ملاك الورد
06-23-2018, 05:37 PM
يابحر .. لا تستغل الجرح .. ويفضفض فؤادي !
وانت بحر ٍ صعب يغريني .. بمرجانه ولوله
يابحر .. لو بنثر همومي غدى لونك رمادي
يابحر .. جيتك وانا ماعاد عندي شي اقوله
بس .. عندي جرح ماعنده ضمير ولا مبادي
من يدين اللي تغيب الناس .. لا من غاب زوله
راح .. يوم ان الجفا نسّم معه من كل وادي
راح .. مايحسبني بحاجة غلا .. واشتاق .. واوله
مير ليته .. يوم لوّح لي بكفه .. شخص عادي
كان مالاحظت .. وش يفرق رحيلة / من وصوله
ما ترك لي غير حبي له وصوتٍ فيه انادي
كل ما ارسلته ترده لي ذعاذيع الرجوله
يابحر .. دامه يحاسبني على كبوة جوادي
والله ان احاسبه .. في قلب جاه وطاح حوله
ويوم يكسر خاطري .. يوم الزمن ماهو حيادي
يوم ابين له ميولي .. قبل يحكي عن ميوله
يوم كنت اصيح من كثر الجروح وكان هادي
يوم شح .. ويوم اقول ان الصبر فدوة رجوله
يوم قال اشوف في عيونك وفي قلبك .. بلادي
ويوم اقول : اشوفك انت الكون .. في عرضه وطوله
بين تلويع القلوب .. وبين تلويح الايادي
ليت عنده حرف ٍ يقوله .. عشان اقول : قوله !
يابحر .. جنني عناده .. وجنني عنادي !
قال برحل .. قلت له : طيب .. وراح بهالسهوله
وانت بحر ٍ صعب يغريني .. بمرجانه ولوله
يابحر .. لو بنثر همومي غدى لونك رمادي
يابحر .. جيتك وانا ماعاد عندي شي اقوله
بس .. عندي جرح ماعنده ضمير ولا مبادي
من يدين اللي تغيب الناس .. لا من غاب زوله
راح .. يوم ان الجفا نسّم معه من كل وادي
راح .. مايحسبني بحاجة غلا .. واشتاق .. واوله
مير ليته .. يوم لوّح لي بكفه .. شخص عادي
كان مالاحظت .. وش يفرق رحيلة / من وصوله
ما ترك لي غير حبي له وصوتٍ فيه انادي
كل ما ارسلته ترده لي ذعاذيع الرجوله
يابحر .. دامه يحاسبني على كبوة جوادي
والله ان احاسبه .. في قلب جاه وطاح حوله
ويوم يكسر خاطري .. يوم الزمن ماهو حيادي
يوم ابين له ميولي .. قبل يحكي عن ميوله
يوم كنت اصيح من كثر الجروح وكان هادي
يوم شح .. ويوم اقول ان الصبر فدوة رجوله
يوم قال اشوف في عيونك وفي قلبك .. بلادي
ويوم اقول : اشوفك انت الكون .. في عرضه وطوله
بين تلويع القلوب .. وبين تلويح الايادي
ليت عنده حرف ٍ يقوله .. عشان اقول : قوله !
يابحر .. جنني عناده .. وجنني عنادي !
قال برحل .. قلت له : طيب .. وراح بهالسهوله