تسجيل الدخول

مشاهدة النسخة كاملة : بذوقــك كاس الغـــــدر والخذيــــله


صافي الود
05-31-2020, 09:25 PM
قال اللذي مثلي من الهم سهـــــران
مانـــام ليله والســـهر هد حيــــــله

مسكين قلبي كـــل ماله بنقصـــــان
وحيد قلبــي ماله اللــي يناديـــــله

ساع الفرح والله من العــــام ماجان
بسباب قلبٌ يبغي شوفة خليـــــله

راح وتركنـي كلـي همـوم واحـــزان
مايشفق بحالــي ولا اذوق جميـله

خلاني بحسـره ودمعات الاعيـــان
مايــرحم دمـــوعٌ تهــالل هليـــــــله

سيّلت من دمعي شعيبٌ ووديــــان
ابكــــي واصارع البكـى كل ليــــله

ماشفت هالقسوه في غيره انسان
قاسـي ولا يرحــم شخصٌ يبكيــله

ياكيف قلبك قاسي مايوم لــي لان
ياكيف جياتــك علـــي مستحيـــله

لا يابعد جميع ربعــــــي والخـلّان
لا تنسف الماضــي وقصه طويـــله

في غيبتك عايش مع اهلي والاخوان
اضحك معاهم والحزن بي اشيـله

مع الاهل جالس وكني من الغربان
حزيـن ولا لـي من الحـــزن حيـــله

وعيشتـــي دونك مافيـــها الامــان
الا برجــوعك كل خوفــي تزيـــــله

الحال تالف والجسم حيـل تعبان
وافراح قلبــي فـي غيابك عطيـله

كلٌ درى عني من اصحاب وجيران
كلٌ نشدنـي عن خوافــي هويــله

ناسٌ قريبه وناس بالحيل عـدوان
عدواني عندك صارت ناسٌ اصيله

انا على الماضي بالحيل ندمــــان
ياليـــته لو يـرجع واقوم بتعديـله

ودي به لو يـرجع واعطيـك حقـــران
وابـــركك عنـــــــدي نفسّ ذليـــــــله

واحب غيرك واتركك وانت تبــــــكان
ولا اخلــي لشـــوفتك اي وسيــــــله

واصبح مكانك ناكر لكل الاحســان
واشوفـــك تبكيني ولا لـك منيــــــله

وتــذوق من الغبنـه ثلاثة كيســـــان
وتشتكـــي حالـك بميـة عليـــــــــله

الكاس الاول مر ذقته من ازمـــــان
بذوقــك كاس الغـــــدر والخذيــــله

واقابل احسانك في كذب ونكـــران
واقــول ياكفــي بالشــر مديـــــــله

والكاس الاخر اشعل قليبك نيــران
واقــول ياناره بالحــر زيديـــــــــله

واخلـي قصتنا على كـل الســـــان
هـذي فعولك واربح اليوم حصــيله

واللي يليه الكاس دمعات الاعيــان
لا سيّل دموعك على الخد مسيــله

ولا اخلـي فيـك عـرقٌ وشريــــــــان
متعافـيٌ والعافــيه بـه رحيـــــــــله

كتبت لك ابيات ونضمت قيفــــــان
يالظالم اللـي ماتعرف العديــــــله

عسى حياتك مابها شــي لك زان
عساها دايم بالكـدر والفشيـــــله

عساك ماتهنى بكل ارض واوطان
عسى الهموم عندك تصبح حويله

عسى الفرح عندك ماله بالامكان
عسى التعاسه مالها لك بديــــله

طبعي حنون
05-31-2020, 09:27 PM
سلمت انآملك على الطرح المميز
ويعطيك العافيه على المجهود المبذول
ماننحرم من فيض عطائك وإبداعك

ودي وتقديري

صافي الود
05-31-2020, 09:35 PM
أجــمل وأرق باقات ورودى
لردك الجميل ومرورك العطر
تــحــياتي لك

صاحبة السمو
05-31-2020, 11:52 PM
كعادتك ابداااع
يعطيك العافية على ماقدمت
لقلبك السعادة

ولد الذيب
06-01-2020, 01:27 AM
عافااك الله :137:






اشكررك على الطرح الرااااائع والجميل:136:




ونتطلع لجديدك:81:

بندر السديري
06-01-2020, 02:47 AM
اللي كتب هـ الكلام اقشر
ومنفطره كبده .
لاهنت اخوي
تحيااتي

عين الثريا
06-01-2020, 06:22 AM
ابيات بقمة الروعه
دمت على العال
والى الامام

القيصر
06-01-2020, 11:10 AM
سلمت يداك على الطرح الجميل
ننتظر القادم ب شوق
ودي وتقديري

شموع الحب
06-01-2020, 01:48 PM
شُكرآ لك على هذهِ الأقتطآفة الشعرية
البآذخة الجمـآل والآنـآقة
تقديري ..

المحبوب
06-08-2020, 05:39 PM
طرحك موفق جدا

لاعدمنا طروحاتك الرائعه

تحياتي

رحيل المشاعر
06-09-2020, 02:52 PM
يعطيك الف عافيه
ننتظر جديد من اطروحاتك
الراقيه