سجل حضورك ببيت شعر..! [الأرشيف] - الصفحة 3

عطري وجودك

01-12-2022, 09:26 PM

عطني اثبآت اني على البال مازلت
وآعطيك مـن روح . . الـوفآ ما تهيّا

لو مآلت ظنونك فـ انا عنك مامِلت
عندي على صـدق المشااعـر حميّا

هيبة مشاعر

01-13-2022, 08:32 PM

إختصرني بين فكين السكات..
واعتبرني سر م يحكى ابد ..

هيبة مشاعر

01-16-2022, 09:22 PM

‏
‏لو نخيتني تبيّ ، ضلوع صدري لك جباير
‏"قلت تفداك الضلوع وَ واحدٍ ينبض وراها"
‏ً

غرور الماجد

01-17-2022, 07:31 AM

خلك مثل رش المطر يشرح البال
لاهلت مزونه تسر الخواطر .

هيبة مشاعر

01-17-2022, 09:09 AM

أنقَشْ على كفوف الصباح .. التفاؤل
وارسم على وجه الليالي.. " ابتسامات

هيبة مشاعر

01-17-2022, 10:34 PM

ياذا المساء روق وجيب الطواريق
خل النفوس ب روعة الجو تسلى

غرور الماجد

01-18-2022, 08:41 AM

لو الغلا ينشاف في عين مخلوق
كان العرب شافوك في وسط عيني .

القيصر

01-18-2022, 09:05 AM

لو تمر سنين وغابك غياب
مانسيتك دام عمري به نفس

هيبة مشاعر

01-18-2022, 11:32 AM

على النبى صلو صلاةٍ كثيره
محمد رسول الله خير البريه

خالد الركابى ،،،

القيصر

01-18-2022, 11:39 AM

نحمد الله عزنا دين الاسلام
من تمسك به مايضيع دروبه

القيصر

القيصر

01-18-2022, 11:42 AM

كل يوم يزيد بعيوني غلاك
حتى لو قربك عن العيوني صعب

القيصر

غرور الماجد

01-19-2022, 08:47 AM

لاتحطم لو تحطم لك أمل
اعرف ان الله يحبك وابتسم

لاتقول الحظ عمره ماكمل
قل : أنا حاولت والله ماقسم

هيبة مشاعر

01-19-2022, 11:35 AM

آشب نار الفكر وأزيدهـا نـار
وآحمس عليها هاجسي وإنشغالي

وأدق حالي كنهـا بـن وبهـار
صفيتها واركزتها فـي خيالـي

واليّا استوت دلة نصيبي والأقدار
آبا اتقهوى قسمتي مـن دلالـي

خلود المشاعر

01-20-2022, 03:30 AM

أدري ‎المسافه تمنع العين شوفك
لاهو بكيفك ولاهو بكيفي
وإن ضاق وقتي وإنت عيت ظروفك
يكفي رسايلنا بالأشواق توفي

غرور الماجد

01-20-2022, 09:52 AM

مهما جفا قلبك و غيّرك الزمان
الذكريات اللي جمعتنا .. كافيه

هيبة مشاعر

01-20-2022, 01:52 PM

غيرك أبد ما حلّ في ديرة "القلب
ولا دَرَج " وسط المعاليق : غالي
والبعد حكمه ساقها حولنا "الرب
عسى العوض في مقبلات الليالي

غرور الماجد

01-21-2022, 08:21 AM

وجهك اللّيل الضحوك .. وبسمتك قمرا .

هيبة مشاعر

01-21-2022, 09:32 AM

‏العام .. اعرف غلاتي من " ملامحها"
‏واليوم اغلب سوالفها " وش اخبارك"؟

غرور الماجد

01-22-2022, 08:39 AM

لو خسرتك ماخسرت العُمر والدنيا متاع
وادري اني لا خسرتك ماخسرت الا القليل !

هيبة مشاعر

01-22-2022, 11:35 AM

يا فاصلاً بين #الحياة و مُرها..
يا عازفاً حُبه اقصى يساري

هيبة مشاعر

01-23-2022, 09:45 AM

هاك الحنايا...... باب الاحسـاس مفتوح
بوح النوافـذ في.......... غيابـك لعنـهـا

غرور الماجد

01-23-2022, 10:54 AM

الحظيظ اللي بعمره جمع دنيا ودين
ما ترك حق الرفاقه ، ولا فوت صلاة .

هيبة مشاعر

01-23-2022, 01:14 PM

ياهي مكانه لك بقلبي ومقدار
يا راحلا لك داخل الصدر مرسا…

هيبة مشاعر

01-23-2022, 11:10 PM

ليت حبك باختياري واستخير
واترك الاحلام في مشوارها

جيتي صدفه .. وحبيتك كثير
والصدف مافي احد يختارها

غرور الماجد

01-24-2022, 09:05 AM

رفعت راسي للسما وعرضت وجهي للرذاذ
ربي كما أسقيت سطح الأرض بل أرواحنا !

هيبة مشاعر

01-24-2022, 11:34 AM

وقد تأويك مساحة قلبٍ
اكثر مما تأويك الامكنة ..!

عين الثريا

01-25-2022, 01:17 AM

من فقد له غاليٍ .. يسوى عيونه

صارت الدنيا بعيونه .. دون معنى

غرور الماجد

01-25-2022, 09:16 AM

هذاك اللي خلق ربي حياته كلها من طيبَ
تضيق بعيِني الدنيا و أشوف الخير لا جيته .

هيبة مشاعر

01-25-2022, 01:54 PM

ﻋﻠﻰ ﻛﺜﺮ ﻣﺎ ﻳﺴﺒﻖ ﺍﻟﻤﻮﻋﺪ ﺍﻟﺸﻮﻕ
ﻳﺎ ﺑﻌﺪﻧﺎ ﻋﻦ ﺑﻌﻀﻨﺎ ﻻ‌ إﻟﺘﻘﻴﻨﺎ....•

خلود المشاعر

01-26-2022, 12:11 AM

وش حدني للشعر يا كود شوقي
ووش حدني للشوق لولا محبتــْـك

ووش حدني للحب لــولاك ذوقي
وما حد ذوقي غير علمي بطيبتك

حبك تغلغل واستبد فـعروقي
سريت فيها لين فـ القلب صبَّـتك

غرور الماجد

01-26-2022, 08:50 AM

المسافه شـوق والخطوه جفـا
والجفا ياسيد احساسيُ خذاك

يشهد ألله حاشمك قرب وقفـا
ويشهد ألله ماعبـث حـد بـ غلاك

غرور الماجد

01-26-2022, 08:50 AM

المسافه شـوق والخطوه جفـا
والجفا ياسيد احساسيُ خذاك

يشهد ألله حاشمك قرب وقفـا
ويشهد ألله ماعبـث حـد بـ غلاك

هيبة مشاعر

01-27-2022, 09:01 AM

http://www.tra-sh.com/up/uploads/1643263215571.jpg (http://www.tra-sh.com/up/)

مهما أبتعدنا عن بعضنا وغبنا .. !
. . . . . . . . . . نلقى لنا ب البعد حشمة ومقدار

و مهما الليالي والظروف اشغلتنا .. !
. . . . . . . . . . . . يبقى الغلا سايد على بعد الأنظار

غرور الماجد

01-27-2022, 09:24 AM

والعيون اللي تمّناك يا حلم العيون
تحتريك بفارغ الصبر كل أوقاتها ..

هيبة مشاعر

01-27-2022, 09:34 AM

لاحلم جابك ,، ولا بواقعي جيت !!
شفت البخت لا مال وشلون صاير ؟

غرور الماجد

01-28-2022, 06:32 AM

الجميل يشاهد الدنيا جميله
وان طغى حزنه على ضلوعه توضّا

يقتنع في حاجته لو هي قليله
ولو تجي له كلمةٍ حلوه .. تفضّا

هيبة مشاعر

01-28-2022, 06:51 AM

في عيوني انت اجمل م اشوف
وفي حياتي ما يجي مثلك احد ..

هيبة مشاعر

01-29-2022, 02:24 PM

سر ياقلم واكتب على بيض الاوراق
..... عبر عن اللي داخل الصدر مكنون

غرور الماجد

01-30-2022, 07:57 AM

ليتك تجي مع جيّة المطر و أقول
قرت عيون السما و قرت عيُوني

صاحبة السمو

01-30-2022, 08:12 AM

الغياب يهزّ أوتار الشعور
و الصّبح نوره بلا شوفك عَتَم !
يا حضور اللي تميّز بالحضور ..
لا تخلّيني أعايشك بـ [وَهَمْ] ..

هيبة مشاعر

01-30-2022, 08:24 AM

نكتب مشـاعرنا تحـت راية الذوق
والحرف من جوف الحنايا نزعناه

صاحبة السمو

01-30-2022, 08:37 AM

نفسيّ بدتْ ترفضْ تٍسولفْ معْ الغيرْ ,
أفرحْ بـ صمتيّ ’
لِجلْ | أهُوجسْ أنـا فيــــكْ

هيبة مشاعر

01-30-2022, 10:21 AM

ليتني ما أملك احساس و شعور
ما أضيق ، و ما أحن ، و ما أغار ‘

هيبة مشاعر

01-30-2022, 10:24 AM

العطر يبقى .. والحبايب يغيبون
شطر طرالي يوم رشيت عطره

عَريب

01-30-2022, 11:19 AM

من تجربه وأحداث عمر وحكايات
لقيت في آخر فصول الروايه

فـ الحب حاول لا تثق فـ البدايات
الصدق دايـم يتضـح فـ النهـايه

هيبة مشاعر

01-30-2022, 01:32 PM

الشعر يجمعنا على الود ساعات
نمطر من غيومه وينبت ثمامه

غرور الماجد

01-31-2022, 06:41 AM

اخذت من طيب عنوان وميدان
وتركت هل السمجره المفسدين

واخذت من العشق عفه وحنان
وتركت تشويه العشق المدلمين.

هيبة مشاعر

01-31-2022, 09:12 AM

سيّــــل حــــروف الـــولـــه والشـــوق واسكب لـــه
مـــن دلـتــك ,, ليــــن.. عينـــه ..ينتــثرمــاهــا

غرور الماجد

02-01-2022, 08:32 AM

تخالف الانظار شرق ويمــــه =
وكل هدف رآيه من الناس مرضيه

سم السبب يا عارف ٍ عنه سمه =
سم السبب يا عارفه قبل اسميه

هيبة مشاعر

02-01-2022, 10:23 AM

نمشي ولا نعلم خفايا المقادير
يا الله عسى ف غيب الايام
"خيره"

غرور الماجد

02-02-2022, 07:49 AM

يـا صـاحـبـي مـا للمـحـبـيّن قــانــون
والـحـبّ لـغز .. ولا عـرفـنا نحلّه

قلـبـك مـثل قلبي مكبّل ومـسـجـون
أحـرار مــيـر قـلـوبـنا مستحلّه.

غرور الماجد

02-02-2022, 07:49 AM

هيبة مشاعر

02-02-2022, 10:31 AM

لو تصير وجيه خلق الله وداع
وجهك لحاله يجي بصيغه هلا

هيبة مشاعر

02-03-2022, 10:34 AM

بديت اكتب ماطرالي من اشعار
من كثر ما فالقلب من شوق وهموم

هيبة مشاعر

02-03-2022, 10:43 AM

‏يا مختلف في كل حاجه .. عن الغير
الغيتهم ياذوق ... سـاعـة حضــورك

‏مدري صباح الخير والا مساء الخير
تلخـبط السـاعـات .. لحظة مرورك

غرور الماجد

02-04-2022, 07:13 AM

أنتِ الصباح اللي غشى الكون كله
و أشرق بحبك نور صبحي وزاده .

هيبة مشاعر

02-04-2022, 07:59 AM

اقسى جروح الوقت صوتك لاغاب
واعظم عذاب القلب لحظة سكوتك

غرور الماجد

02-05-2022, 08:40 AM

ما يلحق الواثق مشاريه وظنون
ولا به كبيرٍ يلتفت للصغيره "

هيبة مشاعر

02-05-2022, 09:58 AM

تمطر المزنه علي دون انقطاع
................................ سيلت وديان يملاها الزلال

هيبة مشاعر

02-07-2022, 09:56 AM

يسعد صباح اللي بهالوقت موجود
ويسعد صباح اللي مغيب وجوده

هيبة مشاعر

02-08-2022, 10:15 AM

مقدر اجنب عنك و لا اقدر اخليك
و ارتاح لامن صرت حولك و جنبك

ومن كثر م أحبك , وأعزك , وأغليك
احس مابه شخص غيري ........ يحبك

غرور الماجد

02-09-2022, 08:28 AM

ترى حلاة العمر مع من تحبه ..
شخصٍ تريده من جميع المخاليق.

لحن المسا

02-09-2022, 09:47 AM

يالي تجيب الخبر لاهنت له وده !
مرسول من خاطري كالسكر الحالي

هيبة مشاعر

02-09-2022, 10:38 AM

ياطير سلفني جناحك ولو يوم
تـدري حياة الأرض هـم وكأبة

يا طير والله نفسي أجرّب الحوم
وانثر هموم القلب فوق السحابة ..!

غرور الماجد

02-10-2022, 08:30 AM

اعمروها بالصلاه وبالصيام
والزكاه اتطهر المال المقيم

وخص وصل الرحم يرفع فالمقام
والقطاعه بيتها دايم هديم
خلف بن هذال….

هيبة مشاعر

02-10-2022, 11:25 AM

كم كفيف .. قلبه آلمبصر ؛ يشوف
و كم بصير .. قلبه آلميتْ ؛ عمــا

غربة الروح

02-10-2022, 11:35 PM

‏ياكويت الحب يا دار السلام
انتي اول حب علمنا نحب

غرور الماجد

02-11-2022, 09:09 AM

الرفيق اللي يسّر العين وينومس رفيقه
نشتريه ونشتري عرفه وحنا الرابحين .

هيبة مشاعر

02-12-2022, 06:29 AM

الشعر يجمعنا على الود ساعات
نمطر من غيومه وينبت ثمامه

غرور الماجد

02-12-2022, 09:15 AM

لا صار ساس البيت مبني على طيب
كثرة " عواصيف الزمن " ما تضره .

غرور الماجد

02-12-2022, 09:16 AM

لا صار ساس البيت مبني على طيب
كثرة " عواصيف الزمن " ما تضره .

غرور الماجد

02-12-2022, 09:23 AM

صاحبي طيّب على الحزّه لقيته
واقفٍ يمّي مثل وقفة ظلالي.

هيبة مشاعر

02-12-2022, 10:00 PM

طيفك كما مزن ترزم بروقه ..!
................. عطاه دائم .. والليالي مديات

هيبة مشاعر

02-13-2022, 10:04 AM

مرساك صدري لو تضيق المراسي
قلبي عطاك الحب من غير منّه

غرور الماجد

02-14-2022, 07:31 AM

لاتدور من ورى العالم شعور
اشعر بنفسك ونفسك تشعرك

وأي واحد قال لك هذا غرور
قول له بكره تجي .. واذكّرك

سعد علوش .

هيبة مشاعر

02-14-2022, 10:01 AM

الجو غيم وينتظر طلة الشوق ..
الا يابعد كل البشر في عيوني ..

خلود المشاعر

02-15-2022, 05:29 AM

لآشِفتني مشتآق ؟ قآبلني بشوق
......... وإفرش لي ضلوعك ورحب وهليّ
وإيآك تتغلــى ليـا جيت ياذوق
........ مافرق العشآق غيــر التغليّ

غرور الماجد

02-15-2022, 08:57 AM

وجهك عطاه الله طيب العالـم ،
جعله من الناجين وأهل الجنه !

هيبة مشاعر

02-15-2022, 08:11 PM

http://www.tra-sh.com/up/uploads/1644944944991.jpg (http://www.tra-sh.com/up/)

الشوق خيل وطاري الشوق خيال
خيل المحبة للمحبين تجري
شوق الغلا جامح وللخل ميال
لاهب نسناس المحبين عذري

غرور الماجد

02-16-2022, 09:17 AM

صبرنا على رجعته وهو مولي
ولا حصل من صبرنا غير الابعاد

من نوى البعد خله يولي
تعبنا من طرد المقفي ولا فاد

هيبة مشاعر

02-16-2022, 10:36 AM

‏على رفقة الطيب يسير الزمن قدام ،
اماري بطيبه وارفع الراس واردد !

غربة الروح

02-19-2022, 11:46 PM

اسألك بالله تبقى على ظني
انا نسيت العرب تكفى لاتنساني
اغراضك اللي معاي دايم تطمني
ان المواليف يجمعهم لقى ثاني
‎#ياسر_البقمي

هيبة مشاعر

02-20-2022, 08:31 AM

صح قلبك لو تقول .. ولو تعيد
انت همساتك وأنفاسك .. عطر

هيبة مشاعر

02-20-2022, 08:33 AM

نصف عمري من بعد غيبتْك ضاع
و نصفه الثاني خذيته في كفوفك
من يقول : الحاجة ام الاختراع ؟
كل يوم احتاجك .. و مقدر اشوفك

غرور الماجد

02-20-2022, 09:29 AM

من يدور رضا الله ثم رضا والدينه
يصغر الكون في عينه و يكبر مقامه

هيبة مشاعر

02-20-2022, 10:24 AM

بحر القوافي ما يشيل السفينه
ولالها في شاطي الترح مرسى

غربة الروح

02-20-2022, 11:32 PM

قابلـت انـا الـدكتور ثـم قـال وشفيك
قـلت العفـو لجـل المـرض جـيت يمك

قال انصرف واطلب من الله يشافيك
مابه مرض معروف شفتـه بــدمـك

ارجع على مـنــهو تحــبه يـداويـــك
يبرى المرض اذا عــلى الصدر ضمك...

هيبة مشاعر

02-21-2022, 01:57 PM

ناديت لك من بين الايام وين انت
محتاج أفضفض لك حديث المحاني

غرور الماجد

02-22-2022, 08:01 AM

جعلني ما أندم على شيٍ تركته
والله يجعلها مع الأيام خيره

َوجعلني لا تبت عن شي وخسّرته
يرزق الله خاطري بشي غيره

هيبة مشاعر

02-22-2022, 08:47 PM

كنك غمام الصيف والا سحابة
في يوم ماطر والبرَادِ يتَهامل

غرور الماجد

02-23-2022, 08:23 AM

من سمع صوتك وهو ضايق من الدنيا
ترجع له ( الضحكه ) اللي مبطيٍ عنها.

غرور الماجد

02-23-2022, 08:24 AM

من سمع صوتك وهو ضايق من الدنيا
ترجع له ( الضحكه ) اللي مبطيٍ عنها.

لحن المسا

02-23-2022, 08:28 AM

اختصاري .. و اختصارك ( كلمتين )
( أنتي انا ) و الباقي أنفاس و جسد
قلت : أحبك .. كثر ما عاش الحنين
وعشت أحبك .. كثر ما مات الوعد..."؟

هيبة مشاعر

02-23-2022, 05:54 PM

هويت روحك فالغرام وهويتك
‏ ما فيه روح فالمخاليق تسواك

غرور الماجد

02-24-2022, 08:53 AM

خل راسك دون صكات الليالي ضاري
ماتغيّره السنين ولاتحرك ملّي
.
وان برى حالك من الدنيا الدنيّه باري
كل كايد عند ربي ينعقد ويحليّ

هيبة مشاعر

02-24-2022, 03:43 PM

ليت الشعر مخلوق في هئية انسان
لجل اكتفي واقوووول هذا عشيري

غرور الماجد

02-25-2022, 09:01 AM

وقلبي فيه من عشق الاطفال
لاحب قال احب من غير تلميح

سلمتك امره وانتي ادرى بالاحوال
لاتتركينه في دروب المجاريح

فهد_المساعد

لحن المسا

02-26-2022, 07:20 AM

لا جيت ابكتب فيك شيء يساويك
احتارت في كل المعاني الفريده
ما شوف في عيني حروف تحليك
وماعاد باقي حرف لاجلك اعيده

صاحبة السمو

02-26-2022, 03:24 PM

جوّ الشتا رجّع لصدري حكايات
الـشـوق والـذكرى وروعـة حلاهـا

هيبة مشاعر

02-26-2022, 09:01 PM

مجنون ليلى ماتعذب على شان
تحكيبه العالم وترفع عمدها

غرور الماجد

02-27-2022, 08:17 AM

لاتامن الطيب ولاتامن الشين
خلك فطين وخل نفسك حريصه
.
حنا بزمن فيه اختلاف الموازين
ماعاد تعرف غاليه من رخيصه

غرور الماجد

02-27-2022, 08:17 AM

لاتامن الطيب ولاتامن الشين
خلك فطين وخل نفسك حريصه
.
حنا بزمن فيه اختلاف الموازين
ماعاد تعرف غاليه من رخيصه

هيبة مشاعر

02-27-2022, 09:36 AM

السطــور أوتــار / والـريشـه قلـم
.................وأنت حرفك يعزف لـ(قلبي) كـلام

لا كتبت (غيــاب) .. يقـراك بـألـم
.................وإن عزفت (حضور) ردد يا سلام

غرور الماجد

03-01-2022, 08:41 AM

حنا ندف الأيام الثقيله ونبتسم
حتى لو ان الخاطر ما عاده رحبّ

هيبة مشاعر

03-01-2022, 09:03 AM

‏حتى وأنا فاقد .. صباحات خيرك
حتى لو الاحساس لا قلتها .. غير

اسمع صباح الخير باصوات غيرك
واتخيل انك قلتها .. وأصبح بخير !

لحن المسا

03-01-2022, 10:29 AM

إن كـان " جرَّحـك " العتبـــ في كلامي ؟!
سلامـة إحساسكـ ..
إذا عنـدكـ ،،
[ إ ح س ـآ س ] ..!!

هيبة مشاعر

03-01-2022, 08:36 PM

‏فيني عتب اكبر من الكون كله
وفيني على صدة رفيقي مشاريه

غرور الماجد

03-02-2022, 07:51 AM

تجمل مع الناس وخلك حسين أخلاق
جميلك هو اللي لا من أقفيت يبقىَ لك

هيبة مشاعر

03-03-2022, 12:26 PM

لا تضايق خاطرك ، فـــ الهوى حنا سوى
كـل واحـد حـب واشـتاق .. واخـرها فقـد

وكـان قلبك حـن له .. لا تكابر ف الهوى
الهـوى غـلاب .. والشـوق ما يرحـم أحد

صافي الود

03-03-2022, 10:25 PM

أرفــض حـضـور يــرد الـنـفـس مـكـسـورة
يهــز هـيـبــة خــفــوق و يـقـهــر عــنــادي
أبــرســم الـحـلــم لــيـــن أكــمـــل الــصـــورة
و إليا صـدق لـي شعـورك جيـت متمـادي

هيبة مشاعر

03-05-2022, 06:42 AM

كنك غمام الصيف والا سحابة
في يوم ماطر والبرَادِ يتَهامل

عطري وجودك

03-05-2022, 12:52 PM

ليس البقاء بهين..ولا الفراق بسهل...
بقيت روحنا معلقة بين ماهو مووجع وما هو مميت..حائرة فلا هي قادرة على البقاء ولا تقوى على الرحيل...

هيبة مشاعر

03-05-2022, 08:35 PM

‏ياوقت لا تبحث خفايا المخاليـق
ماعـاد نبغى منـك غيـر السلامـه

غرور الماجد

03-06-2022, 08:38 AM

" والنفوس الّيا استعزت .. تعلمها الغناه
مكسب الإنسان فـ الوقت ستر وعافيه "

هيبة مشاعر

03-06-2022, 01:29 PM

والبعد حكمه ساقها حولنا "الرب
عسى العوض في مقبلات الليالي

غرور الماجد

03-07-2022, 08:26 AM

ماغيرك انسان سرق خاطري غصب
ولا غيري انسان تضمه جفونه.

هيبة مشاعر

03-07-2022, 10:44 AM

‏على رفقة الطيب يسير الزمن قدام ،
اماري بطيبه وارفع الراس واردد

لحن المسا

03-08-2022, 08:56 AM

احيان احس انك من الحس معدوم
واحيان اقول احساس قلبه فتني !
مدري غلا مدري عما مدري حلوم ,
بس الاكيد ان الهوى يمتحني !

هيبة مشاعر

03-08-2022, 12:39 PM

السطــور أوتــار / والـريشـه قلـم
.................وأنت حرفك يعزف لـ(قلبي) كـلام

راااااااشد

03-12-2022, 12:24 AM

من بغى فرقاك دور بك عيوب
ومن هوى قربك تحمل خطاك

غربة الروح

03-12-2022, 01:43 PM

‏ياسحابً على ، جبالي كسـا
انتظرك وانتظر دواك وطبك
بسألك الحين ، والدنيّا مسـا
أجمل مسا الخير ولا أحبُك ؟
‎#ياسر_البقمي

غرور الماجد

03-13-2022, 07:16 AM

يالله بحظٍ على الدنيا يساعدني
يدركني الغيم وأحلامي يحققها
.

غربة الروح

03-13-2022, 01:15 PM

يا هلا عقب البطى وشلون جابك
جيتني من شوق ولا شوق مابه

هيبة مشاعر

03-13-2022, 10:07 PM

دونك حياتي مالها طعم او ذوق
مابي حياة (ن) مابها نور عيني

غرور الماجد

03-14-2022, 08:15 AM

سلطان حاز المجد عرضه وطوله
ماعاش يرقب فرصةٍ ماتهيّت

للحين والعالم تناقل ..أفعوله
تقول ماكنه له سنين. ميّت

هيبة مشاعر

03-14-2022, 10:30 AM

محتاج لك .. كثر إحتياجي > للأنفاس
. . . . . . . . . . . .وأكثر بعد من حاجة النفس > للقوت

ـالـ مـ ىـ ىـ ىـ ـار

03-14-2022, 09:08 PM

شوقي كبير وكل يــــــوم ٍ يـــزوّد
مع الفضا وامتد عرضه وطوله
ولا بد من يـــوم يقولون عــوّد
والمستحيل ابـدّله في سهوله
قلمي

هيبة مشاعر

03-14-2022, 10:00 PM

رفعت راسي للسما وعرضت وجهي للرذاذ
ربي كما أسقيت سطح الأرض بل أرواحنا !

خلود المشاعر

03-15-2022, 02:32 AM

ياأجمل سنين العمر يانبض الفؤاد
مكانك القلب ومسكنك داخل الروح
لبى سواليفك وحكيك وطاريك
ياللي خذيت القلب والعقل واياك

هيبة مشاعر

03-15-2022, 12:10 PM

سولف عشان تحلى حروف الكلام
الكل عابر .. وانت بسّ ( المستمر )

لو ساد في وسط السما لون الظلام
ما يلفت انظار البشر .. غير القمر

صاحبة السمو

03-15-2022, 12:21 PM

الله يذكر ماضي الوقت بالخير
ايام عشناها في معنا السعاده
نفرح لمن يفرح ويفرحلنا الغير
واللي يمر بضيق ناقف حياده

عذب

03-18-2022, 09:20 PM

https://i.imgur.com/UxSExnz.jpg

هيبة مشاعر

03-20-2022, 11:44 AM

خلك عزيز النفس والعز مرقاك
وكلن عطه تفصيل ثوبه وقده

هيبة مشاعر

03-21-2022, 12:10 PM

عين الثريا

03-23-2022, 06:51 AM

يا ضعف قلبي فـ المحبه إذا حب

ويا قوّ قلبي فـ المواقف إذا عاف

زلزال حرف

03-23-2022, 07:18 AM

أرهقت نفسي بإنتظارك ولا جيت
‏والناس حولي شافت الشوق فيني
‏لا مرني بيتٍ عن الحب صديت
‏شعرٍ جرحني وزاد فيني حنيني.

هيبة مشاعر

03-24-2022, 11:48 AM

سر ياقلم واكتب على بيض الاوراق
..... عبر عن اللي داخل الصدر مكنون

عذب

03-24-2022, 08:23 PM

https://i.imgur.com/Ei7alcj.jpg

هيبة مشاعر

03-24-2022, 11:12 PM

كل المشاعر .. في غيابك .. تحراك
‎ ‎ ‎ ‎ ‎‎ ‎ ‎ ‎ ‎ ‎ ‎ ‎ ‎‎ ‎ ‎ ‎ تصرخ عليك من الوله .. حيل .. وينك

غرور الماجد

03-26-2022, 09:39 AM

الأعصاب م تهدا من الشوق بـ أبرة بنج ،
حديثك معي عقب البطا وحده بـ وحده !

هيبة مشاعر

03-26-2022, 01:11 PM

هزني طاريك وابكاني الوداع
................................ في نهار الشوق ودموع الليال
تمطر المزنه علي دون انقطاع
................................ سيلت وديان يملاها الزلال

عذب

03-27-2022, 09:42 PM

https://v.3bir.net/3bir/2022/03/bLpAkig-1.jpg

هيبة مشاعر

03-28-2022, 10:31 AM

الاغاني والصور والعطر سمٍ لعين
تجرح العاشق وتسقيه من مر المذاق

الغرام

القيصر

03-28-2022, 08:22 PM

لو خذاني الوقت عنك مانسيت
يوم كنا على العليا رقينا

عذب

03-28-2022, 10:44 PM

https://i.imgur.com/anwt29m.jpg

غرور الماجد

03-29-2022, 08:47 AM

للطيب فرصة وان تعدّت .. تعّدت
وللنفس عزّه لاكرهت شيء صدّت

لحن المسا

03-29-2022, 11:26 AM

يا صقر خانت فطنتك حكمة الطيش
لا ذي مطاليعك ولا ذي فنونك
من كم سنه يا طير ما تكفخ الريش
أجي واشوفك تايه ٍ في ظنونك

هيبة مشاعر

03-29-2022, 09:26 PM

وتدري وش اللي ماتوّفي لها الدين
اللي غذاك بصغر سنّك لبـنها

وتدري وش إللي راجحه بالموازين
سجدةسَحَر لاناموا الناس عنها

غرور الماجد

03-30-2022, 08:43 AM

ولْا تدقق .. فـ العباد وفـ العلوم !
والكلمه اللي ما تضرّك .. طوفها

هيبة مشاعر

03-30-2022, 09:22 AM

‏ياقره عيون الغلا مانسيتك
احس باحساسي وانا في مكاني

ـالـ مـ ىـ ىـ ىـ ـار

03-30-2022, 10:36 PM

أنتِ زمرد صح لاشك افضل
أفضل من المكنون ذاك الزمرد

أستغفرالله قصـدي اقول أجمل
لا والله فوق أفضل وأجمل تفرّد

أبهر عيون اللي تشوفه وأذهل
وأجمل طيور الارض شافه وغرد

قلمي

هيبة مشاعر

03-31-2022, 11:01 AM

‏الله على بوح القصايد ، والالهام
لاساقها نبض الشعر في معانيه

صاحبة السمو

04-02-2022, 03:49 AM

آشهد ان بعض المؤاقف تحــــدك " للسكوت"
تجبرك بـ .. صمت لو في صدرك "كــــــلاام"

هيبة مشاعر

04-03-2022, 11:53 AM

ياطير طمني على ناس غااالين
واحمل مع نبض المشاعر سلامي

الي لهم موقع بقلبي وفي العين
يسعدهم الله دون ذكر الاسامي

ـالـ مـ ىـ ىـ ىـ ـار

04-05-2022, 01:11 AM

هي الذهب ماتختلف عن ذهبها
ماهو خســـــــــــــارة لو بمالـــــــه وزنهــــــا

قلمي

لحن المسا

04-05-2022, 02:10 PM

https://www14.0zz0.com/2022/04/05/11/257113840.jpg (https://www.0zz0.com)

هيبة مشاعر

04-06-2022, 11:45 AM

هذي البداوة عيبها العشق غلاب
وطبع الوفا والطيب نلبس ثيابه

بسمعك بيت مثير للاعجاب
غناه خالد يوم جرحه سطا به

عشق بدوي لا حب ما هو كذاب
يوفي ولو جرحه تجدد صوابه

صاحبة السمو

04-06-2022, 10:26 PM

قل للذين تعطّلت أحلامهم
مازالَ في الأعماقِ نبضٌ باقي
أحلامنا كالزهر يعبقُ بيننا
تشتاقُ للسّقيا فأين الساقي

هيبة مشاعر

04-07-2022, 01:25 PM

لو تصير وجيه خلق الله وداع
وجهك لحاله يجي بصيغه هلا

ـالـ مـ ىـ ىـ ىـ ـار

04-08-2022, 12:07 AM

ماكنت افكـر اني اطيـح بيـــديك
قلنـا مثل ماحـــــــل بكــــــــره رحيــــله

تبيني لكن ابعـدت بك خطــاويك
حتى انا لك عودتــي مستحيــــــــله

حلم اللقى اقفى على كف ماضيك
اصبح من الماضي وذكـــــرى جميله
,
قلمي

هيبة مشاعر

04-10-2022, 10:47 PM

خلك على الهقوه ولا تقلب الثوب
اثبـت له ان الطيـب مازال باقـي

ـالـ مـ ىـ ىـ ىـ ـار

04-11-2022, 02:37 AM

النسيان والسهو

وش الفرق بينهم ؟؟

~~~~~~~~~~~~~~~~~~~~

طير الحباري يعجبك في طلــوعه
وطير الفلس عندك وحولك يناور

لاتحجز الخطوة والاجواء روعه
ولاتحجز افكارك بغرفـــة محــــاور

شف المكان اللي يسرّك ربوعه
وعلى طريقٍ يسعدك لاتشــــاور

قلمي

لحن المسا

04-12-2022, 04:02 AM

همستك ما تستقر الا بالاعماق
‎وان زار بالحلم طيفك .. قمت مذعور
‎أخافك تشوف نقطة ضعف مشتاق
‎وتعيش لحظه جنون النصر .. مغرور

هيبة مشاعر

04-12-2022, 02:34 PM

ياقبر اعز انسان غالي رقد فيك
خفف عليه من التراب الثقيلي

يا قبر ماني طيب عقب راعيك
اللي رعاني صار عندك نزيلي

صاحبة السمو

04-12-2022, 02:45 PM

الحب لوشانـت علينـا لياليـــه ...
نصبـر وفــى سـر الغـلا مانبوحي
طبع الوفـا بقلوبنـا مانخليـــه
يسري بروحه مثل ماهو بروحـــي

لحن المسا

04-16-2022, 10:48 AM

https://www11.0zz0.com/2022/04/16/07/849090299.jpg (https://www.0zz0.com)

هيبة مشاعر

04-17-2022, 11:18 AM

دامه بخير وخالي الهم قلبه
أنا بخير وهم قلبي مخليه

لحن المسا

04-20-2022, 11:11 AM

https://www12.0zz0.com/2022/04/20/08/252618023.jpg (https://www.0zz0.com)

شموع الحب

04-24-2022, 11:43 PM

هات القلم واكتب حروف ومعاني
....من واقعي سجل على بيض الآوراق

القيصر

04-27-2022, 01:49 AM

صبح بليا شوفتك مابه احساس
ياكود قربك منوة القلب للقلب

القيصر

هيبة مشاعر

04-27-2022, 05:17 AM

يالي تحط من الشعر كل ما زان
رسمك حروفه تتعب الي يقولون

لحن المسا

04-29-2022, 04:05 PM

الصبـر واجـد ميـر الأقــدار صلـفـه ...
والارض واجـد لكـن الـعـزم منـفـي !
والـــي اعـرفــه راح مـانـيـب اعـرفــه ..
ولا أظن يذكرنـي اليـا اقلبـت مقفـي !

هيبة مشاعر

04-30-2022, 05:20 AM

يارب صلِ على الحبيب محمدٍ
واغفر لعبدك كل ذنب وارحمه

عذب

05-03-2022, 01:20 AM

https://i.imgur.com/9YpuA6P.jpg

ورود

05-04-2022, 11:42 PM

وَرِزْقُكَ لَيْسَ يُنْقِصُهُ التَّأَنِّي***وَلَيْسَ يَزِيدُ فِي الرِّزْقِ العَنَاءُ إِذَا مَا كُنْتَ ذَا قَلْبٍ قَنُوعٍ***فَأَنْتَ وَمَالِكُ الدُّنْيَا سَواءُ

ـالـ مـ ىـ ىـ ىـ ـار

05-05-2022, 04:37 AM

ياصباح الخير يا اجمل صباح

ياصبــــــــــــــــــاحاً كل مافيني يبيــــــــــــه

قلمي

فهد المطيري

05-07-2022, 11:03 PM

يابوي بعدك وش تفيد المخاليق
آنا فقدتك وش أبي من حياتي
يانورعيني شوفتك تبعد الضيق
وتسعد عيوناً ساهره ماتباتي

غرور الماجد

05-08-2022, 12:04 PM

تنعّـم دام تـوّك فـي شبابـك
ليالي العمر مـا قـطّ أمهلنّـي
تعال أسقيك من جدول غرامـي
شـرابٍ فيـه للعاشـق تهنّـي

صاحبة السمو

05-08-2022, 03:18 PM

ي ليتني طفله واجي له اسلم
و اجلس بجنبه وانشده عن علومه

لا حدن على ناقد ولا حدن معلم
طفلن يسلم لعنبو مـن يلومه

خلود المشاعر

05-08-2022, 08:50 PM

اللي على اصغر عيوبي ماتحمّلني
يا مرحبا بالظروف اللي تقفّي به

غربة الروح

05-08-2022, 11:08 PM

‏يمـر اسمك على طيف المساء واقول له لبيـه
يا مسـاء الخير يا للي لا ذكرتك راقـت اوقاتي

غرور الماجد

05-10-2022, 10:41 AM

من قبل لا تاخذ الدنيا .. حبايبكم
حنّوا على بعض يمكن ما يجي بكرا !

غربة الروح

05-10-2022, 12:01 PM

لو يغيب من يغيب ما فقدتَ إلا أنتَ ،
ولو يحضر من حضر ما ألتفتَ إلا لكَ

ـالـ مـ ىـ ىـ ىـ ـار

05-11-2022, 02:24 AM

تسألني النفس الحزينـــــــه عن الزين
واقول صبرك بس يانفس ساعات

اليــوم مع بكـره وبعــده وبعـــــــــــــدين
والظاهرعودة صاحبي لي إشاعات

تشرق ونتحرّ ى وتغرب عن العين
لاجت بشــاراتٍ ولا من إشــــــــارات

ياكبر حظك ياطليق الجنـــــــــــاحـين
دون السما تطوي بعيد المسافات

تكفخ بجنحــــــــــــانك على ماتبي وين
ماتعترف بـ حـــــــــدود ولاّ جــــــــوازات
قلمي

غربة الروح

05-11-2022, 10:39 AM

‏معك صباحي ممتلي شعر وشعور
الله يصبّح وجهك الحلو .... بالخير

ـالـ مـ ىـ ىـ ىـ ـار

05-12-2022, 01:40 AM

http://tra-sh.com/vb/eydmubarak1441/statusicon/user_offline.gif

غرور الماجد

05-12-2022, 11:20 AM

كل الامور بخاطري مستتبه
يرتاح من يختار راحة ضميره

انا الغني اللي كسبت المحبه
ولولا عطى يمناي مارحت ديره

وانا الفقير اللي على باب ربه
ماني الفقير اللي على باب غيره"

راشد بن قطيما المري

غربة الروح

05-13-2022, 12:22 PM

يامحسن الظن لاتندم على طيبك
‏طيب النوايا .. فضيلة لا تخليها !

ـالـ مـ ىـ ىـ ىـ ـار

05-14-2022, 03:53 AM

https://girlspics.cc/wp-content/uploads/2018/07/1685-8.jpg
كن النظر يطرد ورى مدرج الحوم
أو الفضــــــــــــا اصبــــــــح لهـــــــــــــا شي ثـــاني
هي وحـــــــــــدها لكن بنظــــــــــــراتهـــــا قــــوم
لو رف طــــــرف العـــــــــــين زلــــــــزل مكاني

قلمي

غرور الماجد

05-14-2022, 06:55 AM

ابوك وامك في حياتك غناتك
دوّر رضاهم من رضاهم رضاء الله
َ
في برهم تلقى السعد في حياتك
و توفيق ربي في الميادين تلقاه

صاحبة السمو

05-14-2022, 07:00 AM

وَجَيَتَك تُوَاسِيْنِي! / لَقِيْت أَكْثَري ( طِيْر )
وَكِنَّك ( قَفَص ِ) يصَعبِ عَلَي ِاقتَحاِمهَ !!

النسيم الشرقي

05-14-2022, 10:04 PM

إنت أجمل حب وإحساس وشعور
الغلا أكبر من أني أوصفه

ـالـ مـ ىـ ىـ ىـ ـار

05-15-2022, 02:23 AM

هي الأعــاصير تاخـــــــذني وترميني
بارضٍ يبس عودها من قل ماطرها

يامــالك القلب خــــذني لاتخلـيني
كفاك في النفس ساجنها وقاهرها
قلمي

غرور الماجد

05-15-2022, 08:42 AM

تـــرا الــوفا بقلوبنا ماله اسباب ..
فطرة خلقها الله وصارت طبيعية !

غربة الروح

05-15-2022, 02:49 PM

‏ماتدري انك للخواطر سعادة
وانت السعادة كلها في حضورك

ـالـ مـ ىـ ىـ ىـ ـار

05-16-2022, 01:34 AM

طـــــــوّلت واقف صـــــــابراً عنك محـــــروم
وكافــــــح الاحـــــزان وحــــــدي بـــــــدالك

أيضــــا وعيني حـــــاربت لذة النـــــــــــوم
شغلي وتفكيري فقط في وصــــــــــالك
قلمي

غرور الماجد

05-16-2022, 08:01 AM

الدرب خلّه سمح لا تزرعه شوك
يمكن يجي يوم وتمرني حافي !

غربة الروح

05-16-2022, 08:42 PM

جعل الجاي من تباشيره وزين علومه
ما يوصف فرحته غير السجود لـ ربي

ـالـ مـ ىـ ىـ ىـ ـار

05-16-2022, 09:38 PM

للذكرى

تمـــــــايـــــــــــلي فــــــوق النهـــــــــــر لاتخـــــــــــــافـــــــــين
تــــــــرا النهــــــر يكسب شرف لوّ وقعــــــتي

تــــــدلّــــعي في خطوتـــــــك لاتــــشــــــــدّيــــــــن
غنيــــمــة الجســــر القديم إن رجعتي

روحـي .تعالي . ارجعي . لاتروحــــــــين
قولي فهمت ان كان فعلاً سمـــــعتي

ذي رغبــــــــة اللي شيطنتــــه الشيــاطين
والافضل لو من قلب صادق فزعتي

ام انه يسلم من حمم ذا البراكين
والا عـــــــلى قلبــــــه بحبـــــــــك طبــــــــــعتي

أو انه يبقــى بــــس مـــــدري مثل مـــين
حولك ولايعرف وش اللي صنعتي

من القهر يحصد من الهم همـــــين
والراحة يفقدها حسب ماشرعتي

بس السؤال وليت مرّه تجيبــــــين
وش البـــــــذور اللي بــــــدربـــــــه زرعتي
قلمي

غربة الروح

05-16-2022, 09:48 PM

‏مـانسيت واتمنى،،نعمة النسيان
لاجل اعيش براحة على كفوفك
على فكرة أنا مو ندمان
أنا أحبك في كل مرة أشوفك.

صاحبة السمو

05-17-2022, 07:36 AM

العزّ للنفس واجب والحيا سنّه
وانا يديني من الثنتين مليانه

ـالـ مـ ىـ ىـ ىـ ـار

05-17-2022, 10:06 PM

قبل اسلك دروب الهوى كنت مرتاح
ايضــــــــــــا ولا شبّـت لهـــــــــــــايـب حـنيـني

مالي ومال الحب واللي معه طــاح
اســـرح وروّح بـين فـكــــــــــــري وبيـني

واليوم لي حالــه مهي مثل مـاراح
هـاجس يغــادرنـي والآخــر يجيني
قلمي

غرور الماجد

05-18-2022, 08:55 AM

" أمسحي دمعك .. ترا دمعك أنا
لو يطيح الدّمع محبوبك يطيح "

غربة الروح

05-18-2022, 12:07 PM

الغايب اللي هيض الشوق طاريه
ماقل قدره لو يطول غيابه ..

احترت بين اعتب عليه ولا اراضيه..
اخاف اجرح رضاه بعتابه ..

ياللي تجونه دامني ماقدر اجيه
وصوا جنابه لايطــول غيـــابــه

لحن المسا

05-18-2022, 05:58 PM

https://www14.0zz0.com/2022/05/18/14/200261659.jpg (https://www.0zz0.com)

صاحبة السمو

05-21-2022, 07:56 AM

https://pbs.twimg.com/profile_images/1504506003278151681/x5W92yM0_400x400.jpg
وشلون ما اغليك
وأنت الذي علمتني حبك
يا هاجسي ... عشقي عيونك

النسيم الشرقي

05-21-2022, 08:05 AM

اسأل وتقرا الجواب في نظرة عيوني
تصوير لأجمل غرام حبك يامفتوني
ياعذب الصفات
ياكل الحياة
تلقى حياتي كلها لذة غرام

هيبة مشاعر

05-23-2022, 08:39 AM

البارحه كنت اكسر الروح و انهيه
كان الورق ارض و عيوني سحابه

فهد المطيري

05-23-2022, 04:24 PM

اليا كسر في خاطرك شخص تغليه
حتى المعاتب .. تستحي من عتابه !

هيبة مشاعر

05-24-2022, 12:11 PM

كل شي بالدنيا مقدر ومكتوب
حتى الجفا حتى الحزن حتى الافراح

غرور الماجد

05-25-2022, 09:44 AM

لك في مقامات الغلا دار وقصور
وما يسكن قصور الغلا غير غاليّ

غرور الماجد

05-25-2022, 09:44 AM

لك في مقامات الغلا دار وقصور
وما يسكن قصور الغلا غير غاليّ

هيبة مشاعر

05-26-2022, 07:32 AM

هلا صباح الورد لعيون الأحباب
من هاجس لاغرد الطير غناه

صبح الغلا والحب والشوق صباب
مثل السحاب يبلل الروح من ماه

غرور الماجد

05-26-2022, 10:20 AM

والصحه أحيان على هيئة بشر
لاشفت من تغليه شفت العافيه

لحن المسا

05-26-2022, 10:27 AM

اللي عطاهم لسان معطيني لسان
وأقدر أحطهم بين سني ونابي
لكني أسكت وأتجاهل علشان
ماأفتح اسوء المخاليق بابي

هيبة مشاعر

05-26-2022, 10:29 AM

هـذي هي الدنيآ يآضآيـق البآل
. . .صعب عليها ترآعـي .. مزآجـك

عطري وجودك

05-26-2022, 12:38 PM

بعض الشجر لو يبطي الغيم ما أسقاه
‏يموت راس الغصن ... والجذع نابت
‏
‏مثل الكفوو .. صلف الزمن لو تحداه
‏تشوف حاله شين ... والطيب ثابت

هيبة مشاعر

05-28-2022, 12:14 AM

محدن" رسم شخص على صفحة الماي ..
إلا " أنا " رسمتك بالغلا في ماي عيني ..

عطري وجودك

05-29-2022, 12:22 AM

له بين نبض القلب والطرف مسكن.؟
وله في ثنايا الروح طيفٍ وصوره..

له في شعور الذات حب تمكن
و البال ما يرتاح ألاّ بـ حضوره♡

هيبة مشاعر

05-29-2022, 09:09 PM

يارب .. لامن ذكر اسمي يقول الغير
حسن صيت وحسن عشرة ومرور كرام

لحن المسا

05-30-2022, 03:07 AM

المسافه : ذنب والفرقا : حنين
الليالي .. طيف والواقع .. فراق

احساس شاعر

05-30-2022, 07:52 AM

يسأل عليك اللي من الناس يغليـگ
‏يسـأل ويـرسـل ما يبـي غيــر ردگ

‏سلام والخافق من الشـوق يطريـگ
‏مشتـاق لـك ليت الرســاله تشــدگ

غرور الماجد

05-30-2022, 10:45 AM

ان طالت الدنيا و جيناك زوار
احفظ عهود الود يا كامل الزين
.
وان حالت الايام دونك والاقدار
من عادة الدنياه فراق المحبين

هيبة مشاعر

05-30-2022, 10:55 AM

الطيب يولد من بطون المواجيب
وحنا وراه ..[مشمرينن يدينا ]
مانعرف الا نمد ، ونجود ، ونطيب
هذي "الخيارات المتاحه لدينا "

هيبة مشاعر

06-02-2022, 01:17 PM

نقول فيڳ الشعر مدح و مجايد
واسقيك شعر الكيف فنجال دله

ادمنتك حب

06-05-2022, 01:46 AM

اشتاق لك واجبّر الشوق بالصمت،

، وعمر صمتي ماكان معناه نسيانك

شموع الحب

06-05-2022, 08:45 PM

يا هل الهوى خاطـري طايـب
امن الولـع والسهـر والنـوح
ماعاد لـي صاحـب ٍ غايـب
ولاعاد لي صاحب ٍ بيروووح !http://www.ishqalyali.com/vb/images/smilies/16.gif

عطري وجودك

06-05-2022, 09:01 PM

راحــت الايام ..و الخــاطر.. جزوع
والـظروف ..تـسوقنا ...ونــسوقها

رحلة ...الدنيا.. ذهــــاب ..بلا رجوع
تحت الأرض اكثر... من اللي.. فوقها

هيبة مشاعر

06-06-2022, 09:51 PM

محتاج لك .. كثر إحتياجي > للأنفاس
. . . . . . . . . . . .وأكثر بعد من حاجة النفس > للقوت

لحن المسا

06-07-2022, 12:32 AM

إذا أردت أن تقول الحقيقه للناس

فاجعلهم يضحكون ،

وإلا

فسوف

% يقتلونك %

ههههههههههههههه

هيبة مشاعر

06-07-2022, 12:21 PM

‏خل الكلام اللي فـ القلب فِـ القلب
‏مو كل شّي لا حز ف الخاطِر نقوله

لحن المسا

06-08-2022, 07:15 AM

لا انت ولا غيرك حناني يطوله
حاول تحاشا ثوب ماهو بثوبكــــ

هيبة مشاعر

06-08-2022, 09:55 PM

أنا تحت عفوه و ذكره وظلّه
‏تطيب وإلا ما تطيب الليالي

شموع الحب

06-09-2022, 01:38 PM

كل ما يمرني طيفك بكل اتجاه
ينحني لك شعوري وارفع القبعه

حظ من حطك بجوفه وسكرّ غطاه
حتى صوتك ما وده بالعرب تسمعه

من يحبك وربي من غرامك عطاه
وش يبي من حياته غير شوفك معه (http://tra-sh.com/vb/true)

هيبة مشاعر

06-09-2022, 02:09 PM

ياحبني للصّمت في معظم الوقت
والحكي كثره ، مايوافق مزاجي .

شموع الحب

06-18-2022, 07:53 PM

‏أقول له: أتيتُ لأطمئنّ
ويدري الله لاخوفٌ عليه
ولكني أتيت لضعف قلبٍ
تباكى لهفةً، ارفق عليه . (http://tra-sh.com/vb/true)

ورود

06-18-2022, 09:38 PM

الحظ عوّدني على .. قفلة الباب !
والعمر يجري بي ،
ولا أقدر أجاريه !

قالوا : ولايسوى الأمل حفنة تراب !
هو فيه أمل جاني ..،
وأنا قلت : مابيه ؟!