
:137:

[شموع الحب]

طرحك جميل ومجهودك رآئع
ألف شكر لك على إختيارك الموفق
الله يعطيك العافية
أجمل التحايا

[أميرة الورد]

طررح يفوق آلجمآل ,
كعآدتك إبدآع في صفحآتك يعطيك آلعآفيـه
بِ إنتظآر المزيد من هذآ الفيض

[الم ونظرة امل]

؛
تسلم الأيادي الذهبيه
على الطرح الرآئع ’
تحية عطرة لِ روحك النقية
شكراً لك من القلب على هذآ العطاء
لك أشهى الود و أجزلْ الشكرْ



http://m.3bir.com/files/103777.gif