جنون الحرف
08-30-2022, 09:54 AM
خلوني أسج دام السجه أشلالي
من جلسة البيت ولا مجلس النمة
أرتاح ويطيب جوي بالخلا الخالي
في خايعٍ يبعد المهموم من همه
ربيع نفس الابن ادم راحة البالي
لا صار مرتاح يرقد لو على كمه
وأنا مقفل عن الإزعاج جوالي
ما ودي أكدر الخاطر ولا أغمه
حتى وليف الحشا يشره على وصالي
لعدة أيام ماني بألتفت يمه
ما غير رايح لحالي وراجع لحالي
ماني مع الناس مفترقة وملتمة
وش لي بهرج القفا والقيل والقالِ
ومعاشرات من يسب الكفو ويذمه
يا وجهي لا تهمك إلا شرهة الغالي
بعض المشاريه لا مذهب ولا ذمة
اللي ما يصفى لابن عمه ما يصفى لي
لا خير باللي ما يصفى مع بني عمه
من كثر ما شفت صرت أشك بضلالي
وأنا أخو الطيّب اللي لم تلده أمه
مشاكل الوقت ما خلّتني بحالي
لولا فنون التعامل جيت بمطمه
والله إن تجنب بعض الناس يحلالي
لو أنها تورد الضامي على الجمة
من جلسة البيت ولا مجلس النمة
أرتاح ويطيب جوي بالخلا الخالي
في خايعٍ يبعد المهموم من همه
ربيع نفس الابن ادم راحة البالي
لا صار مرتاح يرقد لو على كمه
وأنا مقفل عن الإزعاج جوالي
ما ودي أكدر الخاطر ولا أغمه
حتى وليف الحشا يشره على وصالي
لعدة أيام ماني بألتفت يمه
ما غير رايح لحالي وراجع لحالي
ماني مع الناس مفترقة وملتمة
وش لي بهرج القفا والقيل والقالِ
ومعاشرات من يسب الكفو ويذمه
يا وجهي لا تهمك إلا شرهة الغالي
بعض المشاريه لا مذهب ولا ذمة
اللي ما يصفى لابن عمه ما يصفى لي
لا خير باللي ما يصفى مع بني عمه
من كثر ما شفت صرت أشك بضلالي
وأنا أخو الطيّب اللي لم تلده أمه
مشاكل الوقت ما خلّتني بحالي
لولا فنون التعامل جيت بمطمه
والله إن تجنب بعض الناس يحلالي
لو أنها تورد الضامي على الجمة